|
საქართველოში ერთ-ერთი ყველაზე ძველი კერძო სტამბა და გამომცემლობა, „საქართველოს მაცნე“, თიბისის მხარდაჭერით კიდევ ერთ ფილიალს გახსნის. კომპანიის დამფუძნებელი და დირექტორი ლევან ფოფხაძე „საქართველოს მაცნის“ განვითარების ისტორიას გვიყვება:
„წიგნების გამოცემით 90-იანი წლების დასაწყისში დავინტერესდი. მაშინ არ არსებობდა კერძო გამომცემლობები და სტამბები, წიგნების გამოსაცემად აუცილებლად სახელმწიფო გამომცემლობასთან უნდა გეთანამშრომლა. ამიტომ გამომცემლობა „განათლებას“ გავურიგდი და მათთან ერთად დავიწყეთ მხატვრული ლიტერატურის გამოცემა. იმ წლებში დაახლოებით 30 წიგნი გამოვეცით, ძირითადად მხატვრული ლიტერატურა.
საქმე უკან მას შემდეგ წავიდა, რაც კუპონები შემოვიდა და ინფლაცია დაიწყო. ამან დიდი თანხები დაგვაკარგვინა. ამიტომ გადავწყვიტეთ, დარჩენილი რესურსით პოლიგრაფიული საქმიანობა დაგვეწყო.
1996 წელს იჯარით ავიღეთ 100 კვ.მ ფართი და რამდენიმე დანადგარი და დავიწყეთ წიგნების ბეჭდვა. იმ დროისთვის უკვე გაჩნდა კერძო გამომცემლობებიც და ვბეჭდავდით როგორც საკუთარი გამომცემლობისთვის, ასევე მათთვისაც. საქმე კარგად წავიდა და მალევე გავხსენით კიდევ რამდენიმე, უკვე შედარებით დიდი ფილიალი და გავაფართოვეთ როგორც სტამბა, ასევე გამომცემლობაც.
იქიდან მოყოლებული, ვბეჭდავთ და გამოვცემთ ძირითადად სასკოლო სახელმძღვანელოებს, სასკოლო დამხმარე ლიტერატურას, ასევე მხატვრულ, საბავშვო და სამეცნიერო შემეცნებით ლიტერატურასაც.
ვმონაწილეობდით კონკურსებშიც და, მოხდა ისე, რომ 2008 წლამდე კერძო კომპანიებს შორის ყველაზე მეტი დასახელების - 67 წიგნი გვქონდა გამოცემული.
2012 წლიდან ეს კონკურსები შეწყდა. 2018 წელს კი, მათი განახლებისთანავე, ისევ ჩავერთეთ კონკურსებში და მას შემდეგ თითქმის ყოველ წელს „საქართველოს მაცნის“ მიერ დაბეჭდილ და გამოცემულ რამდენიმე სახელმძღვანელოს ენიჭება გრიფი. წელს გრიფი მიენიჭა XI კლასის ფიზიკის და ქიმიის, პირველი და მეორე კლასის ქართული ენისა და ლიტერატურის, ასევე პირველი და მეორე კლასების ჭადრაკის სახელმძღვანელოებს.
დღეისათვის სტამბა „საქართველოს მაცნის“ უკვე 5 შენობა განლაგებულია თბილისსა და წეროვანში. მეხუთე, 1100 კვ.მ ფართის შენობა თიბისის მხარდაჭერით ავაშენეთ და აღვჭურვეთ უმაღლესი ხარისხის დანადგარებით.
სტამბაში სტაბილურად 40 ადამიანია დასაქმებული, თუმცა „ცხელ თვეებში“, როცა დიდი რაოდენობით შეკვეთები გვაქვს მოსასწრები, დაახლოებით 15 ადამიანს ვამატებთ. გამომცემლობაში 15 დასაქმებულია.
მოთხოვნა სასკოლო სახლმძღვანელოებზე საკმაოდ დიდია. ჩვენი მიზანია, მოკლე დროში რაც შეიძლება მეტი წიგნის ბეჭდვა შევძლოთ, ამიტომ ამ ეტაპზე აქტიურად ვმუშაობთ იმაზე, რომ კიდევ უფრო გავზარდოთ დანადგარების რაოდენობა და შესაბამისად, სიმძლავრეც, რაშიც, რა თქმა უნდა, ისევ თიბისის მხარდაჭერის იმედი გვაქვს.“
15:09
22 და 23 მარტს, თუ ზუგდიდი მოლს ეწვევით, შეძლებთ ისარგებლოთ თიბისის ქეშბექ შეთავაზებით და ახალი თიბისი ბარათით, ახალი თიბისი კონცეპტ ბარათებითა და ერთგული საკრედიტო ბარათით გადახდის შემთხვევაში, დაიბ...
15:02
საქართველოს მორაგბეთა ეროვნულმა ნაკრებმა, რაგბი ევროპის ჩემპიონატის 2025 წლის გათამაშება დომინანტური უპირატესობით მოიგო. ზედიზედ 8 წელია, ბორჯღალოსნები კვარცხლბეკის უმაღლესი საფეხურიდან არ ჩამოსულან ...
10:55
თიბისი, როგორც მოწინავე კომპანია ტექნოლოგიებსა და მონაცემთა ანალიზის მიმართულებით, საგანმანათლებლო ინიციატივების ფარგლებში, აგრძელებს სხვადასხვა პროგრამის განვითარებას და ამჯერად თიბისი IT აკადემია, ...
10:50
PSP-ს ინოვაციური პროექტი - პირველი ლოქერი ფარმაციაში მომხმარებელს შოპინგის ახალ, კომფორტულ მომსახურებას სთავაზობს: ონლაინ შეკვეთის მისაღებად კონკრეტული მისამართის მითითება და ლოდინი საჭირო აღარ არის;...
14:38
შემეცნებითი პოდკასტების სერია - მწარე პოდკასტი / Bitter Podcast, რომელსაც ისტორიკოსი ნიკა ხოფერია უძღვება, 4 წელზე მეტია ისტორიის მოყვარულებს შორის დიდი პოპულარობით სარგებლობს და მრავალრიცხოვანი აუდი...
12:23
ინვესტირებისას, ხშრიად ყველაზე რთული, პირველი ნაბიჯის გადადგმაა, როდესაც არ იცი საიდან დაიწყო. სწორედ ამიტომ, თიბისის მობაილბანკის საინვესტიციო პლატფორმას ინოვაციური პროდუქტი - სმარტ პორტფელები დაემა...
12:20
თიბისი კონცეპტის მულტიფუნქციური სივრცის გალერეა, 22 მარტიდან წარმოგიდგენთ კოტე სულაბერიძის პერსონალურ გამოფენას „ჩემი კავკასიონი”. გამოფენა მხატვრის 1990-იანი წლებიდან დღემდე ...
|
კომენტარები