|
22 დეკემბრიდან გალერეა - „Window Project“, თიბისი სტატუსის მხარდაჭერით, საქართველოში ვახტანგ ქოქიაშვილის პირველ პეროსნალურ გამოფენას - „Second Order“ უმასპინძლებს და აღნიშნული ექსპოზიციით ახალ საგამოფენო სივრცეს გახსნის.
ექსპოზიცია მხატვრის სამ მიმართულებას - მითოსს, რელიგიასა და ეთნოგრაფიულ პოპს აერთიანებს. პირველი არაცნობიერის სარკეა, მეორე რელიგიურ თემებს კიჩურ ფორმებში ამჟღავნებს. ეთნოგრაფიული პოპი კი თანამედროვე სამყაროში ადამიანების სავიზიტო ბარათია, რომელიც წარსულ და აწმყო გამოცდილებებს უახლეს ენაზე თარგმნის. საგამოფენო სივრცეში წარმოდგენილი იქნება მინანქრის უნიკალური ტექნიკით შესრულებული ნამუშევრები, აბსტრაქტული ნახატები, ასამბლაჟები და პოპ-არტისტული ინსტალაციები.
გამოფენის კურატორია ნინა ახვლედიანი. ექსპოზიციის კონცეპტუალურ სტრუქტურასა და დიზაინზე კი ახალგაზრდა ხელოვანმა - ლადო ლომიტაშვილმა იმუშავა.
გამოფენა ვახტანგ ქოქიაშვილის განვითარების ეტაპებს ასახავს, რომლის განმავლობაში მითოსური ფორმები წარმოებისა და დიზაინის ეფექტებით იცვლებიან. ექსპოზიციაში წარმოდგენილია ამ გარდატეხის ამსახველი ცალკეული აქცენტები, მოტივები და სოციალური ტრანსფორმაციები, რომლებიც კულტურულ მეხსიერებას ახალი საკომუნიკაციო ფორმებით, მოდელებითა და პატერნებით აწარმოებენ. ქოქიაშვილის ცხოვრების ბოლო წლები სწორედ ასეთ თარგმანებს ეძღვნება. რელიგიური ნარატივები და სიმბოლოები თარგმნილია 2000-იანი წლების სამომხარებლო ენაზე. ასეთი ტრანსკრიფციით ახლებურ შემოქმედებით სივრცეს ვიღებთ, რომელსაც შეუძლია მოიცვას ფართო სოციალური სპექტრი და ამავდროულად მიუკერძოებელი იყოს.
ვახტანგ ქოქიაშვილი 1930 წელს დაიბადა. 1956 წელს დაამთავრა თბილისის სახელმწიფო სამხტვრო აკადემია. 1962-1969 და 1973-1979 წლებში საქართველოს მხატვართა ფონდის მთავარი მხატვარი იყო. 1967 წელს საქართველოს დამსახურებული მხატვრის წოდება მიენიჭა. 1981-1994 წლებში იყო საქართველოს მხატვართა კავშირის მონუმენტური სექციის თავმჯდომარე.
მისი ნამუშევრები სხვადასხვა დროს ვარშავაში, ტრიპოლიში, დრეზდენში, სოფიაში, კეჩკემეტში და პარიზში გამოიფინა. მისი შექმნილია თბილისში ყოფილი სასტუმრო „ივერიას“, ფუნიკულიორის ქვედა სადგურის, საერთაშორისო აეროპორტის, სასტუმრო „მეტეხისა“ და ფიზიოლოგიის ინსტიტუტის ვიტრაჟები.
1990-იანი წლებიდან ვახტანგ ქოქიაშვილმა აქტიურად დაიწყო პოპ არტისტული სერიების შექმნა. მისი შემოქმედება ასობით კოლაჟს, გრაფიკასა და ასამბლაჟს აერთიანებს.
გამოფენა „Second Order“ 20 თებერვლის ჩათვლით გაგრძელდება.
12:34
თიბისიმ ევროპის რეკონსტრუქციისა და განვითარების ბანკისგან - EBRD, ვაჭრობის დაფინანსების პროგრამის (TFP) ფარგლებში, მწვანე პროექტების დაფინანსებისთვის, 3 მილიონი ლარი მიიღო, რაც კორპორაციულ ბიზნესკლიე...
18:24
თიბისი კონცეპტი ქოუჩინგ ლაბთან პარტნიორობით იწყებს მიღებას გუნდური ქოუჩინგის საერთაშორისო პროგრამის მესამე ნაკადზე „გუნდური ქოუჩინგი - ფუნდამენტი“, რომელიც თბილისში 12-14 დეკემბერს ჩატარდ...
18:20
ავტომობილის სამუხრუჭე სისტემა ერთ-ერთი ყველაზე მნიშვნელოვანი ელემენტია, რომელიც მძღოლისა და მგზავრების უსაფრთხო გადაადგილებას უზრუნველყოფს. სამუხრუჭე სისტემის გამართულად მუშაობა ყველა სეზონზე მნიშვნე...
16:15
ამიერიდან, მომხმარებელს დაზღვევის შეძენისას შეუძლია აირჩიოს თეგეტა მოტორსის შეკეთების სერვისი და თუ სადაზღვევო შემთხვევის შედეგად მანქანის შეკეთება გახდა საჭირო, მომსახურებას თეგეტა მოტორსში მიიღებს....
16:08
ელეგანტური, დახვეწილი, კიდევ უფრო ტექნოლოგიური და თანამედროვე - მეცხრე თაობის CAMRY უკვე საქართველოშია. იაპონური ბრენდის ავტომობილი მომხმარებელს „ტოიოტა ცენტრი ბათუმმა“ გა...
11:32
Rally Adventure Georgia-ს მასშტაბური საერთაშორისო საავტომობილო შეჯიბრება საქართველოში მეექვსედ გაიმართა . სათავგადასავლო რალიში მონაწილე #52 ეკიპაჟის მხარდამჭერი წელსაც „თეგეტა ჰოლდინგი“ ...
19:38
ამიერიდან, მომხმარებელს დაზღვევის შეძენისას შეუძლია აირჩიოს თეგეტა მოტორსის შეკეთების სერვისი და თუ სადაზღვევო შემთხვევის შედეგად მანქანის შეკეთება გახდა საჭირო, მომსახურებას თეგეტა მოტორსში მიიღებს. ...
|
კომენტარები