|
თბილისში ხუთვარსკვლავიანი სასტუმრო „ჰილტონი“ აშენდება. სასტუმროს საძირკველში სიმბოლური კაფსულა საფრენი აპარატის საშუალებით, თბილისის მერმა კახა კალაძემ პრემიერ-მინისტრ გიორგი კვირიკაშვილთან და ინვესტორებთან ერთად ჩადო.
სასტუმრო კოსტავას ქუჩაზე, სოფლის მეურნეობის ყოფილი სამინისტროს შენობაში განთავსდება. 200 ნომრიანი სასტუმროს მშენებლობაში 45 მილიონი ევროს ინვესტიცია განხორციელდება.
თბილისის მერის განცხადებით, სასტუმროს მშენებლობის პროცესში 500 ადამიანი დასაქმდება. მისი გახსნის შემდეგ კი, 300-ზე მეტი მუდმივი სამუშაო ადგილი შეიქმნება.
მისივე თქმით, ინვესტორთა ჯგუფმა პროექტისთვის მსოფლიოში ერთ-ერთი საუკეთესო არქიტექტორი, იტალიელი პიერო ლისონი მოიწვია.
„დღეს ძალიან მნიშვნელოვანი პროექტის განხორციელებას ჩაეყარა საფუძველი. ეს შენობა დაახლოებით, 10 წელია, უფუნქციოდ იყო გაჩერებული. გარდა იმისა, რომ ეს იქნება ერთ-ერთი საუკეთესო ადგილი ჩვენს დედაქალაქში, სადაც შეგვეძლება სტუმრის მიღება, ჩემთვის, როგორც ქალაქის მერისთვის, მნიშვნელოვანია ის, რომ ახალ სამუშაო ადგილებს ვქმნით. მშენებლობის პროცესში დაახლოებით, 500 ადამიანი დასაქმდება, რომლის ექსპლუატაციაში შესვლის შემდეგ, 300 მუდმივი სამუშაო ადგილი შეიქმნება. პროექტი ასევე, ძალიან საინტერესო და მნიშვნელოვანია იმითაც, რომ ძველის და ახლის შერწყმა ხდება. მიზანმიმართულად არის დატოვებული ძველი შენობა-ნაგებობა, რომელსაც ახალი, თანამედროვე შენობა შეუერთდება“, - განაცხადა კახა კალაძემ.
პროექტს საინვესტიციო კომპანია Granat Investment ახორციელებს, გენერალური კონტრაქტორი კი, სამშენებლო კომპანია BBC-ია. პროექტს სამშენებლო მენეჯმენტს ბრიტანული კომპანია BHP უწევს.
სასტუმრო „ჰილტონის“ მშენებლობა 2020 წელს დასრულდება.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები