|
კინოსტუდია „ქართულ ფილმში“ თიბისის მხარდაჭერით ქართული კინოს 110 წლის საიუბილეო საღამო გაიმართა, სადაც ქართულ ფილმს არამატერიალური კულტურული მემკვიდრეობის სტატუსი მიენიჭა. კინოსტუდიის 4 პავილიონში სტუდიის საცავებში დაცული კინოკოსტიუმები, ისტორიული კინოგადამღები ტექნიკა, იარაღ-საჭურველი, რეკვიზიტები, უნიკალური კინოაფიშები და კინოესკიზები გამოიფინა.
საიუბილეო საღამოსთვის 11 კინოკამერას 3 თვის განმავლობაში სარესტავრაციო სამუშაოები ჩაუტარდა. სტუმრებმა მეოცე საუკუნის დასაწყისში შექმნილი უნიკალური კამერაც იხილეს.
ღონისძიებაზე კინოსტუდიის საცავებში დაცული 2500 ესკიზიდან ბოლო 25 წლის განმავლობაში სხვადასხვა კოლექციებიდან მოპოვებული მასალა იყო წარმოდგენილი.
საღამო სტუდიის ფოიეში „ქართული ფილმისა“ და სტუდია „მემატიანეს“ ვიდეო და ფოტო ფონდის უნიკალური მასალების ჩვენებამ და ქართული კინომუსიკის კონცერტმა გააფორმა. კინოსტუდია „ქართული ფილმის“ სივრცეში ქართული კინოს 110 წლიანი ისტორიის ამსახველი გამოფენის დათვალიერება მსურველებს 3 ივლისის ჩათვლით შეეძლებათ.
პირველი ქართული სრულმეტრაჟიანი ფილმი - ვასილ ამაშუკელის დოკუმენტური ნამუშევარი - „აკაკი წერეთლის მოგზაურობა რაჭა-ლეჩხუმში“ 1912 წელს გამოვიდა. თუმცა, ქართული კინოს დაბადების ოფიციალური თარიღი 1908 წლის 15 მაისია, როდესაც ბაქოში ვასილ ამაშუკელისა და ალექსანდრე დიღმელოვის (დიღმელაშვილის) გადაღებული პირველი კინოკადრების ჩვენება შედგა.
ეს კინოკადრები მაშინდელ საზოგადეობაში მიმდინარე მოვლენებს ასახავდა: „ქვანახშირის ზიდვა აქლემებით“, „ბაქოს ბაზრები“, „ქუთაისის პეიზაჟები“, „ბაქოს ჭაბურღილები“, „ქარვასლა“, „თბილისის აბანოები“, „თბილისის მუშთაიდი“. პირველი ქართული სრულმეტრაჟიანი მხატვრული ფილმი კი „ქრისტინეა“, რომელიც რეჟისორმა ალექსანდრე წუწუნავამ ეგნატე ნინოშვილის ამავე სახელწოდების მოთხრობის მიხედვით გადაიღო.
ქართული კინოს ისტორიის მანძილზე 800-მდე სრულმეტრაჟიანი მხატვრული, სატელევიზიო და მოკლემეტრაჟიანი ფილმი, 600-მდე დოკუმენტური და სამეცნიერო, 500-მდე ანიმაციური და თოჯინური ფილმია შექმნილი.
18:14
სექტემბრის ეკონომიკის ზრდამ 8.3 პროცენტი შეადგინა, რაც თიბისი კაპიტალის პროგნოზთან შედარებით მხოლოდ 0.3 პროცენტული პუნქტით განსხვავებაა. სრული 2024 წლისათვის კი, ჩვენი 9.4 პროცენტიანი პროგნოზი უცვლელი...
18:10
გარემოზე ზრუნვის მიზნით, თიბისიმ, ბრენდ „ადამიანის” ინიციატივით, მასთან და არტისტ მიშიკო სულაკაურთან თანამშრომლობით, ჩამოხსნილ სარეკლამო ბანერებს, ახალი სიცოცხლე შესძინა და ურბანულ თ...
18:08
თიბისი, სამუშაო პროცესების გაუმჯობესებისა და გამარტივებისთვის, ინოვაციურ მიდგომებს და გადაწყვეტებს მუდმივად ნერგავს. სწორედ ამ მიზნით, კომპანია საერთაშორისო ტექნოლოგიურ კომპანია, Atlassian-თან თანამშრ...
12:34
თიბისიმ ევროპის რეკონსტრუქციისა და განვითარების ბანკისგან - EBRD, ვაჭრობის დაფინანსების პროგრამის (TFP) ფარგლებში, მწვანე პროექტების დაფინანსებისთვის, 3 მილიონი ლარი მიიღო, რაც კორპორაციულ ბიზნესკლიე...
18:24
თიბისი კონცეპტი ქოუჩინგ ლაბთან პარტნიორობით იწყებს მიღებას გუნდური ქოუჩინგის საერთაშორისო პროგრამის მესამე ნაკადზე „გუნდური ქოუჩინგი - ფუნდამენტი“, რომელიც თბილისში 12-14 დეკემბერს ჩატარდ...
18:20
ავტომობილის სამუხრუჭე სისტემა ერთ-ერთი ყველაზე მნიშვნელოვანი ელემენტია, რომელიც მძღოლისა და მგზავრების უსაფრთხო გადაადგილებას უზრუნველყოფს. სამუხრუჭე სისტემის გამართულად მუშაობა ყველა სეზონზე მნიშვნე...
16:15
ამიერიდან, მომხმარებელს დაზღვევის შეძენისას შეუძლია აირჩიოს თეგეტა მოტორსის შეკეთების სერვისი და თუ სადაზღვევო შემთხვევის შედეგად მანქანის შეკეთება გახდა საჭირო, მომსახურებას თეგეტა მოტორსში მიიღებს....
|
კომენტარები