ბიზნესი

ქართული ღვინისა და ალკოჰოლური სასმელების კომპანიამ ახალი პრემიალური, საკულტო ღვინოების პრეზენტაცია გამართა

“Colors Of Georgia - საქართველოს ფერები“ - ბაროკოს სტილში გადაწყვეტილ გრანდიოზული  ღონისძიება ფოიერვერკით დასრულდა

„ვარდისუბანი,“ „აკურა,“ „ართანა“ - ეს  ის ახალი პრემიალური  საკულტო ღვინოებია, რომლის პრეზენტაცია ქართული ღვინისა და ალკოჰოლური სასმელების კომპანია GWS - მა 23 ივნისს გამართა. კომპანიამ პრემიალური საკულტო ღვინოების კოლექცია „Colors Of Georgia - საქართველოს ფერები“ ბაროკოს სტილში გადაწყვეტილ გრანდიოზულ  ღონისძიებაზე წარადგინა, რომელიც თელავში, აჩინებულში მდებარე ერთ-ერთ უძველეს ღვინის ქარხნის ეზოში მოეწყო.

„საკულტოს ისეთ ღვინოებს უწოდებენ, რომელიც უკვე ცდება პრემიალურ ხაზს და სიმაღლის საზღვრები აღარ გააჩნია. ზოგადად, ბაროკო პორტუგალიური სიტყვაა და თვითნაბად მარგალიტს ნიშნავს.  სწორედ ამიტომ, გადავწყვიტეთ, რომ ჩვენი ღონისძიების მთავარი თემა ბაროკო ყოფილიყო. ეს ის ღვინოებია,რომლებიც ნამდვილად, განსაკუთრებული დღესასწაულის დროს უნდა მივირთვათ,“ - განაცხადა GWS-ის ელჩმა, ქეთი კენკიშვილმა.

ღონისძიებას კომპანია GWS-ის უცხოელი პარტნიორები, დიპლომატიური კორპუსისა და სავაჭრო პალატის წარმომადგენლები დაესწრნენ. მოწვეულ სტუმართა შორის იყო საფრანგეთის ელჩი - პასკალ მენიე.  ასევე ღონისძიებას დაესწრნენ ღვინის ეროვნული ასოციაციის წევრები,  თელავის მერი,  ადგილობრივი მუნიციპალიტეტის, ხელისუფლებისა და ბიზნეს სექტორის  წარმომადგენლები, მედია და  სხვა ოფიციალური პირები. ღონისძიებაზე ასევე მოწვეულები იყვნენ ღვინის ბიზნესის  წარმომადგენლები საფრანგეთიდან, ჩინეთიდან, უკრაინიდან და რუსეთიდან. სტუმრებს GWS - ის აღმასრულებელმა დირექტორმა, ფილიპ ლესპიმ უმასპინძლა.

„ვფიქრობ, ხალხმა იცის საქართველოს პოტენციალი ღვინის წარმოების კუთხით. ჩვენ გვინდოდა, რომ ღვინის ეს ხაზი ყოფილიყო სრულიად განსხვავებული.  დღეს ეს ყველაფერი გამოგვივიდა. ეს საუკეთესო ღვინოების ხაზია. ღონისძებაზე GWS-ის ნამდვილ საგანძურს, სამი სახეობის საკულტო ღვინოს „აკურას“, „ართანას“ და „ვარდისუბანს“ წარმოვადგინეთ -  განაცხადა GWS – ის აღმასრულებელმა დირექტორმა ფილიპ ლესპიმ.

 „ნამდვილად, არაჩვეულებრივი გარემო და საღამოა. ძალიან მომწონს ახალი ხაზი. ყოველთვის მიხარია აქ წამოსვლა და ასეთი გემრიელი ღვინის დაგემოვნება,“ - აღნიშნა მსახიობმა, ეკა ჩხეიძემ. 

ღია ცის ქვეშ, „ტკბობის ბაღში“ შეკრებილი სტუმრები, უკვე მესამე წელია რაც GWS - ის ახალ ღვინოებს ეცნობიან და აგემოვნებენ. „ღვინო ძალიან გემრიელია. მიხარია, რომ ქართული წარმოება ფართოვდება. ნებისმიერ კომპანიას,რომელიც ქართულ საქმეს აკეთებს მე ყოველთვის გვერდით დავუდგები და მხარს დავუჭერ. GWS-ის ახალი ღვინოების ხაზი ნამდვილად განსაკუთღებულია,“ - განაცხადა ფოტოხელოვანმა, გოგა ჩანადირმა.

თეატრალიზირებულ და ფერად გარემოს მუსიკით ალამაზებდნენ კამერიული ანსაბლი, მარიკო ებრალიძე და ლევან მასპინძელაშვილი. კომპანიის ღვინის ახალმა ხაზმა და სასიამოვნო გარემომ მოწვეული სტუმრებისგან ძალიან დიდი მოწონება დაიმსახურა. ღონისძიება ფოიერვერკით დასრულდა.

2016 წელს, კომპანიამ ქარხნის 40 წლის იუბილე აღნიშნა, სადაც წარმოდგენილი იყო ბრენდი „ვისმინო“. ღონისძიების ფარგლებში ასევე მოეწყო ტური და პროდუქტის დეგუსტაცია. შარშან კი სტუმრები „ბახუსის ზეიმზე“ იხმო და „თამადას დიდებული რეზერვი და ქვევრი“ დააგემოვნებინა. ღონისძიების მიზანს სწორედ, დროსტარების, ღვინით თრობისა და მისგან სიამოვნების მიღების ტრადიციის აღდგენა - გაცოცხლება და გათანამედროება წარმოადგენდა - როგორ ზეიმობდნენ ბახუსს ჩვენს წელთაღრიცხვამდე და როგორ აღნიშნავენ ზეიმს 21-ე საუკუნეში.