|
საქართველოს ტრანსპორტისა და გზების ასოციაცია მთავრობას ავტოპარკის განახლების გეგმას შესთავაზებს
რა იწვევს ჰაერის დაბინძურებას - მოძველებული ავტოპარკი თუ საწვავი. ამ თემაზე საქართველოს ტრანსპორტისა და გზების ასოციაციის თავმჯდომარემ, დავით მესხიშვილმა რუსთავი ორის ეთერში ისაუბრა. მესხიშვილი აცხადებს, რომ ჰაერის დაბინძურების მთავარი მიზეზი გაუმართავი და ძველი ავტომობილებია. მისი მტკიცებით, საქართველო ჰაერის დაბინძურების კუთხით რეკორდულ მაჩვენებელზეა და აუცილებელია, სახელმწიფომ ქმედითი ნაბიჯები გადადგას. ტრანსპორტისა და გზების ასოციაციის თავმჯდომარის განმარტებით, პრობლემა კანონის აღსრულებაშია.
„ავტომობილების პერიოდული ტექინსპექტირება დაწყებულია და მაინც სულ არსებობს კითხვა, რა ხარისხის საწვავი შემოდის საქართველოში. ჩვენ მივმართავთ სახელმწიფოს და ვთხოვთ, რომ შეიმუშავოს მექანიზმი, დაამშვიდოს ავტომფლობელები, რომ საწვავის ხარისხი არის კარგი. ჩვენ არ გვაქვს საფუძველი ვთქვათ, რომ საწვავი ცუდია. რეკორდულ მაჩვენებელზე ავდივართ ჰაერის დაბინძურების თვალსაზრისით და გარდაცვალების კუთხითაც. მიზეზი არის ის, რომ ავტომობილების დიდი ნაწილი არის გაუმართავი, მოძველებული, ამიტომ ინსპექტირებას დიდ მნიშვნელობას ვანიჭებთ. პრობლემა არის ბევრი, განსაკუთრებით კანონის აღსრულების ნაწილში და ეს უნდა დაიხვეწოს. შეგახსენებთ, რამდენიმე დღის წინ ავტობუსი დაიწვა, რომელსაც გავლილი ჰქონდა ტექინსპექტირება. თუ გავლილი ჰქონდა, რატომ დაიწვა? ამიტომ ვამბობ, გვჭირდება, რომ სახელმწიფომ კანონი აღასრულოს,“ - აცხადებს დავით მესხიშვილი.
მისივე მტკიცებით, უახლოეს მომავალში გზების ასოციაცია მიმართავს სახელმწიფოს და შესთავაზებს კონკრეტულ პროგრამას, რომელიც ხელს შეუწყობს ავტოპარკის განახლებას.
„უნდა დავიწყოთ განბაჟების სისტემიდან და განვიხილოთ, როგორ უნდა შეიცვალოს. ასევე, როგორ უნდა წახალისდეს ახალი ავტომობილის ყიდვა მოძველებულის ნაცვლად. ჩვენ დავამუშავებთ პროგრამას და შევთავაზებთ მთავრობას. იმედი გვაქვს, რომ გაითვალისწინებენ. ყველა კვლევა აჩვენებს, რომ ჰაერის დაბინძურება დაკავშირებულია ძველ, გაუმართავ ავტოტრანსპორტთან,“ - ამბობს დავით მესხიშვილი.
18:14
სექტემბრის ეკონომიკის ზრდამ 8.3 პროცენტი შეადგინა, რაც თიბისი კაპიტალის პროგნოზთან შედარებით მხოლოდ 0.3 პროცენტული პუნქტით განსხვავებაა. სრული 2024 წლისათვის კი, ჩვენი 9.4 პროცენტიანი პროგნოზი უცვლელი...
18:10
გარემოზე ზრუნვის მიზნით, თიბისიმ, ბრენდ „ადამიანის” ინიციატივით, მასთან და არტისტ მიშიკო სულაკაურთან თანამშრომლობით, ჩამოხსნილ სარეკლამო ბანერებს, ახალი სიცოცხლე შესძინა და ურბანულ თ...
18:08
თიბისი, სამუშაო პროცესების გაუმჯობესებისა და გამარტივებისთვის, ინოვაციურ მიდგომებს და გადაწყვეტებს მუდმივად ნერგავს. სწორედ ამ მიზნით, კომპანია საერთაშორისო ტექნოლოგიურ კომპანია, Atlassian-თან თანამშრ...
12:34
თიბისიმ ევროპის რეკონსტრუქციისა და განვითარების ბანკისგან - EBRD, ვაჭრობის დაფინანსების პროგრამის (TFP) ფარგლებში, მწვანე პროექტების დაფინანსებისთვის, 3 მილიონი ლარი მიიღო, რაც კორპორაციულ ბიზნესკლიე...
18:24
თიბისი კონცეპტი ქოუჩინგ ლაბთან პარტნიორობით იწყებს მიღებას გუნდური ქოუჩინგის საერთაშორისო პროგრამის მესამე ნაკადზე „გუნდური ქოუჩინგი - ფუნდამენტი“, რომელიც თბილისში 12-14 დეკემბერს ჩატარდ...
18:20
ავტომობილის სამუხრუჭე სისტემა ერთ-ერთი ყველაზე მნიშვნელოვანი ელემენტია, რომელიც მძღოლისა და მგზავრების უსაფრთხო გადაადგილებას უზრუნველყოფს. სამუხრუჭე სისტემის გამართულად მუშაობა ყველა სეზონზე მნიშვნე...
16:15
ამიერიდან, მომხმარებელს დაზღვევის შეძენისას შეუძლია აირჩიოს თეგეტა მოტორსის შეკეთების სერვისი და თუ სადაზღვევო შემთხვევის შედეგად მანქანის შეკეთება გახდა საჭირო, მომსახურებას თეგეტა მოტორსში მიიღებს....
|
კომენტარები