ბიზნესი

Tegeta Construction Equipment-ი JCB-ს TOP 80 დილერს შორის მოხვდა - ბრიტანულმა ბრენდმა 80 წლის იუბილე აღნიშნა

·         Tegeta Construction Equipment-ის სერვისცენტრი საუკეთესო პრაქტიკის მაგალითად დასახელდა

ბრიტანულმა კომპანიამ JCB-მ დაარსებიდან 80 წლის აღსანიშნავად ინდოეთში გამართულ შეკრებაზე 800 დილერიდან მხოლოდ 80 საუკეთესოს მოუყარა თავი. მათ შორის იყო „თეგეტა ჰოლდინგში“ შემავალი კომპანია Construction Equipment-ი, რომლის სერვისცენტრიც საუკეთესო პრაქტიკის მაგალითად დასახელდა. კომპანიის რეგიონულ ლიდერობას კიდევ უფრო ამყარებს მაღალკვალიფიციური გუნდი, მოწინავე ინფრასტრუქტურა და ეფექტური ბიზნესპროცესები. სწორედ  გასული წლის შედეგები შეჯამდა ინდოეთში გამართულ შეხვედრაზე.

ღონისძიების  მიზანი, საუკეთესო პარტნიორების აღიარებასთან ერთად, ბრენდის ხუთწლიანი განვითარების სტრატეგიის წარდგენა იყო. გეგმა ითვალისწინებს პარტნიორებთან კიდევ უფრო მჭიდრო ინტეგრაციას, ინოვაციური პროდუქტების, ციფრული ინსტრუმენტების, CRM სისტემების დანერგვას და სამომავლო ოპერაციული მხარდაჭერის გაძლიერებას, ოპერაციების ერთობლივ მართვას, ასევე გაყიდვების შემდგომი მომსახურების გაუმჯობესებას.

გიორგი ბერიძე: „თეგეტა ჰოლდინგის“ სპეციალური დანიშნულების ტექნიკის მიმართულების მთავარი ოფიცერი: „კონფერენციაში მონაწილეობა კიდევ ერთხელ უსვამს ხაზს „თეგეტა ჰოლდინგის“ სტატუსს, როგორც JCB-ს გლობალური სტრატეგიის მნიშვნელოვანი პარტნიორის, და ადასტურებს კავკასიის  მზარდ როლს ბრენდის საერთაშორისო განვითარებაში. განსაკუთრებით საამაყოა, რომ  Tegeta Construction Equipment-ის სერვისცენტრი საუკეთესო პრაქტიკის მაგალითად დასახელდა. ჩვენ სრულად ვიზიარებთ JCB-ს ამბიციურ ხედვას და მზად ვართ, რეგიონში მომხმარებლებს მივაწოდოთ ინოვაციური, მდგრადი და მომხმარებელზე ორიენტირებული გადაწყვეტილებები.

ღონისძიებაზე გვქონდა შესაძლებლობა, გაგვეზიარებინა სტრატეგიული ხედვები და გავცნობოდით ინოვაციებს. კონფერენციის ერთ-ერთი უმნიშვნელოვანესი თემა იყო სწორედ  გაყიდვების შემდგომი მომსახურების გაძლიერება. პრიორიტეტად რჩება სერვისის რეაგირების სისწრაფე, მომხმარებლის კმაყოფილების ამაღლება და ოპერაციული ეფექტიანობის გაუმჯობესება, რაც ახლა უკვე შესაძლებელია ინოვაციური  ტელემატიკ გადაწყვეტილებებით, მათ შორის დისტანციური დიაგნოსტიკა, ტექნიკის პარკის მართვის ციფრული სისტემები - „Livelink“-ის პლატფორმა, რომელიც მომხმარებლებს საშუალებას აძლევს, მაქსიმალური სარგებელი მიიღონ“.

JCB-მ საუკეთესო დილერებს განახლებული მოდელების სრული სპექტრი წარუდგინა. მათ შორის არის ექსკავატორ-დამტვირთველები, ფრონტალური დამტვირთველები, მუხლუხა ექსკავატორების ახალი და უფრო მრავალფეროვანი სამოდელო ხაზი, ტელესკოპური დამტვირთველები და პლატფორმები.

გიორგი ბერიძე, „თეგეტა ჰოლდინგის“ სპეციალური დანიშნულების ტექნიკის მიმართულების მთავარი ოფიცერი: „კონფერენციის ერთ-ერთი მთავარი თემა ეკოლოგიურად სუფთა ტექნოლოგიების განვითარება იყო. დილერებს შესაძლებლობა ჰქონდათ, გასცნობოდნენ როგორც ელექტრო ტექნიკის განახლებულ სერიას, ისე JCB-ს წყალბადზე მომუშავე ძრავებით აღჭურვილ ინოვაციურ პროექტებს. ის სრულად ნულოვანი ემისიით უზრუნველყოფს მძიმე ტექნიკისთვის აუცილებელ სიმძლავრეს, რაც კიდევ ერთხელ უსვამს ხაზს ბრენდის მოწინავე როლს ინდუსტრიაში. როგორც ყოველთვის, JCB ინოვაციების წინა ხაზზეა.“

ხუთდღიანი ვიზიტის ფარგლებში სხვადასხვა ქვეყნიდან მიწვეული დელეგაციები JCB-ს ქარხნებსაც ესტუმრნენ. ინდოეთი ბრიტანული ბრენდისთვის ერთ-ერთი ყველაზე მნიშვნელოვანი, სწრაფად მზარდი და პერსპექტიული ბაზარია. კომპანიას იქ ხუთი ქარხანა აქვს, მათგან ორი ცოტა ხნის წინ აშენდა.

ბრიტანულ უმსხვილესი სამშენებლო ტექნიკის ბრენდს საქართველოსა და კავკასიის სხვა ქვეყნებში 2007 წლიდან „თეგეტა ჰოლდინგში“ შემავალი კომპანია -  Tegeta Construction Equipment წარმოადგენს. კომპანია შედეგებსა და სერვისის ხარისხს ყოველწლიურად აუმჯობესებს. რეკორდული იყო გასული წელიც. რეგიონში ჯამურად 500-ზე მეტი ერთეული ტექნიკის რეალიზაცია მოხდა.

---

„თეგეტა ჰოლდინგის“ შვილობილი კომპანია Tegeta Construction Equipment ბაზარზე 2007 წლიდან ოპერირებს. ის ბრიტანული უმსხვილესი სამშენებლო ტექნიკის ბრენდის, JCB-ს ოფიციალური იმპორტიორია საქართველოსა და ამიერკავკასიაში. კომპანია მომხმარებელს სთავაზობს სამშენებლო და საგზაო ტექნიკას სრული საგარანტიო მომსახურებით, ასევე ნებისმიერი სამშენებლო ტექნიკის სერვისსა და სათადარიგო ნაწილებს.