|
“დღეს, ენდიაის მიერ გამოქვეყნებული კვლევა წინასაარჩევნო გარემოსთან დაკავშირებით, ძალიან ნათლად და ძალიან მკაფიოდ ამბობს, რომ საჭიროა პოლიტიკური ნება იმისათვის, რათა არჩევნების სისტემამ ასახოს ის დემოკრატიული წინსვლა, რომელიც არსებობს რეფორმების დონეზე,”-ამის შესახებ “ლელოს” ერთ-ერთმა ლიდერმა გრიგოლ გეგელიამ ენდიას კვლევების შეფასებისას განაცხადა.
“ დღეს ჩვენ ძალიან ნათლად, მკაფიოდ ვისმენთ, რომ თუკი პოლიტიკური ნება არ იქნება ადგილზე, წინა თვეებში მიღებული რიგითი ცვლილებები არ იქნება არანაირი ეფექტის მატარებელი ქართული დემოკრატიის განვითარების თვალსაზრისით. აქვე უნდა აღინიშნოს ისიც, რომ ამ კვლევის თანახმად, დღემდე კვლავ არსებობს პრობლემური მიმართულებები, როგორიც არის ადმინისტრაციული რესურსის გამოყენება, სასამართლო ძალაუფლების ბოროტად გამოყენება და როგორიც არის დაშინება წინასაარჩევნო პერიოდში,”-აღნიშნა გეგელიამ.
“ლელოს” რუსთავის მაჟორიტარი დეპუტატობის კანდიდატის თქმით, კვლევის ერთ-ერთი მნიშვნელოვანი დამკვირვებლები დასავლელი მეგობრები და პარტნიორები არიან, რომლებიც დააკვირდებიან, რომ არჩევნები დემოკრატიულად ჩატარდეს.
“ჩვენი დასავლელი პარტნიორები არცერთი წამით არ შეეგუებიან იმას, რომ ბიძინა ივანიშვილმა სრულად და საბოლოოდ მოიპაროს და მიიტაცოს ქართული დემოკრატია. ამას არ დაუშვებს არც ქართული საზოგადოება, არც ქართული ოპოზიციური სპექტრი და რაც ასევე მნიშვნელოვანია, არც ჩვენი დასავლელი მეგობრები და პარტნიორები. ჩვენ კიდევ ერთხელ ვისმენთ, რომ სრულიად არჩევნები უნდა ჩატარდეს თავისუფალ დემოკრატიულ გარემოში, რომელიც იქნება თავისუფალი შევიწროვების, შანტაჟის, მოსყიდვის, დაშინების და ყველა სხვა გადაცდომისაგან იმისათვის, რომ ქართველ ხალხს ერთხელ და სამუდამოდ მიეცეს საშუალება, რომ თავისი თავისუფალი არჩევანი დააფიქსიროს. კვლევაში აღნიშნულია, რომ დღემდე ჩვენი სისტემა არ არის დემოკრატიული, არ არის თავისუფალი და არ არის სამართლიანი. კვლავ გამოიყენება ადმინისტრაციული რესურსი, კვლავ ხდება ადამიანების დაშანტაჟება და შევიწროება პოლიტიკურ ნიადაგზე და კვლავაც ჩვენი სისტემა არ არის მომართული არც თავისუფლებაზე, არც თანასწორობაზე და არც სამართლიან გარემოში არჩევნების ჩატარებაზე, რაც უნდა შეიცვალოს,”-განაცხადა გრიგოლ გეგელიამ.
ეროვნულ დემოკრატიული ინსტიტუტი (NDI) ქვეყანაში წინასაარჩევნო გარემოს აფასებს. ორგანიზაციაში ამბობენ, რომ ხელისუფლებისაგან სამართლიანი არჩევნების ჩატარების პირობა მიიღეს, თუმცა მეტი ნდობისთვის, გავლენიანი საერთაშორისო ორგანიზაცია მთავრობას ქმედითი ნაბიჯების გადადგმას სთხოვს. უფრო კონკრეტულად კი საუბარია, რომ ხელისუფლებამ თავი უნდა შეიკავოს ადმინისტრაციული რესურსების გამოყენებისაგან, სიძულვილის ენის, მოსყიდვისა და ძალადობისგან.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები