თიბისი კონცეპტი და ქოუჩინგ ლაბი გუნდური ქოუჩინგის ...
თიბისი კონცეპტი ქოუჩინგ ლაბთან პარტნიორობით იწყებს მიღებას გუნდური ქოუჩინგის საერთაშორისო პროგრამის მესამე ნაკადზე „გუნდური ქოუჩინგი - ფუნდამენტი“, რომელიც თბილისში 12-14 დეკემბერს ჩატარდ...
მთის კურორტების განვითარების კომპანიამ მესტიის მუნიციპალიტეტს 200 წყვილი თხილამურო გადასცა.
ეკონომიკისა და მდგრადი განვითარების სამინისტროს „მთის კურორტების განვითარების კომპანიამ“ ადგილობრივ მოსახლეობაში, სათხილამურო სპორტის პოპულარიზაციის მიზნით, გასულ წელს სვანეთის ხუთ სოფელში: მაზერში, უშხვანარში, ეცერში, უშგულსა და დაბა ლენტეხში მცირე ზომის საბაგიროები აშეენა.
უშგულში, უშხვანარსა და ეცერში არის თითო 200 მეტრიანი გერმანული წარმოების საბაგირო „მულტი სკი“, ხოლო ლენტეხსა და მაზერში თითო 200 მეტრიანი სლოვაკური წარმოების საბაგირო „ტატრა ლიფტი“.
მთის კურორტების განვითარების კომპანიამ სათხილამურო ეკიპირების 200 წყვილი, უსასყიდლოდ გადასცა მესტიის მუნიციპალიტეტს, რათა მეტი ბავშვი ეზიაროს სათხილამურო სპორტს.
„ჩვენთვის უმნიშვნელოვანესია ადგილობრივი ბავშვბი დადგნენ თხილამურზე, სწორედ ისინი მოუტანენ საქართველოს წარმატებას, სათხილამურო სპორტში. ამიტომ გადავწყვიტეთ 200 წყვილი თხილამური გადაგვეცა მუნიციპალიტეტისთის, თითო სოფელს დაახლოებით 38 წყვილი შეხვდება. ეს არ არის ის მაქსიმუმი რასაც ვაპირებთ სათხილამურო სპორტის პოპულარიზაციის მიზნით, გვაქვს უამრავი გეგმა რომელსაც ეტაპობრივად განვახორციელებთ“ განაცხადა მთის კურორტების განვითარების კომპანიის ხელმძღვანელმა თაზო გამცემლიძემ.
კომენტარები