|
საქართველოს კალათბურთის ეროვნული ფედერაციისა და ფიბა-ს საქმიანი ურთიერთობის ფარგლებში ახალგაზრდა ქართველი მწვრთნელები საერთაშორისო პროგრამაში მონაწილეობის მისაღებად გაემგზავრნენ. მონტენეგროს დედაქალაქი პოდგორიცე 16-წლამდელთა ევროპის ჩემპიონატის A დივიზიონს მასპინძლობს, სადაც პარალელურად ფიბა-ს ყველაზე პრესტიჟული სამწვრთნელო პროგრამა - FIBA Europe Coaching Certificate (FECC) ხორციელდება.
მონტენეგროში აღნიშნული პროგრამის ფარგლებში სუპერლიგის კლუბ „ოლიმპის“ მწვრთნელი დავით როგავა და ზაზა ფაჩულიას აკადემიის მწვრთნელი დიმიტრი ჟაკობოვი გაემგზავრნენ. FECC სამწლიანი პროგრამაა, რომელიც პერიოდულად ზაფხულობით, ევროპის ასაკობრივი ჩემპიონატების პარალელურად მიმდინარეობს. მონტენეგროში წლეულს პროგრამის პირველი ნაწილი ტარდება, მომავალ წელს ამ პროგრამის მონაწილენი უკვე კონტინენტის 18-წლამდელთა ჩემპიონატზე შეიკრიბებიან, ხოლო დასკვნითი, მე-3 ნაწილი, რის შემდეგაც ფიბა-ს სამწვრთნელო სერთიფიკატები გაიცემა, 2019 წლის 20-წლამდელთა ჩემპიონატზე გაიმართება.
FECC-ის პროგრამის გრაფიკი საკმაოდ დატვირთულია.მონაწილეეებს დილიდან სასტუმროს საკონფერენციო დარბაზში უწევთ თეორიული სემინარების მოსმენა, შემდეგ კი სავარჯიშო დარბაზებში, თეორიული მეცადინეობებისთვის ინაცვლებენ. საღამოს კი 16-წლამდელთა ევროპის ჩემპიონატის დღის ცენტრალურ მატჩებს ესწრებიან და ევროპელ სპეციალისტებთან ერთად სხვადასხვა ტაქტიკურ თუ სათამაშო კომპონენტებს განიხილავენ.
პროგრამაში წამყვანი ევროპელი მწვრთნელები მონაწილეობენ, რომელთაგან გამოსარჩევია სერბი სვეტისლავ პეშიჩი. დავით როგავა და დიმიტრი ჟაკობოვი მონტენეგროში ევროპის ჩემპიონატის ბოლომდე დარჩებიან, რის შემდეგაც პროგრამის პირველ ნაწილს დახურვენ, სამშობლოში დაბრუნდებიან და მიღებულ ცოდნას საქართველოს შიდაჩემპიონატებში გამოიყენებენ და დახვეწავენ. მომავალ წელს FECC-ის პროგრამის ფარგლებში მათ ახალი გამოწვევა ევროპის 18-წლამდელთა ჩემპიონატზე ელით.
საქართველოს კალათბურთის ეროვნული ფედერაცია არსებული რესურსით FECC-ისა და სხვა პროფილის სამწვრთნელო პროგრამებში აქტიურ ჩართულობას გეგმავს, რაც მომავალში ახალგაზრდა მწვრთნელების მოზიდვისა და მათი კვალიფიკაციის ამაღლების საიმედო გარანტი იქნება.
საქართველოში ბინების თანდათანობითი გაიაფების ტენდენცია გრძელდება. მიგრანტების გადინებამ და შემცირებულმა მოთხოვნამ უძრავი ქონების გაიაფებას შეიწყო ხელი. გაიაფება განსაკუთრებით საშუალო კლასის ბინებს შეე...
ცნობილი გახდა, რომ თბილისში, ტრანსგედერი ქალი, კესარია აბრამიძე მოკლული იპოვეს - ამის შესახებ ინფორმაცია შინაგან საქმეთა სამინისტროში დაუდასტურეს. შსს ადასტურებს, რომ 37 წლის ქა...
15:15
"დღეს, 3 სექტემბერს, თბილისში, დიდუბე-ავჭალის მონაკვეთზე მომხდარი სარკინიგზო შემთხვევის გამო გარდაიცვალა საქართველოს რკინიგზის ორი თანამშრომელი, რომლებიც გეგმიურ სამუშაოებს ასრულებდნენ. ამ დროისთვის გ...
14:36
თბილისში, ფეიქრებთან მატარებელი სამუშაო პლატფორმას დაეჯახა. შემთხვევის შედეგად დაღუპულია 2 ადამიანი, სავარაუდოდ იქ მომუშავე მუშები. მატარებელი ბათუმიდან თბილისის მიმართულებით მოძრაობდა. წინასწარი...
13:38
პროკურატურის განცხადებით, 52 მოქალაქისთვის უხარისხოდ აშენებული საცხოვრებელი ფართების გადაცემის ფაქტზე ერთ პირს ბრალდება წარუდგინეს. საუბარია შპს "თორის" დამფუძნებელზე. გამოძიების ცნობით, კომპანიამ&nbs...
11:37
დედაქალაქის მერის, კახა კალაძის განცხადებით, სექტემბრიდან, საბავშვო ბაგა-ბაღების აღსაზრდელებს ახალი სათამაშოები და სხვა მეთოდური მასალები დახვდებათ, რისთვისაც სააგენტოს ბიუჯეტიდან 1 მილ...
13:38
"ივლისში სხვანაირი მზე ამოგვიბრწყინდა... (შეპირებული წერილი შვილს) "ოთხი წელი გავიდა შენი დაბადებიდან, ჩემო - პირმომღიმარო.და როგორც შეგპირდი, მე ისევ წერილს გწერ. რადგან, როგორც დაბადებისას გითხარი, ...
|
კომენტარები