1 8 : 3 3
სარეკლამო ადგილი - 21
620 x 80
 | 

ბიზნესი

Volvo EX30 SUV-ახალი ელექტრომოდელი, რომელიც უსაფრთხოების უპრეცედენტო სისტემით იქნება აღჭურვილი

Volvo EX30 ახალი სრულად ელექტრო მცირე ზომის SUV, შვედური ბრენდის აქამდე წარმოებულ მოდელებს შორის ყველაზე უსაფრთხო იქნება. სკანდინავიური კომპანიის 96-წლიანი გამოცდილებით შექმნილ მოდელს მომხმარებელი მალე, ივნისის პირველივე კვირაში  იხილავს.

უსაფრთხოების უპრეცედენტო სისტემების დახმარებით, ისეთი შემთხვევების თავიდან აცილებაც შესაძლებელია, როგორიც მაგალითისთვის, ავტომობილის კარის გაღების შედეგად ველოსიპედისტების დაზიანებაა. ევროპის ზოგიერთ ქალაქში უბედური შემთხვევების მეხუთედი სწორედ მსგავს ფაქტებზე მოდის.

ასეთი ინციდენტების შესამცირებლად, Volvo EX30 აღჭურვილია კარის გაღების სიგნალით, რომელიც მძღოლს სპეციალური გამაფრთხილებელი სიგნალით მოსალოდნელ საფრთხეზე მიანიშნებს. კარის გაღების გაფრთხილება ვოლვოს Safe Space ტექნოლოგიის ერთ-ერთი მახასიათებელია.

ასა ჰაგლუნდი,  ვოლვოს უსაფრთხოების ცენტრის ხელმძღვანელი: "ავტომობილებს, ქვეითებს და ველოსიპედისტებს, თანაბრად ეკისრებათ პასუხისმგებლობა დაიცვან მოძრაობის წესები და გაითვალისწინონ გარშემომყოფები. Volvo EX30-ით ჩვენ ახალ დონეზე აგვყავს ქალაქის უსაფრთხოება, განსაკუთრებით თანამედროვე გადატვირთულ უბნებში“.

უახლესი დამცავი სისტემები

თითქმის არ არსებობს ავტოსაგზაო შემთხვევებთან დაკავშირებული სცენარი, რაც ვოლვოს ახალ EX30- ში გათვალისწინებული არ არის. მასში ჩამონტაჟებული უსაფრთხოების სისტემები ეფუძნება კვლევას, რა დროსაც რეალურ სამყაროში მომხდარი უბედური შემთხვევები შეისწავლეს. მიღებული მონაცემების გადამუშავების შემდეგ კი ვოლვოს ინჟინრებმა უსაფრთხოების უნიკალური ტექნოლოგია შექმნეს.

დაცვის მაღალი დონე ყველა დეტალში გათვალისწინებულია, კარკასით დაწყებული, მექანიზმით დასრულებული.

EX30-ის შასი და უსაფრთხოების კარკასი აგებულია მაღალი სიმტკიცის ფოლადის სხვადასხვა ფორმით, რაც ავარიის ზემოქმედებას მინიმუმამდე ამცირებს. ასევე ახალ ელექტრომოდელში მძღოლის სავარძლის შიდა მხარეს უსაფრთხოების გვერდითა ბალიშია განთავსებული,  რომელიც იცავს მას თავისა და გულმკერდის დაზიანებისაგან, გვერდიდან დარტყმის შემთხვევაში.


მანქანა, რომელიც გეხმარება, როცა ეს გჭირდება

EX30-ი აღჭურვილია გაფრთხილების სისტემით, რომელიც აკვირდება მძღოლის მოტორიკას, მოძრაობის ინტენსივობას და სიტუაციასთან შესაბამისობას. გარდა ამისა, ამოიცნობს, თუ როდის უშვებს მძღოლი  საჭეს ხელს. ავტომობილს ასევე აქვს სპეციალური სენსორი, რომელიც მძლავრი ალგორითმებით მუშაობს და საჭის უკან მდებარეობს. ის თვალებსა და სახეზეა კონცენტრირებული და მიმიკებს წამში დაახლოებით 13-ჯერ ზომავს. ამ გზით სისტემა იღებს ინფორმაციას მძღოლის მდგომარეობის შესახებ, ხომ არ არის მისი ყურადღება გაფანტული, ხომ არ ეძინება ან ხომ არ მოდუნდა ისე, რომ ამას თავადაც ვერ აცნობიერებს.
ასევე ავტომობილს აქვს ავტომატური დამუხრუჭების სისტემა. იმ შემთხვევაში, თუ EX30-ს სხვა მანქანა მოულოდნელად გადაუჭრის გზას, ის ავტომატურად დაამუხრუჭებს.

დამატებით დეტალებს  EX30-ის შესახებ მომხმარებელი უკვე 7 ივნისს შეიტყობს, როდესაც სრულად ელექტრო Volvo EX30 SUV-ის გლობალური დებიუტი შედგება. იმავე დღეს, ის ასევე ხელმისაწვდომი იქნება შესაკვეთად ან წინასწარი შეკვეთისთვის შერჩეულ ბაზრებზე.

--

გასულ წელს Volvo Car Group- ის საოპერაციო მოგებამ 22.3 მილიარდი შვედური კრონი შეადგინა.  გლობალური მასშტაბით  ვოლვოს 615,121 ავტომობილი გაიყიდა და შემოსავალმა      330,1 მილიარდ შვედურ კრონს მიაღწია.  

სკანდინავიური ბრენდი 100-ზე მეტ ქვეყანაში საქმიანობს. კავკასიის რეგიონში კი მას "ვოლვო ქარ კავკასია“ წარმოადგენს. "თეგეტა ჰოლდინგის“ შვილობილი კომპანია ბაზარზე 2019 წლიდან ოპერირებს და შვედური ბრენდის „ვოლვოს“ ოფიციალური იმპორტიორია ამიერკავკასიასა და შუა აზიაში.

კომენტარები

მსგავსი სიახლეები

  • 09:47

    მიზანი 100%-ით შესრულდა - ბორჯღალოსნები მსოფლიო თა...

    საქართველოს მორაგბეთა ეროვნულმა ნაკრებმა რაგბი ევროპის ჩემპიონატის ჯგუფური ეტაპი ესპანეთთან გამარჯვებით დაასრულა, ჯგუფში პირველი ადგილი დაიკავა და ნახევარფინალისა და ფინალის მასპინძლობის უფლებაც მოიპ...

  • 15:28

    თიბისის მხარდაჭერით, Svaneti Freeride Week Junior ...

    13 თებერვალს, Svaneti Freeride Week Junior-ის ერთვარსკვლავიანი ტურნირით, სვანეთის ფრირაიდ კვირეული ოფიციალურად დაიწყო. ზედიზედ მეორე წელია, თიბისი ახალგაზრდა ქართველი ფრირაიდერების აქტიური მხარდამჭერ...

  • 15:25

    ნუშისა და კაკლის მწარმოებელთა ასოციაციის წევრმა 8 ...

    ნუშისა და კაკლის მწარმოებელთა ასოციაციის წევრმა 8 კომპანიამ, თიბისის მხარდაჭერით, ინდოეთის ქალაქ მუმბაიში, საერთაშორისო გამოფენაში - MEWA INDIA 2025 მიიღო მონაწილეობა. ეს იყო პირველი შემთხვევა, როდეს...

  • 10:40

    თიბისის მხარდაჭერით საერთაშორისო ფოტოფესტივალი „ქო...

    თიბისის მხარდაჭერით 2-6 მაისს, „ქოლგა თბილისი ფოტო" წელს 24-ედ ჩატარდება და ადგილობრივ და საერთაშორისო გამოფენებს უმასპინძლებს.   ფესტივალის ფარგლებში 15 მარტის ჩათვლით ცხადდება ...

  • 18:43

    გაიგე რა შეთავაზებები მოგიმზადათ თიბისი კონცეპტმა ...

    თიბისი კონცეპტმა ერთგულ მომხმარებელს, ტრადიციულად, მათ სურვილებზე მორგებული და მრავალფეროვანი შეთავაზებები მოუმზადა. მხოლოდ 14 თებერვალს, თიბისი კონცეპტის Visa სადებეტო ბარათით ICI PARIS-სა და Voule...

  • 18:38

    საბურავები, ზეთები, აკუმულატორები და ავტონაწილები ...

    დაბალი ტემპერატურა ავტომობილის დეტალებზე მნიშვნელოვან გავლენას ახდენს, შესაბამისად, მათი დროული შემოწმება და საჭიროების შემთხვევაში შეცვლა უსაფრთხო და კომფორტული მგზავრობისთვის გადამწყვეტია. კრიტიკულ...

  • 13:23

    „Zeekr საქართველომ“ ქართულ ბაზარს ახალი მოდელი - Z...

    Zeekr 009 უკვე „Zeekr საქართველოს“ პორტფელშია. მაღალტექნოლოგიური ბრენდის პირველი ავტომობილები ქართველმა მომხმარებელმა წინასწარი შეკვეთით ჯერ კიდევ ოფიციალურ წარდგენამდე შეიძინა. დახვ...