|
ჰაერის დაბინძურებაში მნიშვნელოვან როლს ავტოტრანსპორტის გარდა სხვა ფაქტორებიც თამაშობს - ამის შესახებ არასამთავრობო ორგანიზაცია „ეკოხედვის“ წარმომადგენლები აცხადებენ. „ეკოხედვამ“ პარლამენტის სამუშაო ჯგუფისთვის ჩაატარა კვლევა, რომლის შედეგებიც საკანონმდებლო ორგანოს უკვე მიეწოდა. კვლევის მიხედვით, გარდა იმისა, რომ ატმოსფერულ ჰაერს გაუმართავი ავტოტრანსპორტი აბინძურებს, მნიშვნელოვანი ფაქტორია მტვერი და ბუნებრივი ვენტილაცია.
ექსპერტი ნუგზარ ბუაჩიძე აცხადებს, რომ ყველა სამშენებლო ობიექტზე, რომელიც „ეკოხედვის“ კვლევის ფარგლებში შემოწმდა, მტვრის რაოდენობა ზღვრულად დასაშვებ ნორმას რამდენჯერმე აჭარბებს. მისივე თქმით, მშენებლობების დიდი ნაწილი რეგულაციების გარეშე მიმდინარეობს, რაც ხელს უწყობს მტვრის მთელს ქალაქში გაფრქვევას.
გარდა ამისა, ნუგზარ ბუაჩიძე განმარტავს, რომ მშენებლობა ქალაქს არა მხოლოდ მტვრით აბინძურებს, არამედ ხელს უშლის ქალაქში ატმოსფერული ჰაერის განიავებას.
„ქალაქ თბილისში ძალიან ბევრი მოუპირკეთებელი ზედაპირი შეინიშნება. იგულისხმება ღია გრუნტი, ქვიშა და ა.შ. როგორც კი ქარი ამოვარდება, ეს მტვერი ჰაერს ერევა და ესეც არის მნიშვნელოვანი დამაბინძურებელი,“ - აცხადებს ნუგზარ ბუაჩიძე.
ჰაერში მტვრის გაფრქვევის პრევენციასა და ბუნებრივი ვენტილაციის აუცილებლობაზე საუბრობს „ეკოხედვის“ დამფუძნებელი ნინო სულხანიშვილიც.
„ქალაქის აღმოსავლეთ ნაწილის გამწვანება არის ძალიან მნიშვნელოვანი და მისთვი ლანდშაფტური ფუნქციის მინიჭება-განსაზღვრა. სწორედ ეს ტერიტორიაა ივნის ზეგნიდან მონაბერი მტვრიანი ქარების პრევენცია. ასეთი ბუნებრივი ვენტილაციის ხელშეწყობა აუმჯობესებს ჰაერის ხარისხს ქალაქში,“ - აცხადებს ნინო სულხანიშვილი.
„ეკოხედვის“ კვლევის ფარგლებში ქალაქ თბილისში რამდენიმე ქუჩა, უბანი და ობიექტი შემოწმდა. შედეგად დადგინდა, რომ თბილისში ჰაერის დაბინძურების წამყვანი და მთავარი კომპონენტი სწორედ მტვერია. კვლევის ფარგლებში შემოწმდა რეკრეაციული ტერიტორიებიც და გაირკვა, რომ რამდენიმე რეკრეაციული ტერიტორიებიდან ყველაზე სუფთა ლისის ტბაა.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები