|
COVID -19 ის რეჟიმში, ქვეყანაში გამოცხადებული საგანგებო მდგომარეობა განსაკუთრებით მძიმედ აისახა სოციალურად დაუცველ ოჯახებსა და იმ ადამიანებზე, ვინც ყოველდღიურ შემოსავალზე იყო დამოკიდებული. კომპანია „სოკარ ენერჯი ჯორჯიამ“ მიიღო გადაწყვეტილება, ძირითადი საკვები პროდუქტებით დაეხმაროს საქართველოს ოკუპირებულ ტერიტორიებთან გამყოფი ხაზის სოფლების სოციალურად დაუცველ მრავალშვილიან ოჯახებს და მარტოხელა მოხუცებს.
„სოკარ ენერჯი ჯორჯიას“ გენერალური დირექტორის ბატონი მაჰირ მამმედოვის ინიციატივითა და სახელმწიფო მინისტრის აპარატის ჩართულობით დახმარების აქცია 5 რეგიონსა და 10 მუნიციპალიტეტს მოიცავს. კონფლიქტისაგან დაზარალებული 2174 ოჯახი მიიღებს დახმარებას. დახმარებას ასევე მიიღებენ 800-მდე სოციალურად დაუცველი ოჯახი კახეთისა და ქვემო ქართლის რეგიონებში.
დახმარების პაკეტების დარიგება 25 დეკემბერს დაიწყო სამეგრელოს, შიდა ქართლის, მცხეთა-მთიანეთის, იმერეთისადა რაჭის კონფლიქტით დაზარალებულ 116 სოფელში. პირველი აქტივობა ზუგდიდში, მუნიციპალიტეტის შენობასთან, 14:00 საათზე შედგა, სადაც საკვები პროდუქტებით დაკომპლექტებული ყუთების გადაცემას „სოკარ ჯორჯია პეტროლეუმის“ დირექტორი ლევან გიორგაძე, შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი და სახელმწიფო რწმუნებულის მოვალეობის შემსრულებელი მალხაზ თორია დაესწრნენ; ასევე 14:00 საათზე გორში, მუნიციპალიტეტის შენობასთან დახმარების პაკეტების დარიგება „სოკარ ჯორჯია გაზის“ დირექტორის, აზერ მამადოვის და შიდა ქართლში სახელმწიფო რწმუნებულის მოვალეობის შემსრულებლის სიმონ გულედანის მონაწილეობით შედგა. ამავე დღეს დარიგდა იმერეთის, რაჭისა და მცხეთა-მთიანეთის ბენეფიციარების საჩუქრებიც.
საკვები პროდუქტებით სავსე ყუთები, საქართველოს მასშტაბით ჯამში სულ 3000 ოჯახს გადაეცემა. დასარიგებელი სურსათის ღირებულება 279,570 ლარს შეადგენს. ბენეფიციარების სია ყველა რეგიონში ადგილობრივ მთავრობასთან არის შეთანხმებული.
ეს არ არის პირველი ნაბიჯი, რომელიც „სოკარ ენერჯი ჯორჯიამ“ მოსახლეობის მხარდასაჭერად გადადგა. ქვეყანაში საგანგებო მდგომარეობის გამოცხადებისთანავე, კომპანიამ StopCovფონდში 200 000 ლარი გადარიცხა. მარტში კი, Covid-19 -ის პირველი ტალღის პერიოდში, „სოკარ ენერჯი ჯორჯიამ“ მთელი საქართველოს მასშტაბით 2000 ოჯახს 200 000 ლარის ღირებულების პროდუქტი გადასცა.
გარდა ამისა, „სოკარ ენერჯი ჯორჯია“ ზრუნავს კომპანიაში დასაქმებულ თანამშრომლებზეც. პანდემიის გამო, არც ერთი მათგანი სამსახურიდან განთავისუფლებული არ ყოფილა, მათი დიდი ნაწილი გადასულია დისტანციურ მუშაობაზე, კომპანიის ობიექტებზე კი დაცულია საქართველოს მთავრობისა და დაავადებათა კონტროლის ეროვნული ცენტრის მიერ რეკომენდებული უსაფრთხოების ყველა ნორმა.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები