თიბისი კონცეპტი და ქოუჩინგ ლაბი გუნდური ქოუჩინგის ...
თიბისი კონცეპტი ქოუჩინგ ლაბთან პარტნიორობით იწყებს მიღებას გუნდური ქოუჩინგის საერთაშორისო პროგრამის მესამე ნაკადზე „გუნდური ქოუჩინგი - ფუნდამენტი“, რომელიც თბილისში 12-14 დეკემბერს ჩატარდ...
თიბისი კაპიტალის ყოველკვირეული განახლება მთავარი ეკონომისტისგან
ივნისის საგარეო ვაჭრობის, ტურიზმისა და გზავნილების მაჩვენებლები კვლავ ძლიერ სავალუტო შემოდინებებზე მიუთითებს. მართალია 2019 წელთან შედარებით ტურიზმის აღდგენა შენელდა, თუმცა ეს მაღალი საბაზო ეფექტის შედეგს წარმოადგენდა. მომდევნო თვეებში, იმავე მაჩვენებლით გამოხატული ტურისტული შემოსავლები 2019 წელს რუსეთის მიერ ფრენების აკრძალვის გამო მნიშვნელოვნად აჩქარდება, რაც თიბისის არხებით ხარჯების მაჩვენებლებში უკვე თვალსაჩინოა. მთლიანობაში, 2022 წლის განმავლობაში 105%-მდე აღდგენა სადღეისოდ რეალისტური ჩანს. საგარეო ვაჭრობის დეტალური სტატისტიკა ამ კვირაში იქნება ხელმისაწვდომი.
ამ ფონზე, თიბისი კაპიტალის მაკრო მოლოდინები თავისთავად ძლიერია. ამასთან, უნდა აღინიშნოს, რომ გლობალური ზრდის შენელების ფაქტორისა და რუსეთის უკრაინაში შეჭრის წმიდა ეფექტისაგან განსხვავებით, ინფიცირების მზარდი მაჩვენებლების გამო ეკონომიკური აქტივობის მატერიალური შეფერხება საბაზო სცენარში ჯერჯერობით გათვალისწინებული არაა. ამ დაშვებებით, 2022 წლის რეალური ეკონომიკური ზრდის შეფასება დაახლოებით 12.2%-ს შეადგენს. ასევე უცვლელია თიბისი კაპიტალის მოლოდინი ლარის კურსის მხრივ.
ინფლაციის დინამიკას რაც შეეხება, საერთაშორისო სასაქონლო ფასების დამატებით შემცირების გათვალისწინებით, წინა კვირაში გამოქვეყნებული პროგნოზი კვლავ გაუმჯობესდა. კერძოდ, როგორც ჩანს, არსებული 12.8%-დან, წლის ბოლოსათვის ინფლაცია არა 8.5%-მდე, არამედ 7.4%-მდეც კი შეიძლება შემცირდეს. ძლიერი წმინდა შემოდინებების გათვალისწინებით, ეს სცენარი რეფინანსირების განაკვეთის სადღეისოდ 11%-დან, წლის ბოლოსათვის დაახლოებით 10%-მდე დაწევაზე მიუთითებს.
გაეცანით პუბლიკაციას ბმულზე.
კომენტარები