|
ჩვენ ბევრნი ვართ, ჯანმრთელები, ძლიერები და ენერგიულები. ჩვენ არ გვჭირდება დახმარება. ჩვენით მივხედავთ ჩვენ თავს და ვიცხოვრებთ ისე როგორც გვინდა, გავისეირნებთ სუფთა ჰაერზე ან სახლში ვუყურებთ ფილმს, მოვამზადებთ სადილს ან წავალთ კაფეში... დარწმუნებულები ვართ, რომ სულ ასე იქნება.
ახლა კი წარმოიდგინეთ ადამიანი, რომელიც ცოტა ხნის წინ სავსე ცხოვრებით ცხოვრობდა, იყო ჯანმრთელი, ძლიერი, ენერგიული, დაახლოებით ისეთი, როგორებიც ჩვენ ვართ, იყო ნათესავების და მეგობრების იმედი... ახლა კი დამოუკიდებლად ვერაფერს აკეთებს, აქვს მხოლოდ ერთი არჩევანი, იყოს მოხუცი, საწოლს მიჯაჭვული და მარტოობაში გაატაროს სიცოცხლის ბოლო წლები.
კიევის ექს-მერის, ლეონიდ ჩერნოვეცკის მიერ საქართველოში 2012 წელს დაარსებული ფონდი „სოციალური პარტნიორობა“ ერთ-ერთი უმსხვილესი ორგანიზაციაა, რომელიც ზრუნავს იმ ხალხზე, რომლებსაც დახმარება ყველაზე მეტად სჭირდება. ამჟამად, ფონდი საწოლს მიჯაჭვულ 500 მოხუცს პატრონობს. ზოგიერთ პაციენტს, დიდი ხნის განმავლობაში უმოძრაოდ ყოფნის გამო გაუჩნდა ნაწოლები - ღია ჭრილობები, რომლებიც აუტანელ ტკივილს და დისკომფორტს იწვევს. ნაწოლების პრობლემა ფონდის 63 პაციენტს აქვს. სისხლის ინფიცირების და ნეკროზის თავიდან ასაცილებლად, თითოეულ მათგანს ყოველდღიურად ესაჭიროება პროფესიული მკურნალობა, გადახვევა და მედიკამენტები: ბეტადინი, ლევომეკოლი, წყალბადის ზეჟანგი, ქართული ფარმაცეფტიკის სიამაყე უზნაძე-მჭედლიშვლილის მალამო. ფონდის დაარსების დღიდან, შინმოვლის პროგრამით ისარგებლა 2000-მა საწოლს მიჯაჭვულმა პაციენტმა. ერთი წლის განმავლობაში ფონდის ექთნები ასრულებენ 80000 პროცედურას, ხოლო ყოველთვიურად დაახლოებით 3000 ვიზიტს ახორციელებენ მწოლიარე ავადმყოფებთან. ეს ციფრები თავისთავად ძალიან შთამბეჭდავია, მაგრამ როდესაც წარმოიდგენთ, რომ მათ უკან კონკრეტული ადამიანები არიან, ნათლად ჩნდება პრობლემის მასშტაბი.
ფონდის პაციენტებს შორის არიან მეცნიერები, მასწავლებლები, ექიმები, სამხედროები. ადრე მათ აერთიანებდა ქვეყანაზე ზრუნვა და ბედნიერი მომავლის შენების სურვილი, ახლა კი მხოლოდ ტკივილი, მარტოობა და გაჭირვება აკავშირებთ. მათი დახმარება მხოლოდ ერთიანი ძალებითაა შესაძლებელი. არ უნდა დავუშვათ, რომ ჩვენს პატარა ქვეყანაში, ტანჯვაში და მარტოობაში იღუპებუდნენ ისინი, ვინც ძალიან ბევრი გააკეთა ჩვენი სამშობლოსათვის.
„სოციალური პარტნიორობა“ იწყებს თანხის შეგროვებას ანტისეფტიკური და შესახორცებელი პრეპარატების შესაძენად პაციენტებისთვის, ვისაც ნაწოლების პრობლემა აქვს.
მოგიწოდებთ ყველა გულისხმიერ ადამიანს, ვისაც სხვისი გაჭირვების გულთან ახლოს მიტანა შეგიძლიათ, დაეხმარეთ საწოლს მიჯაჭვულ მარტოხელა ადამიანებს. თანხა შეგიძლიათ გადმორიცხოთ ამ ანგარიშზე GE15TB7194336080100003 (დანიშნულება: ნაწოლების სამკურნალო მედიკამენტები)
ან ჩარიცხოთ ფონდის საიტის მეშვეობით: http://fsp.ge/ge/donate/97/
სხვისი ცხოვრების შემსუბუქება ნებისნიერს შეუძლია!
საქართველოში ბინების თანდათანობითი გაიაფების ტენდენცია გრძელდება. მიგრანტების გადინებამ და შემცირებულმა მოთხოვნამ უძრავი ქონების გაიაფებას შეიწყო ხელი. გაიაფება განსაკუთრებით საშუალო კლასის ბინებს შეე...
ცნობილი გახდა, რომ თბილისში, ტრანსგედერი ქალი, კესარია აბრამიძე მოკლული იპოვეს - ამის შესახებ ინფორმაცია შინაგან საქმეთა სამინისტროში დაუდასტურეს. შსს ადასტურებს, რომ 37 წლის ქა...
15:15
"დღეს, 3 სექტემბერს, თბილისში, დიდუბე-ავჭალის მონაკვეთზე მომხდარი სარკინიგზო შემთხვევის გამო გარდაიცვალა საქართველოს რკინიგზის ორი თანამშრომელი, რომლებიც გეგმიურ სამუშაოებს ასრულებდნენ. ამ დროისთვის გ...
14:36
თბილისში, ფეიქრებთან მატარებელი სამუშაო პლატფორმას დაეჯახა. შემთხვევის შედეგად დაღუპულია 2 ადამიანი, სავარაუდოდ იქ მომუშავე მუშები. მატარებელი ბათუმიდან თბილისის მიმართულებით მოძრაობდა. წინასწარი...
13:38
პროკურატურის განცხადებით, 52 მოქალაქისთვის უხარისხოდ აშენებული საცხოვრებელი ფართების გადაცემის ფაქტზე ერთ პირს ბრალდება წარუდგინეს. საუბარია შპს "თორის" დამფუძნებელზე. გამოძიების ცნობით, კომპანიამ&nbs...
11:37
დედაქალაქის მერის, კახა კალაძის განცხადებით, სექტემბრიდან, საბავშვო ბაგა-ბაღების აღსაზრდელებს ახალი სათამაშოები და სხვა მეთოდური მასალები დახვდებათ, რისთვისაც სააგენტოს ბიუჯეტიდან 1 მილ...
13:38
"ივლისში სხვანაირი მზე ამოგვიბრწყინდა... (შეპირებული წერილი შვილს) "ოთხი წელი გავიდა შენი დაბადებიდან, ჩემო - პირმომღიმარო.და როგორც შეგპირდი, მე ისევ წერილს გწერ. რადგან, როგორც დაბადებისას გითხარი, ...
|
კომენტარები