|
ყველა ოცნებობს სიცოცხლის ბოლო წლები თავის ოჯახთან, ახლობლებთან, შვილებისა და შვილიშვილების გარემოცვაში გაატაროს, მაგრამ რა უნდა ქნას ადამიანმა, რომელიც სიბერეს 4 კედელში მარტოდ მარტო ატარებს?
მარიამ მარზაშვილს, ისევე როგორც საქველმოქმედო ფონდი „სოციალური პარტნიორობის“ მზრუნველობის ქვეშ მყოფ სხვა მარტოხელა მოხუცებს, მძიმე ცხოვრების გავლა მოუხდა. განათლებით ეკონომისტია, მუშაობდა სტატისტიკის დეპარტამენტში. 15 წლის განმავლობაში რიგითი თანამშრომლიდან დეპარტამენტის უფროსის თანამდებობა დაიკავა. მომავალი მეუღლეც სამსახურში გაიცნო. ოჯახი შექმნეს, მაგრამ შვილი არ ეყოლათ. წლების შემდეგ, გადაწყვიტეს პატარა გოგონა – თამარი ეშვილათ. სამწუხაროდ ოჯახური ბედნიერება ხანმოკლე აღმოჩნდა. ავად გახდა და გარდაიცვალა მარიამის მეუღლე. ბავშვსა და ოჯახზე ზრუნვა ახლა მარიამს მოუწია. 90–იან წლებში მან სამსახური დაკარგა. ბავშვი რომ ერჩინა, მარიამი გამყიდველად, დამლაგებლად და მეეზოვედ მუშაობდა.
საუბედუროდ, განგებამ მარიამს ახალი განსაცდელი მოუვლინა – მას ქუჩის დაგვისას მანქანა დაეჯახა. მიღებულმა ტრავმებმა მარიამი რამდენიმე თვით საწოლს მიაჯაჭვა. სამსახურის შესანარჩუნებლად დედის მაგივრად თამარი გადიოდა ქუჩების დასალაგებლად.
მაგრამ ყველაზე დიდი უბედურება მარიამს წინ ელოდა. მისი ერთადერთი შვილი, საყვარელი თამარი 27 წლის ასაკში გარდაიცვალა... ასე დარჩა მარიამ მარზაშვილი სრულიად მარტო. ამ საშინელი ტრაგედიის შედეგად იგი ლოგინად ჩავარდა. მას არ ჰქონდა არც ძალა და არც საშუალება გამკლავებოდა თავის ავადმყოფობას.
ფონდი ექთნები აკეთებენ ყველაფერს, რათა ქალბატონ მარიამს გაუსაძლისი ტკივილები შეუმსუბუქონ. უმუშავებენ ჭრილობებს ფეხებზე, უკეთებენ გადახვევებს, ეხმარებიან პირადი ჰიგიენის მოწესრიგებაში. მართლაც, ბევრი მარტოხელა მოხუცისთვის, „სოციალური პარტნიორობა“ გადარჩენის ერთადერთი საშუალებაა.
პენსია, რომელსაც ქალბატონი მარიამი იღებს, აუცილებელ წამლებში და საკვებშიც კი არ ყოფნის.
„სოციალური პარტნიორობა“ იწყებს საქველმოქმედო აქციას ქალბატონი მარიამის დასახმარებლად. ვაჩვენოთ მას, რომ მის გარშემო ბევრი გულისხმიერი ადამიანი ცხოვრობს, რომლებიც მართალია, შვილის ვერ შეუცვლიან, მაგრამ თავის სითბოს და სიყვარულს აჩუქებენ და მარტოობას შეუმსუბუქებენ...
თუ გაქვთ საშუალება დაეხმაროთ ამ მარტოხელა ადამიანს, თანხის ჩარიცხვა შეგიძლიათ „სოციალური პარტნიორობის“ ანგარიშზე GE15TB7194336080100003 ან GE64BG0000000470458000 (დანიშნულება: მარიამ მარზაშვილი) ან პირდაპირ ფონდის ვებ–გვერდიდან https://fsp.ge/ge/donate/120/
მარტოობისგან არავინ არის დაზღვეული, ვინ იცის, იქნებ ოდესმე დახმარება ჩვენც დაგვჭირდეს!
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები