|
კორონავირუსის გამოწვევებს ქართული საბანკო სექტორი მომზადებული შეხვდა. ვირუსის გავრცელების პრევენციის მიზნით ბანკები დისტანციურ მართვაზე ოპერატიულად გადავიდნენ და მომხმარებელს დისტანციური სერვისები შესთავაზეს.
გადაცემა ბიზნესპარტნიორში საქართველოს საბანკო ასოციაციის პრეზიდენტმა ალექსანდრე ძნელაძემ განაცხადა, რომ არსებული გამოწვევების საპასუხოდ საბანკო სექტორმა დროული და ადეკვატური რეაგირება მოახდინა.
„საბანკო სექტორმა მომენტალურად შეძლო ბიზნეს უწყვეტობისა და თანამშრომლების დაცულობისთვის დისტანცირება, ამავდროულად მოკლე პერიოდში განაცხადა მზაობა სასესხო დავალიანებების 3 თვით გადავადებაზე. ამ შემთხვევაში მნიშვნელოვანია ორი ფაქტორი – ერთი, კონკრეტული ადამიანებისთვის აუცილებელი პირობა იყო ან პერიოდში არ მომხდარიყო მათთვის გადასახადების დაკისრება და მეორე, თავი ავარიდოთ თავშეყრის ადგილებში მისვლას“, – განაცხადა ძნელაძემ.
მისივე განმარტებით, მნიშვნელოვანია, რომ ყველა ბანკმა სასესხო გადავადებები გააკეთა დისტანციურად, რისთვისაც მას გააჩნია შესაბამისი ტექნიკური და ტექნოლოგიური საშუალებები, ასევე მზად არის ამ გადავადებისთვის ისე რომ საფრთხე არ შეექმნას არც საფინანსო სისტემას და მაქსიმალური კომფორტი შეუქმნას მსესხებელს.
ბიზნესპარტნიორში ძნელაძემ კიდევ ერთხელ აღნიშნა, რომ დისტანციური სერვისებისა და მომსახურების შეთავაზება მნიშვნელოვანია იმ საფრთხეებიდან გამომდინარეც, რომ ვირუსის გადაცემის ერთ-ერთ საფრთხედ აღიარებული ნაღდი ფულია. „ქვეყანაში ჯერ კიდევ არის ნაღდი ფულის ბრუნვა და ეს არის ერთ-ერთი მნიშვნელოვანი გამოწვევა და მომხმარებელი მაქსიმალურად უნდა გადავიდეს ელექტრონულ გადახდებზე, საბანკო სექტორი კი ამ სერვისს მომხმარებელს უკვე დიდი ხანია აქტიურად სთავაზობს“, – განმარტავს ძნელაძე.
საბანკო ასოციაციის პრეზიდენტი ერთგვარად მომხმარებელსაც მოუწოდებს ელექტრონული სერვისების გამოყენებისკენ. „დღეს რეალურად ვგრძნობთ ელექტრონული გადახდების აუცილებლობას და გამოვიყენოთ ეს სერვისები, მით უმეტეს, რომ ყველა ბანკს უკვე აქვს დანერგილი ონლაინ ბანკი და სხვა დისტანციური საშუალებები, სწორედ ამან განაპირობა საბანკო სექტორის მყისიერი რეაგირება სხვადასხვა მიმართულებით“, – ამბობს ძნელაძე.
ამავდროულად ბანკებსა და გადახდის ტერმინალებში, ძნელაძის თქმით, აქტიურად მიმდინარეობს სადეზინფექციო სამუშაოები. ბანკები რეაგირებენ გაცემულ რეკომენდაციებზე რათა დაიცვან მომხმარებელი და თანამშრომლები, რომლებიც უზრუნველყოფილნი არიან პირბადეებით, ხელთათმანებითა და სადენზიფექციო ხსნარებით.
12:34
თიბისიმ ევროპის რეკონსტრუქციისა და განვითარების ბანკისგან - EBRD, ვაჭრობის დაფინანსების პროგრამის (TFP) ფარგლებში, მწვანე პროექტების დაფინანსებისთვის, 3 მილიონი ლარი მიიღო, რაც კორპორაციულ ბიზნესკლიე...
18:24
თიბისი კონცეპტი ქოუჩინგ ლაბთან პარტნიორობით იწყებს მიღებას გუნდური ქოუჩინგის საერთაშორისო პროგრამის მესამე ნაკადზე „გუნდური ქოუჩინგი - ფუნდამენტი“, რომელიც თბილისში 12-14 დეკემბერს ჩატარდ...
18:20
ავტომობილის სამუხრუჭე სისტემა ერთ-ერთი ყველაზე მნიშვნელოვანი ელემენტია, რომელიც მძღოლისა და მგზავრების უსაფრთხო გადაადგილებას უზრუნველყოფს. სამუხრუჭე სისტემის გამართულად მუშაობა ყველა სეზონზე მნიშვნე...
16:15
ამიერიდან, მომხმარებელს დაზღვევის შეძენისას შეუძლია აირჩიოს თეგეტა მოტორსის შეკეთების სერვისი და თუ სადაზღვევო შემთხვევის შედეგად მანქანის შეკეთება გახდა საჭირო, მომსახურებას თეგეტა მოტორსში მიიღებს....
16:08
ელეგანტური, დახვეწილი, კიდევ უფრო ტექნოლოგიური და თანამედროვე - მეცხრე თაობის CAMRY უკვე საქართველოშია. იაპონური ბრენდის ავტომობილი მომხმარებელს „ტოიოტა ცენტრი ბათუმმა“ გა...
11:32
Rally Adventure Georgia-ს მასშტაბური საერთაშორისო საავტომობილო შეჯიბრება საქართველოში მეექვსედ გაიმართა . სათავგადასავლო რალიში მონაწილე #52 ეკიპაჟის მხარდამჭერი წელსაც „თეგეტა ჰოლდინგი“ ...
19:38
ამიერიდან, მომხმარებელს დაზღვევის შეძენისას შეუძლია აირჩიოს თეგეტა მოტორსის შეკეთების სერვისი და თუ სადაზღვევო შემთხვევის შედეგად მანქანის შეკეთება გახდა საჭირო, მომსახურებას თეგეტა მოტორსში მიიღებს. ...
|
კომენტარები