|
პროექტის #ბორჯომიბუნებისგულშემატკივარი ფარგლებში, რომელიც თავის მხრივ ბორჯომის ტყის აღდგენა-განახლებას ითვალისწინებს, ბორჯომში, პლატოს ტერიტორიაზე 1850 კავკასიური ფიჭვის ნერგი დაირგო.
„ბორჯომი“ პროექტში უკვე მეოთხე წელია რაც ჩართულია და დღემდე ბრენდის კორპორაციული სოციალური პასუხისმგებლობის კამპანიის #ბორჯომიბუნებისგულშემატკივარი ეგიდით 3 ჰექტარ მიწის ფართობზე 7500 ნერგი დარგო. „ბორჯომის“ მიზანია, აღადგინოს ტყის საფარი ბორჯომში და ასევე, აქტიურად ჩართოს საზოგადოების წევრები ტყის აღდგენის პროცესში.
მინერალური წყლის ბრენდი „ბორჯომის“ ინიციატივით ჩატარებულ საშემოდგომო რგვებში გარემოს დაცვისა და სოფლის მეურნეობის სამინისტროს, ეროვნული სატყეო სააგენტოს, 112-ის, საგანგებო სიტუაციების მართვის და დაცული ტერიტორიების სამსახურების, ასევე, მედიის წარმომადგენლები და კომპანია IDS ბორჯომი საქართველოს თანამშრომლები იყვნენ ჩართულნი.
„ტყის აღდგენისა და მისი შენარჩუნების პროცესში კერძო სექტორისა და ადგილობრივი მოსახლეობის მონაწილეობა მნიშვნელოვანია. ბორჯომში, პლატოს ტერიტორიაზე 1850 კავკასიური ფიჭვის ნერგი დაირგო. ამ მნიშნელოვან საქმეში გარკვეული წვლილი შევიტანეთ ჩვენც, 112-ის თანამშრომლებმა და დავრგეთ ნერგები. მადლობა IDS ბორჯომს, რომ ზრუნავს გარემოსდაცვით საკითხებზე და უკვე მეოთხე წელია ჩართულია ბორჯომის ტყის საფარის აღდგენის პროექტში,“ - აღნიშნა საქართველოს შინაგან საქმეთა სამინისტროს სსიპ „112“-ის დირექტორმა ნიკა გელაშვილმა.
ამ დღესვე, გაიმართა დაჯილდოვება „ბორჯომის გმირი“, რომლის დროსაც „ბორჯომის“ წარმომადგენლებმა 2017 წელს ხეობაში ტყის მასივში ხანძრის ეპიცენტრსა და ლოკალიზაციის დროს მომუშავე ადამიანებსა და სამსახურებს მადლობა გადაუხადეს.
„ტყის საფარის აღდგენა და რაც კიდევ უფრო მნიშვნელოვანია, შენარჩუნება თითოეული ჩვენგანის მოვალეობაა. ჩვენი პროექტიც, რომელიც უკვე ბევრი წელია არსებობს, სწორედ, ამას ემსახურება, დავრგოთ ახალი ნერგები და 5 წლის მანძილზე განვახორციელოთ მოვლა - პატრონობა. ასევე, მნიშვნელოვანია, ამ თემაზე ბევრი საუბარი, რათა საზოგადოების ფართო მასები ჩავრთოთ ამ მიმართულებით და ისინიც ბუნების გულშემატკივრებად გადავაქციოთ. წელს, აგვისტოს ხანძრის ერთი წლის თავზე მადლობა გადავუხადეთ ადამიანებს, რომლებმაც ბუნების მნიშვნელობა კარგად იციან, ვინც თავი არ დაზოგა და ზოგ შემთხვევაში გაწირა კიდეც იმისათვის, რათა გადაერჩინა და შეენარჩუნებინა ტყე,“ - აღნიშნა კომპანია IDS ბორჯომის საზოგადოებასთან ურთიერთობის მენეჯერმა, ნიცა ჩოლოყაშვილმა.
ბორჯომის ტყის აღდგენის კამპანია მინერალური წყლის ბრენდის „ბორჯომის“ კორპორაციული სოციალური პასუხისმგებლობის პროექტის ეგიდით „ბორჯომი ბუნების გულშემატკივარი“ 2015 წლიდან ხორციელდება. ამ ხნის განმავლობაში მოხერხდა 3 ჰექტარი ტყის აღდგენა და დაირგო 7500 ნერგი.
18:14
სექტემბრის ეკონომიკის ზრდამ 8.3 პროცენტი შეადგინა, რაც თიბისი კაპიტალის პროგნოზთან შედარებით მხოლოდ 0.3 პროცენტული პუნქტით განსხვავებაა. სრული 2024 წლისათვის კი, ჩვენი 9.4 პროცენტიანი პროგნოზი უცვლელი...
18:10
გარემოზე ზრუნვის მიზნით, თიბისიმ, ბრენდ „ადამიანის” ინიციატივით, მასთან და არტისტ მიშიკო სულაკაურთან თანამშრომლობით, ჩამოხსნილ სარეკლამო ბანერებს, ახალი სიცოცხლე შესძინა და ურბანულ თ...
18:08
თიბისი, სამუშაო პროცესების გაუმჯობესებისა და გამარტივებისთვის, ინოვაციურ მიდგომებს და გადაწყვეტებს მუდმივად ნერგავს. სწორედ ამ მიზნით, კომპანია საერთაშორისო ტექნოლოგიურ კომპანია, Atlassian-თან თანამშრ...
12:34
თიბისიმ ევროპის რეკონსტრუქციისა და განვითარების ბანკისგან - EBRD, ვაჭრობის დაფინანსების პროგრამის (TFP) ფარგლებში, მწვანე პროექტების დაფინანსებისთვის, 3 მილიონი ლარი მიიღო, რაც კორპორაციულ ბიზნესკლიე...
18:24
თიბისი კონცეპტი ქოუჩინგ ლაბთან პარტნიორობით იწყებს მიღებას გუნდური ქოუჩინგის საერთაშორისო პროგრამის მესამე ნაკადზე „გუნდური ქოუჩინგი - ფუნდამენტი“, რომელიც თბილისში 12-14 დეკემბერს ჩატარდ...
18:20
ავტომობილის სამუხრუჭე სისტემა ერთ-ერთი ყველაზე მნიშვნელოვანი ელემენტია, რომელიც მძღოლისა და მგზავრების უსაფრთხო გადაადგილებას უზრუნველყოფს. სამუხრუჭე სისტემის გამართულად მუშაობა ყველა სეზონზე მნიშვნე...
16:15
ამიერიდან, მომხმარებელს დაზღვევის შეძენისას შეუძლია აირჩიოს თეგეტა მოტორსის შეკეთების სერვისი და თუ სადაზღვევო შემთხვევის შედეგად მანქანის შეკეთება გახდა საჭირო, მომსახურებას თეგეტა მოტორსში მიიღებს....
|
კომენტარები