|
„სამოქალაქო პლატფორმა 20/20“-ის ინიციატივით, აგვისტოს ომის მეთორმეტე წლისთავთან დაკავშირებით მერაბ კოსტავას სახლ-მუზეუმის ეზოში საქართველოს ტერიტორიული მთლიანობისთვის მებრძოლი ჯარისკაცები, ეროვნული მოძრაობის წარმომადგენლები და სამოქალაქო აქტივისტები დღეს შეიკრიბნენ და თაობათა ეროვნული თანხმობის აქტს მოაწერეს ხელი.
როგორც შეკრების ორგანიზატორმა, „სამოქალაქო პლატფორმა 20/20“-ის წარმომადგენელმა ირაკლი ფავლენიშვილმა განაცხადა, ქართული სახელმწიფოს სუვერენიტეტისა და მთლიანობის მთავარი საფრთხე ბოლო ორი ასწლეულის მანძილზე არის რუსეთის მტრული პოლიტიკა.
„საქართველოს ტერიტორიული მთლიანობისთვის მებრძოლი ჯარისკაცები, ეროვნულ-განმათავისუფლებელი მოძრაობის წარმომადგენლები და ჩვენ, ახალი თაობა, უნდა გავერთიანდეთ რუსული აგრესიისა და ოკუპაციის წინააღმდეგ. განგრძობითი ოკუპაციის პირობებში საქართველოსთვის მთავარ ეროვნულ-სახელმწიფოებრივ პრობლემას სწორედ ოკუპაცია წარმოადგენს, სხვანაირად შეუძლებელი იქნება დემოკრატიული, თავისუფალი, ერთიანი საქართველოს მშენებლობა.“- განაცხადა ფავლენიშვილმა.
შეკრებას ესწრებოდნენ აფხაზეთისა და აგვისტოს ომის ჯარისკაცები და სარდლები, გენერლები მამუკა ყურაშვილი და ზაზა გოგავა. გენშტაბის ყოფილმა უფროსმა, გენერალმა ზაზა გოგავამ მადლობა გადაუხადა "სამოქალაქო პლატფორმა 20/20"-ს თაობათა გაერთიანებისთვის და განაცხადა, რომ მერაბ კოსტავას სახლ-მუზეუმის ეზო, სადაც რამდენიმე თაობა დღეს შეიკრიბა, ოკუპაციის წინააღმდეგ ბრძოლის სიმბოლოა.
„ეს ადგილი იყო ოკუპაციის წინააღმდეგ ბრძოლის ფლაგმანი. მოხარული ვარ, რომ აქ შეკრებილია ახალი თაობა. ჩვენ გვაქვს დეოკუპაციის ორი მთავარი მოტივაცია. პირველი, გვყავს მომავალი თაობა, რომელიც თავისუფლებისა და სუვერენიტეტის იდეით ცხოვრობს და მეორე, ჯარისკაცების ხსოვნა, რომელთა დაღვრილი სისხლი უკვალოდ არ ჩაივლის და დაფასდება, როცა საქართველო სრულ თავისუფლებას მიაღწევს. საქართველოს გაცილებით უფრო მეტი ჯარისკაცი ყავს, თითოეული მოქალაქის სახით, ვიდრე მხოლოდ სამხედროები.“- განაცხადა ზაზა გოგავამ.
რუსეთ-საქართველოს 2008 წლის აგვისტოს ომიდან 12 წელი გავიდა.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები