|
გაეროს ქალთა ორგანიზაციისა და საქართველოს საფონდო ბირჟის მხარდაჭერით, საერთაშორისო და ადგილობრივი საბანკო-საფინანსო სექტორი ქალთა გაძლიერებისთვის გაერთიანდა. ყოველწლიური გლობალური ინიციატივა „დარეკე ზარი გენდერული თანასწორობისთვის“ საქართველოში კიდევ ერთხელ ჩატარდა და ყურადღება იმ მნიშვნელოვან როლზე გამახვილდა, რომლის შესრულებაც საბანკო-საფინანსო სექტორს გენდერული თანასწორობის მიღწევისთვის შეუძლია.
ღონისძიებას გაეროს მუდმივი კოორდინატორი საქართველოში საბინე მახლი, ნორვეგიის სამეფოს საგანგებო და სრულუფლებიანი ელჩი ჰელენე სანდ ანდრესენი, საქართველოს ეროვნული ბანკის პრეზიდენტი კობა გვენეტაძე, საქართველოს საფონდო ბირჟის ფინანსური დირექტორი ნინო ქურდიანი, საერთაშორისო საფინანსო კორპორაციის (IFC) რეგიონული მენეჯერი სამხრეთ კავკასიაში ივანა ფერნანდეს დუარტე, სამოქალაქო საზოგადოების, სახელმწიფო უწყებებისა და ბიზნესასოციაციების წარმომადგენლები დაესწრნენ.
ინიციატივას წელს თიბისიც შეუერთდა. ღონისძიებაში ბანკის რისკების მართვის ხელმძღვანელი, ნინო მასურაშვილი და სამეთვალყურეო საბჭოს წევრი, ნინო სუქნიძე მონაწილეობდნენ. საერთაშორისო და ადგილობრივი საფინანსო ინსტიტუტებისა და კომერციული ბანკების წარმომადგენლებმა, გენდერული თანასწორობის ინიციატივებთან დაკავშირებით, საკუთარ ხედვები და გამოცდილება წარადგინეს. მონაწილეებმა არსებულ გამოწვევებსა და ერთობლივი თანამშრომლობის გეგმებზეც იმსჯელეს.
გენდერული თანასწორობა ეკონომიკური ზრდის მნიშვნელოვანი ხელშემწყობი ფაქტორია. მაკინზის უახლესი კვლევის მიხედვით, კომპანიებს, რომლებშიც გენდერულად დაბალანსებული, მრავალფეროვანი სამუშაო გარემოა, 15%-ით მეტი შემოსავალი აქვთ. დირექტორთა საბჭოებში ქალების წარმომადგენლობა კი ფინანსური მაჩვენებლების გაუმჯობესებაზე პირდაპირ აისახება. თუმცა, პანდემია და სხვა პოლიტიკურ-ეკონომიკური მოვლენებით გამოწვეული კრიზისები გენდერული თანასწორობის კუთხით ამ დრომდე მიღწეულ პროგრესსაც აზიანებს, განსაკუთრებით განვითარებად ქვეყნებში.
საქართველოს საბანკო-საფინანსო სექტორს ხელმძღვანელ პოზიციებზე ქალების რიცხვის გაზრდით, ქალებზე ორიენტირებული საბანკო პროდუქტების შეთავაზებით, მრავალფეროვნების მხარდაჭერითა და სხვა მნიშვნელოვანი ინიციატივებით, შეუძლია, ხელი შეუწყოს გენდერულ თანასწორობას, შექმნას თანამშრომლობისა და პოზიტიური ცვლილებების მაგალითები, რომლებიც პერსპექტივაში არა მარტო კონკრეტული ბიზნესების, არამედ მთლიანად ქვეყნის ეკონომიკის ზრდაზეც პოზიტიურად აისახება. ღონისძიების მიზანი სწორედ ამ შესაძლებლობის წარმოჩენაა.
ინიციატივა პროექტის „კარგი მმართველობა გენდერული თანასწორობისთვის საქართველოში“ ქალთა ეკონომიკური გაძლიერების კომპონენტის ნაწილია, რომელიც ნორვეგიის მთავრობის მხარდაჭერით ხორციელდება.
14:28
მსოფლიოში ავტორიტეტულმა ფინანსურმა ჟურნალმა - Global Finance, თიბისი საქართველოში საუკეთესო პერსონალური საბანკო მომსახურებისთვის, კიდევ ერთხელ დააჯილდოვა. ჯილდო ბანკმა თიბისი WM-ისა და თიბისი კონცეპტ...
10:59
გაზაფხულის დღესასწაულებისთვის თიბისიმ მომხმარებლებს, 50-ზე მეტ პარტნიორ ობიექტში, ტრადიციულად გამორჩეული შეთავაზებები მოუმზადა. მხოლოდ 2-3 მარტს და 7-8 მარტს, თიბისის ტერმინალზე, ახალი თიბისი ბარათით...
18:23
თანამედროვე ბიზნესგარემოში გენდერული თანასწორობისა და ინკლუზიურობის პრინციპების დაცვა ერთ-ერთი უმნიშვნელოვანესი ფაქტორია, როგორც სოციალური პასუხისმგებლობის, ისე კომპანიების მდგრადი განვითარების კუთხი...
15:28
თიბისი IT აკადემიამ, ტექნოლოგიური განათლების მხარდაჭერის ფარგლებში, ოთხდღიანი მასშტაბური ტექნოლოგიური ღონისძიება – TechXplore 2025 გამართა. ღონისძიების მთავარი მიზანი, პროექტის „TBC...
15:08
თიბისი კაპიტალის შეფასებით, იანვარში წმინდა სავალუტო შემოდინებები ვაჭრობიდან, ტურიზმიდან და ფულადი გზავნილებიდან, როგორც წინა თვესთან, ასევე წინა წლის შესაბამის პერიოდთან შედარებით, გაუმჯობესდა. შეფა...
12:12
PSP-ში ფულადი ვაუჩერის აქცია 20 თებერვლიდან დაიწყო და 28 თებერვლის ჩათვლით გაგრძელდება. აქციის ფარგლებში, თითოეულ 100 ლარიან შენაძენზე, მომხმარებელს საჩუქრად გადაეცემა 10 ლარიანი ფულადი ვაუჩერი. მომხ...
12:47
19 თებერვალს, გაეროს გლობალური შეთანხმების საქართველოს ქსელის ორგანიზებით “კორპორაციული მდგრადობის ჯილდო - ბიზნესი მდგრადი განვითარებისთვის “ მეშვიდე ცერემონია გაიმართა. SDG17 “პარტ...
|
კომენტარები