„ჯორჯიან მანგანეზმა“ ეკოლოგიური სამსახურებისთვის ლაბორატოერიები ახალი დანადგარებით აღჭურვა
2017-08-21 12:07:56
კომპანია „ჯორჯიან მანგანეზმა“ ჭიათურის სამთო გამამდიდრებელი კომბინატის და ზესტაფონის ფეროშენადნობთა ქარხნის ეკოლოგიური სამსახურის ლაბორატორიები ახალი დანადგარებით აღჭურვა.
ზესტაფონში ლაბორატორია კომპანიის ადმინისტრაციული, შენობის მეოთხე სართულზეა განთავსებული და 23 დასახელების თანამედროვე სტანდარტების შესაბამისი, უახლესი ხელსაწყო – დანადგარებითაა აღჭურვილი.
ზესტაფონის ფეროშენადნობთა ქარხნის დირექტორის, ვასილ გველესიანის თქმით, ეს წარმოების განვითარებისა და ბიზნეს პარტნიორებთან ურთიერთობისთვის წინ გადადგმული მნიშვნელოვანი ნაბიჯია.
როგორც ჭიათურის გარემოს დაცვის სამსახურის უფროსი ირაკლი ნოზაძე ამბობს, უნდა არსებობდეს სამსახური, რომელიც გააკონტროლებს ეკოლოგიურ მდგომარეობას. მისივე თქმით, კომპანიის განვითარებისთვის აღნიშნული სამსახური სასიცოცხლოდ მნიშვნელოვანია. „მოგეხსენებათ ამ პროფილის მსხვილი კომპანია, როდესაც ოპერირებს ნებისმიერ რეგიონში მას თან ახლავს ეკოლოგიურად ცუდი შედეგები და შესაბამისად უნდა არსებობდეს სამსახური, რომელიც შეძლებს ამ ყველაფრის დაკომპენსირებას ეს იქნება პროექტები, რეკულტივაცია თუ ა.შ. შესაბამისად ეს არის სასიცოცხლოდ მნიშვნელოვანი კომპანიის განვითარებისთვის და ვფიქრობ, რომ საკმაოდ წინ გადადგმული ნაბიჯია“,-ამბობს გარემოს დაცვის სამსახურის უფროსი.
როგორც ეკოლოგიისა და რეკულტივაციის სამსახურის უფროსმა, დავით ყვავაძემ აღნიშნა, ლაბორატორიის გარეშე წარმოუდგენელია პრობლემების შესწავლა და გამოსწორება. მისივე თქმით, ლაბორატორიის თანამშრომლები გარკვეულ ტერიტორიებზე დაბინძურების ხარისხს მუდმივ მონიტორინგს უწევენ. „ლაბორატორია აღჭურვილია ქიმიური ლაბორატორიის წესდების შესაბამისად, ყველანაირი ხელსაწყო დანადგარებით და სამუშაო აპარატურით. ვაპირებთ მონიტორინგს, დაკვირვებას და რეგიონში არსებული ეკოლოგიური პრობლემების გამოსწორებას. ლაბორატორიის გარეშე წარმოუდგენელია ამ პრობლემების შესწავლა და გამოსწორება.
დაინიშნება ლაბორატორიის ხელმძღვანელი, ხელმძღვანელი თავისი წესდებით და უფლება-მოვალეობებით გადაანაწილებს თანამშრომლებს, დაინიშნება ინჟინერ-ქიმიკოსი, ლაბორანტი-ქიმიკოსი, პრეპარატორი და გამოვიყენებთ ჰაერში დამტვერიანების სინჯის ამღებ ხელსაწყოს. ჰაერში დამტვერიანების ხელსაწყო, საველე პირობებში ჩაირთვება. აპარატურის ძაბრში განთავსდება ფილტრები და გარკვეული დროის განმავლობაში მივიღებთ ჰაერს დასახლებული ადგილებიდან. ფილტრზე ილექება მტვერი და აქედან გამომდინარე ვიგებთ რა რაოდენობის მტვერი დაილექა გარკვეულ დროში და ვადარებთ შემდგომ ზღვრულად დასაშვებს“,-აღნიშნა ეკოლოგიისა და რეკულტივაციის სამსახურის უფროსმა, დავით ყვავაძემ.
ირაკლი ნოზაძის თქმით, კომპანია „ჯორჯიან მანგანეზის“ გარემოსდაცვით სამოქმედო გეგმას, ეკოლოგიისა და რეკულტივაციის სამსახურში დადებითად აფასებენ. როგორც მან აღნიშნა, ეკოლოგიური მდგომარეობა მუდმივად მონიტორინგის რეჟიმში იქნება, როგორც ჭიათურაში, ისე ზესტაფონში, რაც საკმაოდ მნიშვნელოვანი და ეფექტიანი იქნება ვიდრე ეკოლოგიური ლაბორატორიის არსებობამდე იყო. „აღნიშნული საშუალებას მოგვცემს, რომ ერთის მხრივ თვალყური ვადევნოთ კომპანიის ოპერირებას, ვნახოთ სადმე დარღვევა, ან პრობლემა ხომ არ არის, რომელიც აუცილებლად გამოსწორებას საჭიროებს. შესაბამისად ეკოლოგიური მდგომარეობა იქნება მუდმივად მონიტორინგის რეჟიმში როგორც ჭიათურაში, ისე ზესტაფონში, რაც საკმაოდ მნიშვნელოვანია. აღნიშნული მოგვეხმარება სწორად განვსაზღვროთ ჩვენი პრიორიტეტები, სწორად დაიგეგმოს შესასრულებელი სამუშაოები და ვიყოთ უფრო ეფექტიანები ვიდრე ეკოლოგიური ლაბორატორიის არსებობამდე იყო“,-განაცხადა ირაკლი ნოზაძემ.
მას შემდეგ, რაც გარემოს დაცვის საინისტროს გადაწყვეტილებით სპეციალური მმართველი დაინიშნა „ჯორჯიან მანგანეზში“ ნიკოლოზ ჩიქოვანის ინიციატივით, ჭიათურაში გაუქმებული ეკოლოგიური სამსახური აღდგა, რომელიც კომპანიის წინა მენეჯმენტს გაუქმებული ჰქონდა.
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
კომენტარები