|
Wings for Life World Run-ის ყველაზე მასშტაბურ საქველმოქმედო რბენას სამწლიანი პაუზის შემდეგ ისევ კახეთმა უმასპინძლა. „თეგეტა ჰოლდინგის“ 200-ამდე თანამშრომელმა, მსოფლიოსთან ერთად, მეათე საიუბილეო გარბენში მიიღო მონაწილეობა და საკუთარი ჩართულობით სამედიცინო კვლევების დაფინანსებაში შეიტანა წვლილი. „თეგეტას“ გუნდიდან, მამაკაცებში ყველაზე მეტი ვახტანგ ლობჟანიძემ გაირბინა. „თეგეტა მოტორსის“ მთავარმა მექანიკოსმა 15 კმ დაფარა. ქალებს შორის კი საუკეთესო შედეგი „თეგეტა მოტორსის“ საოპერაციო მენეჯერს, ლელა ნიკოლაძეს ჰქონდა. მან 8.75 კმ ირბინა.
Wings for Life World Run-ის სასტარტო სიგნალი, საქართველოს დროით ზუსტად 15 საათზე ექვს კონტინენტზე ერთდროულად გაისმა. ლოპოტას გადასახვევიდან კავკასიონის ქედის გასწვრივ 5000-ზე მეტი მონაწილე მსოფლიო მარათონს შეუერთდა.
საფინიშო მანქანის ფუნქცია წელს Mazda CX5 და Mazda CX30 მოდელებმა შეასრულეს. იაპონური ბრენდის ოფიციალური დილერი საქართველოში „მაზდა ცენტრი თეგეტაა“, რომელიც Wings for Life World Run-ის მხარდამჭერი წელს პირველად გახდა. კომპანიის თანამშრომლებს უკვე წლებია თავიანთი წვლილი შეაქვთ ზურგის ტვინის დაზიანების განკურნების გზების ძიებაში.
ნათიკა ბერძული, „თეგეტა ჰოლდინგის“ სტრატეგიული კომუნიკაციების ხელმძღვანელი: „თეგეტა, როგორც მაღალი კორპორაციული პასუხისმგებლობის მქონე კომპანია, მსოფლიო მარათონს ყოველ წელს უერთდება. თუმცა წელს ჩვენი ჩართულობა კიდევ უფრო მასშტაბური იყო. მონაწილეობის სურვილი თეგეტას გუნდის 200-ამდე წევრმა გამოთქვა და შეუერთდა საქველმოქმედო მარათონს მძიმე დაავადების დასამარცხებლად. მონაწილეობის გარდა, წელს უფრო აქტიურად ჩაერთო თეგეტას შვილობილი კომპანიაც „მაზდა ცენტრი თეგეტა“ და ჩვენთან ერთად ღონისძიების პარტნიორია“.
Wings for Life World Run საერთაშორისო საქველმოქმედო ღონისძიებაა, რომელსაც უნიკალური ფორმატი აქვს. მასში, პროფესიონალ მორბენალებთან ერთად, მოყვარულები, ასევე ეტლით მოსარგებლე ადამიანები მონაწილეობენ. მარათონს არ აქვს ფინიშის ხაზი, შეუზღუდავია დროც. მარათონში მონაწილეობა ფასიანია. შემოსული თანხა, ასევე კორპორაციული შემოწირულებები სრულად ირიცხება Wings For Life-ის ფონდში, რომელიც ზურგის ტვინის დაზიანების სამკურნალოდ შესაბამისი სამედიცინო კვლევების ჩატარებას უზრუნველყოფს.
წელს მარათონს 158 ქვეყნიდან 206 728 მონაწილე ჰყავდა. საერთო ჯამში, ზურგის ტვინის დაზიანების განკურნებისათვის 5.8 მილიონი ევრო შეგროვდა.
12:23
ინვესტირებისას, ხშრიად ყველაზე რთული, პირველი ნაბიჯის გადადგმაა, როდესაც არ იცი საიდან დაიწყო. სწორედ ამიტომ, თიბისის მობაილბანკის საინვესტიციო პლატფორმას ინოვაციური პროდუქტი - სმარტ პორტფელები დაემა...
12:20
თიბისი კონცეპტის მულტიფუნქციური სივრცის გალერეა, 22 მარტიდან წარმოგიდგენთ კოტე სულაბერიძის პერსონალურ გამოფენას „ჩემი კავკასიონი”. გამოფენა მხატვრის 1990-იანი წლებიდან დღემდე ...
11:20
თიბისიმ Amazon Web Services-სთან ერთად, საქართველოში ყველაზე მასშტაბური AWS GameDay გამართა, რომელიც არის კომპანიის ფარგლებში ჩატარებული პირველი შიდა GameDay და მასში თიბისი ჯგუფის DevOps ინჟინრები დ...
11:15
„თეგეტა მოტორსი“ მომსახურების ხელმისაწვდომობას ზრდის და სატვირთო ავტომობილების, ავტობუსებისა და კომერციული ავტოტრანსპორტის მფლობელებს მობილური ჯგუფის სერვისს სთავაზობს. კომპანიის გან...
11:58
თიბისი ვაჭრობის დაფინანსების ინდუსტრიაში წამყვანი საერთაშორისო მედია კომპანიის - Global Trade Review-ის ვაჭრობის ლიდერების ჯილდოს ფინალისტია. ეს პირველი შემთხვევაა, როდესაც ქართული ბანკი აღნიშნულ ჯილ...
11:44
„დაფნა“ ეს არის მინიმალისტურ კონცეფციაზე დაფუძნებული კაფე, სადაც არატრადიციულ გარემოში ქართული სამზარეულოა მოქცეული. მისი ისტორია 2017 წლიდან იწყება და დღემდე ქალაქში, გამორჩეულ თავშეყრის...
12:49
ოთხი წარმატებული სეზონის და 2500-ზე მეტი კურსდამთავრებულის შემდეგ, თიბისი ტექსკოლაში უფროსკლასელების მიღება განახლდა. ტექსკოლაში 2025 წლის მთავარი სიახლე, ახალი კურსი - შესავალი ხელოვნურ ინტელექტში. ...
|
კომენტარები