მსოფლიო
„ჩემი ნიკას ტკივილიანი თვალები არ მავიწყდება…ვერ პატიობდა საკუთარ თავს სახლში წამოსვლას და ლევანის დატოვებას“
2018-05-30 18:23:28
ლუკა კურტანიძის მეუღლე ხათუნა მიქაცაძე სოციალურ ქსელში წერს:
„ნიკა 51-ე სკოლის მოსწავლეა. ლევან დადუნაშვილი და ნიკა ერთად მოდიოდნენ ხოლმე სახლში. არ ვიცნობდი ლევანს , მაგრამ ვიცოდი რომ ნიკას უფროსი მეგობარი ლევანი ჰყავდა…
– დე, სკოლიდან რომ გამოვედით, კიბეებთან ლევანმა მითხრა – იზვინი ნიკუშ, შენ წადი საქმე მაქვსო.
გაფართოებული თვალებით ვკითხე მერე დე?
ან რატომ ვკითხე მერეთქო ისიც არ ვიცი.
– წამოვედი დე…
მითხრა და თავი დაწია. ცოტა ხანში , როგორც სჩვევია დათვივით ჩაიბურდღუნა. რომ მცოდნოდა სად მიდიოდა არ წამოვიდოდი დე და მარტოს არ დავტოვებდიო.
მე ჩემი ნიკას ტკივილიანი თვალები არ მავიწყდება … მივხვდი რომ ვერ პატიობდა საკუთარ თავს სახლში წამოსვლას და ლევანის დატოვებას. უნდა მეკითხაო ასე ამბობს დღესაც… ნიკა 13 წლისაა..
ვიცი რას ვგრძნობ მე, როგორც 51-სკოლელი ბიჭის დედა. გაფიქრებაც არ მინდა რას გრძნობს ლევანის და დათოს მშობლის გული ახლა…
არ დააფაროთ მკვლელებს ხელი გთხოვთ…. არ მიგვიყვანს ეს სიკეთემდე“
კომენტარები