|
ევროპაში ნატო-ს გაერთიანებული ძალების მეთაურის, გენერალ კრისტოფერ კავოლის განცხადებით, რუსეთი ჯერ კიდევ ცდილობს კურსკის ოლქში უკრაინის ოპერაციაზე რეაქციის ჩამოყალიბებას და ეს რეაქცია, ჯერჯერობით, ნელი და დაბნეულია.
უკრაინული მედიის ცნობით, კავოლიმ საერთაშორისო ურთიერთობების საბჭოზე განაცხადა, რომ რუსეთის ასეთი რეაქცია რამდენიმე ფაქტორით არის განპირობებული. ჯერ ერთი, არ არის გააზრებული, თუ ვინ უნდა იყოს პასუხისმგებელი რუსეთის ფედერაციის ფარგლებში განხორციელებულ საბრძოლო მოქმედებებზე და მეორეც, გამოთავისუფლებული ჯარების ნაკლებობით, რომლის გამოყენებაც რუსეთს კურსკის ოლქში შეუძლია.
„რუსეთი ჯერ კიდევ ამზადებს პასუხს უკრაინის შეჭრაზე. ჯერჯერობით ეს მხოლოდ საკმაოდ ნელი და დაბნეული რეაქცია იყო. ნაწილობრივ იმიტომ, რომ რუსეთი ვერ ადგენს, ვის აქვს უფლებამოსილება. თავდაცვის სამინისტრო არის პასუხისმგებელი სამხედრო ოპერაციებზე უკრაინის შიგნით, მაგრამ არა რუსეთის შიგნით, ასე არი არის? ანუ შინაგან საქმეთა სამინისტრო უნდა ყოფილიყო. მეორეც, რუსეთს არ ჰყავს თავისუფალი ძალები, რომლის გადასროლაც იქ შეუძლია. უკრაინაში მყოფი რუსული სახმელეთო ძალების ჩართულობის და წილის დონე ძალიან მნიშვნელოვანია“, - აღნიშნა ნატო-ს გენერალმა.
მისი განმარტებით, ქვედანაყოფები, რომლებიც რუსეთში რჩებიან და მსგავს პრობლემას უპირისპირდებიან, ახალწვეულები არიან, რომლებსაც უკრაინაში ბრძოლა თეორიულად და იურიდიულად ეკრძალებათ.
„შესაბამისად, საუბარი არ არის იმ საბრძოლო ნაწილებზე, რომლებიდანაც სწრაფი რეაგირების მოლოდინი შეიძლება“, - დასძინა ნატო-ს გენერალმა.
შეგახსენებთ, უკრაინის შეიარაღებულმა ძალებმა 6 აგვისტოს კურსკის ოლქში შეტევითი ოპერაცია დაიწყო. ბრძოლები მიმდინარეობს კორენევსკის, სუჯანსკისა და ბელოვსკის რაიონებში. კურსკის ოლქის გუბერნატორის მოვალეობის შემსრულებელმა ალექსეი სმირნოვმა 12 აგვისტოს განაცხადა, რომ უკრაინის შეიარაღებული ძალები მის რეგიონში 28 დასახლებას აკონტროლებენ. უკრაინის შეიარაღებული ძალების მთავარსარდლის, ალექსანდრ სირსკის თქმით კი უკრაინელი ჯარისკაცები რუსეთის ტერიტორიაში 35 კილომეტრის სიღრმეში შევიდნენ და კურსკის ოლქში უკვე 82 დასახლებას აკონტროლებენ.
18:07
"ორბანი დღეს მიემგზავრება საქართველოში... სავარაუდოდ, რომ აჩვენოს მისი მხარდაჭერა საქართველოს მთავრობის მიმართ... ორბანმა საქართველოში ვიზიტის ფარგლებში რაც არ უნდა თქვას, ის ევროკავშირს არ წარმოადგენ...
15:17
„თქვენ ხედავთ, უმძიმეს მდგომარეობაშია ოპოზიცია, კამპანიებს არ ატარებენ, არც სოფლებში დადიან, არც უბნებში დადიან, კამპანიას არ ატარებენ, შეკრებებს ვერ ატარებენ, სკამებით ატარებენ შეკრებებს. როცა ...
19:13
ქართველები ისევ ისტორიას წერენ! დღეს ათიათასობით ადამიანი მართავს დემონსტრაციას თავისუფალი, დემოკრატიული და ევროპული საქართველოსთვის. თბილისი ევროპის ნამდვილი დედაქალაქია. გმადლობ! - ასე ეხმაურება&nbs...
19:51
"ქართული ოცნების" საპატიო თავმჯდომარე, ბიძინა ივანიშვილი პარტიის საარჩევნო კამპანიის რეგიონულ ღონისძიებაზე ქუთაისში სიტყვით გამოვიდა. ივანიშვილის თქმით,სწორედ „ქართული ოცნების“ სწორი ...
19:40
„ქართული ოცნების“ გენერალურმა მდივანი, კახა კალაძე გერმანიის საგარეო საქმეთა მინისტრის მოადგილის, ანა ლიურმანის კრიტიკულ განცხადებას გამოეხმაურა და თქვა, რომ „ამ ტიპის გან...
14:48
დედაქალაქის მერისთვის ევროპარლამენტარების შეფასებები მისაღები არ არის. როგორც კახა კალაძე განმარტავს მათი ქმედებები არაფრით განსხვავდება საბჭოთა კავშირისგან. „რისთვის ვიბრძოლეთ? იმისთვის, ...
16:24
"ვიღაცას არ მოეწონა, შემზარავია და უიმე რა მძიმეა, ამის გამო არ გაუშვა, წარმოუდგენელია. კატეგორიულად მიუღებელია ამ ტიპის დამოკიდებულება, თუნდაც ევროკავშირის ელჩის მხრიდან ამ ტიპის განცხადებები. წარმო...
|
კომენტარები