|
თიბისი არტ გალერეა ცნობილი ქართველის მხატვრის, მამია მალაზონიას ნამუშევების გამოფენას, „მამია მალაზონია -წიგნი“ მასპინძლობს. გამოფენა მთლიანად ეძღვნება წიგნსა და წიგნის ხელოვნებას. ექსპოზიციაზე წარმოდგენილია არა მხოლოდ წიგნის ილუსტრაცია და გრაფიკული სერიები, არამედ სხვადასხვა დროს გამოცემული წიგნებიც, სადაც ქართველი მხატვრის დასურათებებია შესული.
მამია მალაზონიას სახელი კარგადაა ცნობილი ქართული გრაფიკული ხელოვნების მკვლევართა, გამომცემელთა და ზოგადად, წიგნის მოყვარულთა წრეებში. ის მუშაობს დაზგურ გრაფიკასა და წიგნის დასურათებაზე, თეატრის, კინოსა და ანიმაციური ფილმების მხატვრობაზე, მონუმენტურ ხელოვნებაში.
საქართველოსა და მის ფარგლებს გარეთ მამია მალაზონიას გამართული აქვს15 პერსონალური გამოფენა, გაფორმებული აქვს 90-მდე სპექტაკლი, 16 მხატვრული და ანიმაციური ფილმი. მათ შორის: პოლიკარპე კაკაბაძის „კახაბერის ხმალი“ (რეჟ. გიგა ლორთქოფანიძე) და ავქსენტი ცაგარელის „ძველი ვოდევილები“ (რეჟ. ვასო გოძიაშვილი) - მარჯანიშვილის თეატრში, ავქსენტი ცაგარელის „ხანუმა“ (რეჟ. რობერტ სტურუა) -რუსთაველის თეატრში, „აბესალომ და ეთერი“ (რეჟ. გიზო ჟორდანია) ოპერისა და ბალეტის თეატრში. მხატვარსდასურათებული აქვს 40-მდე გამოცემა:”ცხოვრება იესო ქრისტესი”, „მათეს სახარება“, „ფსალმუნები“, რუსთაველის ”ვეფხისტყაოსანი”, სულხან-საბა ორბელიანის ”სიბრძნე სიცრუისა”, ბულგაკოვის „ოსტატი და მარგარიტა“, იბსენის „პერ გიუნტი“, ბოკაჩოს „დეკამერონი“, გოეთეს „ახალგაზრდა ვერთერის ვნებანი“ და სხვა.
მამია მალაზონია სხვადასხვა ილუსტრაციის ავტორია შექსპირის, დანტეს, გოგოლის, ვიიონის, ნაბოკოვის, აპოლინერის ნაწარმოებებისათვის, ასევე ქართული და უცხოური ზღაპრებისათვის.მისი ნამუშევრები ინახება საქართველოს ეროვნულ მუზეუმში, ქართული ლიტერატურის სახელმწიფო მუზეუმსა და ხელოვნების სასახლეში (საქართველო); ასევე, პუშკინის მუზეუმში, ტრეტიაკოვის გალერეაში, აღმოსავლეთის კულტურის სახელმწიფო მუზეუმში, ბახრუშინის მუზეუმსა და ერმიტაჟში (რუსეთი); კერძო კოლექციებში: საქართველო, საფრანგეთი, აშშ, გერმანია, დიდი ბრიტანეთი, რუსეთი, თურქეთი...
თიბისი არტ გალერეაში მამია მალაზონიას ნამუშევრების ნახვა დამთვალიერებელს 2018 წლის 3 აგვისტომდე შეეძლება.
18:14
სექტემბრის ეკონომიკის ზრდამ 8.3 პროცენტი შეადგინა, რაც თიბისი კაპიტალის პროგნოზთან შედარებით მხოლოდ 0.3 პროცენტული პუნქტით განსხვავებაა. სრული 2024 წლისათვის კი, ჩვენი 9.4 პროცენტიანი პროგნოზი უცვლელი...
18:10
გარემოზე ზრუნვის მიზნით, თიბისიმ, ბრენდ „ადამიანის” ინიციატივით, მასთან და არტისტ მიშიკო სულაკაურთან თანამშრომლობით, ჩამოხსნილ სარეკლამო ბანერებს, ახალი სიცოცხლე შესძინა და ურბანულ თ...
18:08
თიბისი, სამუშაო პროცესების გაუმჯობესებისა და გამარტივებისთვის, ინოვაციურ მიდგომებს და გადაწყვეტებს მუდმივად ნერგავს. სწორედ ამ მიზნით, კომპანია საერთაშორისო ტექნოლოგიურ კომპანია, Atlassian-თან თანამშრ...
12:34
თიბისიმ ევროპის რეკონსტრუქციისა და განვითარების ბანკისგან - EBRD, ვაჭრობის დაფინანსების პროგრამის (TFP) ფარგლებში, მწვანე პროექტების დაფინანსებისთვის, 3 მილიონი ლარი მიიღო, რაც კორპორაციულ ბიზნესკლიე...
18:24
თიბისი კონცეპტი ქოუჩინგ ლაბთან პარტნიორობით იწყებს მიღებას გუნდური ქოუჩინგის საერთაშორისო პროგრამის მესამე ნაკადზე „გუნდური ქოუჩინგი - ფუნდამენტი“, რომელიც თბილისში 12-14 დეკემბერს ჩატარდ...
18:20
ავტომობილის სამუხრუჭე სისტემა ერთ-ერთი ყველაზე მნიშვნელოვანი ელემენტია, რომელიც მძღოლისა და მგზავრების უსაფრთხო გადაადგილებას უზრუნველყოფს. სამუხრუჭე სისტემის გამართულად მუშაობა ყველა სეზონზე მნიშვნე...
16:15
ამიერიდან, მომხმარებელს დაზღვევის შეძენისას შეუძლია აირჩიოს თეგეტა მოტორსის შეკეთების სერვისი და თუ სადაზღვევო შემთხვევის შედეგად მანქანის შეკეთება გახდა საჭირო, მომსახურებას თეგეტა მოტორსში მიიღებს....
|
კომენტარები