|
ზოგიერთი საოლქო საარჩევნო კომისია უბნების დაკომპლექტების დროს საარჩევნო კოდექსით გათვალისწინებულ ნორმებს გასცდა, - ამის შესახებ ნათქვამია IRI-ს გრძელვადიანი საარჩევნო დამკვირვებლების ანგარიშში.
საარჩევნო ადმინისტრაციასთან დაკავშირებით ანგარიშში ნათქვამია, რომ საუბნო საარჩევნო კომისიებში სამუშაოდ შერჩეულთა დიდ ნაწილს წარმოადგენენ ქალები, ასევე, შემოსულია მეტი განაცხადები ახალგაზრდებისგან. დოკუმენტში ასევე აღნიშნულია, რომ ორი პარტიისთვის - „სახელმწიფო ხალხისთის“ და „საქართველოს პატრიოტთა ალიანსი - გაერთიანებული ოპოზიცია“ - საარჩევნო რიგითი ნომრის ადრეული მინიჭებამ მათ უპირატესობა მისცა საარჩევნო კამპანიაში, რაც უთანასწორობის განცდას ზრდის. ანგარიშში ასევე მიმოხილულია საარჩევნო უბნების დაკომპლექტების საკითხი და გამოთქმულია ვარაუდი, რომ ზოგიერთმა საოლქო საარჩევნო კომისიამ წინასწარ განსაზღვრული სიები გამოიყენა.
„საოლქო საარჩევნო კომისიებმა ღია სხდომაზე უნდა შეარჩიონ პროფესიონალი, უპარტიო საუბნო საარჩევნო კომისიის წევრები წარმოდგენილი რეზიუმეების საფუძველზე. თუმცა, როგორც ჩანს, ზოგიერთმა საოლქო საარჩევნო კომისიამ გამოიყენა წინასწარ განსაზღვრული სიები, საუბნო საარჩევნო კომისიის დაკომპლექტების დროს. „სამართლიანი არჩევნებისა და დემოკრატიის საერთაშორისო საზოგადოებამ“ (ISFED) დაადასტურა, რომ მსგავსი შემთხვევა დაფიქსირდა ოთხ საარჩევნო ოლქში. სამტრედიაში (იმერეთი) - 300 შერჩეული საუბნო საარჩევნო კომისიის წევრიდან 256 წინასწარ იყო განსაზღვრული; ქობულეთში (აჭარა) - თითქმის ყველა საუბნო საარჩევნო კომისიის წევრი წინასწარ იყო განსაზღვრული; სენაკში (სამეგრელო) - 282 საუბნო საარჩევნო კომისიის წევრიდან 255 წინასწარ იყო განსაზღვრული; ოზურგეთში (გურია) - თითქმის ყველა საუბნო საარჩევნო კომისიის წევრი წინასწარ იყო განსაზღვრული. მიუხედავად იმისა, რომ საერთაშორისო რესპუბლიკური ინსტიტუტის გრძელვადიანმა დამკვირვებლებმა დოკუმენტურად ასახეს რიგი არაოფიციალური მტკიცებულებებისა წინასწარ განსაზღვრულ სიებთან დაკავშირებით, ეს პრეტენზიები ძირითადად მაინც უკავშირდება შეხედულებებს, რომ საოლქო საარჩევნო კომისიები გამოირჩევიან „ქართული ოცნება - დემოკრატიული საქართველოსადმი“ ერთგულებით და/ან განიცდიან მათგან ზეწოლას, საუბნო საარჩევნო კომისიების მმართველი პარტიის მხარდამჭერებით დაკომპლექტების მიზნით”, - ნათქვამია ანგარიშში.
“საერთაშორისო რესპუბლიკური ინსტიტუტი” მიიჩნევს, რომ შესაძლებელია, საოლქო საარჩევნო კომისიები წინასწარ ირჩევდნენ თავიანთ ექვს კანდიდატს სხდომაზე დროის დაზოგვის მიზნით და არა მმართველ პარტიისთვის უკანონო ან არაპროპორციული უპირატესობის მინიჭებისთვის ოპოზიციურ პარტიებთან შედარებით.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები