თიბისი ბიზნესების მხარდასაჭერად...
ბიზნესების მხარდასაჭერად, თიბისიმ, Glovo-სთან და Mymarket-თან ერთად, სპეციალური ინიციატივა წამოიწყო, რომელიც ერთი მხრივ, ქვეყანაში შექმნილი ვითარების შედეგად დაზარალებული და Happyeuyear-ის პლატფორმაზ...
საქართველოს ბანკის მხარდაჭერით „ვივა ჯგუფი“ კიდევ ერთ საცხოვრებელ კომპლექსს თბილისში აშენებს
საქართველოს ბანკი სამშენებლო სექტორის მხარდაჭერას აგრძელებს. ბანკთან პარტნიორობით „ვივა ჯგუფმა“ კიდევ ერთი საცხოვრებელი კომპლექსის აშენება თბილისში დაიწყო. საცხოვრებელი კომპლექსის ფართი 15 149 კვ.მ-ს შეადგენს. საქართველოს ბანკი პროექტში 6.3 მილიონი დოლარის ინვესტირებას განახორციელებს.
„ჩვენი კომპანია ბაზარზე 2017 წლიდან ოპერირებს. საქართველოს ბანკთან თანამშრომლობა პირველივე დღიდან დავიწყეთ და მას შემდეგ ერთად არაერთი წარმატებული პროექტი განვახორციელეთ, როგორც თბილისში, ასევე ზუგდიდში. ბანკთან რამდენიმეწლიანი წარმატებული თანამშრომლობის შედეგად კვლავ დავიწყეთ ახალ პროექტზე მუშაობა და სამომავლოდაც, სწორედ მათი მხარდაჭერით ვგეგმავთ დიღომში ჩვენ საკუთრებაში არსებულ მიწის ნაკვეთზე საცხოვრებელი კორპუსების მშენებლობას. ამ დროისთვის დასაქმებული გვყავს 80-მდე ადამიანი“, - განაცხადა კომპანიის წარმომადგენელმა, ნიკა ბულიამ.
„საქართველოს ბანკის ერთერთ პრიორიტეტს ბიზნესის მხარდაჭერა წარმოადგენს. ჩვენ მოხარული ვართ, რომ შეგვიძლია მსგავსი პროექტის დაფინანსება, რომელიც აძლიერებს სამშენებლო სექტორს და ჩვენი ქვეყნის ეკონომიკას, რადგან იქმნება ახალი სამუშაო ადგილები. გვინდა წარმატება ვუსურვოთ კომპანიას ჩვენი ერთობლივი პროექტების განხორციელებაში და მათ სამომავლო გეგმების რეალიზებაში“, - განაცხადა საქართველოს ბანკის კორპორაციული მომსახურების სექტორის უფროსმა, გიორგი წეროძემ.
ინფორმაციისთვის, კომპანია „ვივა ჯგუფს“ საქართველოს ბანკთან თანამშრომლობით არაერთ პროექტზე უმუშავია. ესენია: დიღომში 312 საცხოვრებელი ბინისგან შემდგარი კომპლექსი, რომლის საერთო ფართობიც 22 482 კვ.მ-ს შეადგენს. მიმდინარე პროექტებს შორისაა დიღომისა და ზუგდიდის ორი პროექტი. დიღომის ახალი პროექტი 520 საცხოვრებელ ბინას მოიცავს, რომლის ფართობიც 31 237 კვ.მ-ს შეადგენს.
კომენტარები