მსოფლიო

პროექტის მართვის ინსტიტუტი (PMI) საქართველოში ოფიციალურ წარმომადგენლობას ხსნის

28 მაისს, 16 საათზე, სასტუმრო შერატონ გრანდ თბილისი მეტეხი პალასში პროექტის მართვის ინსტიტუტის (PMI) საქართველოს წარმომადგენლობის ოფიციალური გახსნის ცერემონიალი გაიმართება.

ღონისძიებას ადგილობრივი და საერთაშორისო, კერძო და საჯარო სექტორის ტოპ მენეჯერები, PMI საქართველოს წარმომადგენლობის დამფუძნებლები და წევრები, პროექტის მართვის სფეროში მომუშავე პროფესიონალები დაესწრებიან.

სტუმრებს სიტყვით მიმართავენ PMI თბილისი საქართველოს წარმომადგენლები, საერთაშორისო ორგანიზაციების და საქართველოს მთავრობის წევრები. ისინი ისაუბრებენ საქართველოში განხორციელებული პროექტების, გამოწვევების და მათ მიერ ქვეყნის განვითარებაში შეტანილი წვლილის შესახებ.

პროექტის მართვის ინსტიტუტის თბილისი, საქართველოს წარმომადგენლობის მიზანია  მხარი დაუჭიროს და ხელი შეუწყოს პროექტის მენეჯერებს კარიერულ წინსვლასა და განვითარებაში, და ხელი შეუწყოს პროექტის მართვის ინსტიტუტის სტანდარტებისა და პროექტის მართვის საუკეთესო გამოცდილების (ტრადიციული, ეჯაილ და ჰიბრიდული მეთოდოლოგიები) დამკვიდრებას საქართველოში, რაც კერძო და საჯარო ორგანიზაციების წარმატების საფუძველი იქნება.

პროექტის მართვის ინსტიტუტის (PMI) შესახებ

·         პროექტის მართვის ინსტიტუტი, რომელიც დაფუძნდა 1969 წელს, ყველაზე დიდი, არამომგებიანი, წევრობაზე დაფუძნებული პროფესიული ასოციაციაა, რომელიც მსოფლიოს მასშტაბით 700,000-ზე მეტ პროფესიონალს აერთიანებს და ქმნის ღირებულებას ადვოკატირების, თანამშრომლობის, განათლებისა და კვლევის მეშვეობით 2.9 მილიონი ადამიანისთვის, მსოფლიოს თითქმის ყველა ქვეყნიდან. 

·         პროექტის მართვის ინსტიტუტი ხელს უწყობს პროფესიონალებს კარიერულ ზრდაში, ხოლო ორგანიზაციებს  წარმატების მიღწევაში. ინსტიტუტი აძლიერებს პროექტის მართვის პროფესიას საყოველთაოდ აღიარებული სტანდარტების, სერტიფიცირების, რესურსებისა და ინსტრუმენტების შექმნით, აკადემიური კვლევების, პუბლიკაციების, პროფესიული განვითარების კურსების და პროფესიონალების ერთმანეთთან დაკავშირების გზით.  

პროექტის მართვის ინსტიტუტის (PMI) თბილისი, საქართველოს წარმომადგენლობის შესახებ

•          პროექტის მართვის ინსტიტუტის თბილისი, საქართველოს წარმომადგენლობა (www.pmige.org)  არის  პროექტის მართვის ინსტიტუტის  (PMI - www.pmi.org)  ოფიციალური წარმომადგენლობა საქართველოში.
•          წარმომადგენლობა  დაფუძნდა 2018 წელს და უკვე აერთიანებს 92 მოქმედ წევრს, მათ შორის პროექტის მართვის პროფესიონალის სერტიფიკატის (PMP) მფლობელებსაც, რომლებიც  მოღვაწეობენ სხვადასხვა სფეროში, ადგილობრივ თუ საერთაშორისო წამყვან ორგანიზაციებში.
•          წარმომადგენლობა აქტიურად თანამშრომლობს  პროექტის მართვის ინსტიტუტის სხვა ქვეყნების წარმომადგენლობებთან. 

წარმომადგენლობის მიზნებია:

•          მხარი დაუჭიროს და ხელი შეუწყოს პროექტის მენეჯერებს კარიერულ წინსვლასა და განვითარებაში
•          გაზარდოს პროექტების მართვის პროფესიონალის სერტიფიკატის (PMP) ცნობადობა
•          ხელი შეუწყოს პროექტის მართვის ინსტიტუტის სტანდარტებისა და პროექტის მართვის საუკეთესო გამოცდილების (ტრადიციული, ეჯაილ და ჰიბრიდული მეთოდოლოგიები) დამკვიდრებას საქართველოში
•          დაეხმაროს მსურველებს გახდნენ  პროექტის მართვის ინსტიტუტის სერტიფიკატის მფლობელები