თიბისი კონცეპტი და ქოუჩინგ ლაბი გუნდური ქოუჩინგის ...
თიბისი კონცეპტი ქოუჩინგ ლაბთან პარტნიორობით იწყებს მიღებას გუნდური ქოუჩინგის საერთაშორისო პროგრამის მესამე ნაკადზე „გუნდური ქოუჩინგი - ფუნდამენტი“, რომელიც თბილისში 12-14 დეკემბერს ჩატარდ...
თითქოს ყველაფერი მე–19 საუკუნიდან მოგვყვება – ჩვენი მიზანია, ვიყოთ ამ სექტორის რეფორმების ავანგარდში- REFORMA Construction
„რეფორმების თვალსაზრისით სამშენებლო სექტორი ქვეყანაში ერთ-ერთი ყველაზე ჩამორჩენილია, ამ ინდუსტრიაში თითქოს ვერაფერი ვერ შეიცვლება და ყველაფერი უცვლელად მოგვყვება მე-19 საუკუნიდან.
ჩვენი მიზანია, რომ ვიყოთ ამ სექტორის რეფორმების ავანგარდში და ჩვენი ახალი სახელიც - REFORMA ამ ამბიციის გამომხატველია“, - განაცხადა REFORMA Construction Management Company-ს (ყოფილი „ენსისი“) დამფუძნებელმა და გენერალურმა დირექტორმა, გეგი ქელბაქიანმა.
NCC Construction-მა რებრენდინგი განიცადა და REFORMA Construction-ი გახდა, რომელიც, თავის მხრივ, არსებითად განსხვავებულია NCC-ის ძველი სტრუქტურისგან და ახალი ჰოლდინგური კომპანია გახდება გენერალური კონტრაქტორი, რომელიც შვილობილი კომპანიების - REROUTE, RENOVATE, RENTAL, REZORT, მენეჯმენტით იქნება დაკავებული.
REFORMA-ს შვილობილი კომპანია REROUTE გზების, ხიდებისა და გვირაბების მშენებლობით იქნება დაკავებული; RENOVATE პარკების, ფასადების, კულტურული ძეგლებისა თუ შენობების რეაბილიტაციისა და მშენებლობის სექტორში იქნება წარმოდგენილი; კომპანია RENTAL სამშენებლო ტექნიკის გაქირავებით იქნება დაკავებული; სტუმარმასპინძლობის სექტორში კი წარმოდგენილი იქნება კომპანია REZORT.
„ჩვენი კომპანიის საქმიანობა ხარისხსა და მომხმარებელზეა ორიენტირებული, თითოეულმა ჩვენმა მშენებლობამ ხალხს ცხოვრება უნდა გაუუმჯობესოს“, - განაცხადა გეგი ქელბაქიანმა.
კომენტარები