ვარკეთილისა და დიდი დიღმის მოსახლეობის ნაწილს ახალი წლიდან ბუნებრივი აირი 5 თეთრით გაუძვირდება
2017-11-24 14:48:10
ვარკეთილისა და დიდი დიღმის მოსახლეობის ნაწილი ახალი წლიდან ბუნებრივი აირის ახალ ტარიფზე გადავა.
„ვარკეთილაირის“ 14500 და “დიდი დიღმის” 11000 აბონენტს, გაზზე გადასახადი 5 თეთრით უძვირდება. დედაქალაქს ბუნებრივი აირით ძირითადად ყაზტრანსგაზ თბილისი ამარაგებს.
გამონაკლისია, გარეუბნების მცირე ნაწილი, სადაც წლების წინ ეს ფუნქცია ოთხ პატარა კომპანიას გადაეცა. 2013 წლიდან ხელისუფლებამ მოსახლეობისთვის გაზის ტარიფის შემცირება სუბსიდირების გზით გადაწყვიტა.
2017 წლის ზაფხულში კი სახელმწიფო დაფინანსება შეწყდა. ამიტომ სემეკ-მა ასეთი გადაწყვეტილება მიიღო: ყაზტრანსგაზს თბილისს ზღვრული ტარიფი 46 თეთრამდე შეუმცირა, პატარა კომპანიებს კი იგივე 50 თეთრ ნახევარი დაუტოვა. ამიტომ აღმოჩნდა ერთ არეალში მცხოვრები მოსახლეობა არათანაბარ მდგომარეობაში.
კომპანია „ვარკეთილაირის“ დირექტორის თქმით, ვითარება მოსახლეობისთვის მართლაც მძიმეა, თუმცა კომპანიას სხვა გამოსავალი არ ჰქონდა.
„სუბსიდირება მუშაობდა 2017 წლამდე. ივნისიდან კი ჩვენ უკვე ყაზტრანსგაზ თბილისისგან გაძვირებულ გაზს ვყიდულობთ, თუმცა ეს თვეები ჩვენ მოსახლეობისთვის გადასახადი არ გაგვიძვირებია. ამიტომ ჩვენი კომპანია სერიოზულ ზარალზე გავიდა. 41 ათასი ლარი ვიზარალეთ. ზამთარში კი უკვე ესე იოლად ვერ გამოვალთ. ნოემბერ-დეკემბერში ეს ზარალი გახუთმაგდება. იანვრიდან რომ არ გავზარდოთ ტარიფი, კომპანია უბრალოდ ამ ზამთარს ვერ გადაიტანს”, – განაცხადა პირველ არხთან საუბარში კომპანია „ვარკეთილაირის“ დირექტორმა ნუგზარ მღვდელაძემ.
საკითხი უყურადღებოდ არც ენერგოომბუდსმენს დაუტოვებია. სალომე ვარდიაშვილი ერთ გეოგრაფიულ არეალში განსხვავებული ტარიფის არსებობას დისკრიმინაციად აფასებს და ამბობს, რომ ასეთი მიდგომა დაუშვებელია.
„უარყოფითად ვუყურებ კონკრეტულად ამ სიტუაციას და მიმაჩნია, რომ მომხმარებლებს აქვთ აბსოლუტურად სამართლიანი შეკითხვები და უსამართლობის განცდა. სამუშაოები უნდა წარიმართოს ისე, რომ მივიღოთ აბსოლუტურად თანაბარი ხელმისაწვდომობა, თანაბარი პირობები და გადასახადები ერთი და იგივე ქალაქის მომხმარებლებისთვის”,- განუცხადა პირველ არხს ენერგოომბუდსმენმა სალომე ვარდიაშვილმა.
შეგახსენებთ, რომ დედაქალაქს ბუნებრივი აირით ძირითადად „ყაზტრანსგაზ თბილისი“ ამარაგებს და ამ კომპანიის მომხმარებლებისთვის გაზის კომუნალური გადასახადი უცვლელი რჩება. გამონაკლისი მხოლოდ გარეუბნების მცირე ნაწილი აღმოჩნდა.
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
კომენტარები