შენი წარმატების გზა: მიიღე რჩევები თიბისის წამყვ...
26 სექტემბერს, თიბისი კონცეპტის სივრცეში ტარდება ღონისძიება - “შენი წარმატების გზა”, სადაც საშუალება გექნება გაიგო მეტი პროფესიების შესახებ, გაიცნო თიბისის წამყვანი პროფესიონალები, ...
|
მწერალი და ტელეწამყვანი ნესტან კვინიკაძე „თეგეტას“ კამპანიას შეუერთდა, რომელიც საგზაო მოძრაობის კულტურის ასამაღლებლად და დამკვიდრებული მანკიერი წესების შესაცვლელად დაიწყო. კამპანიის ფარგლებში, ცნობილი სახეები იმ უარყოფით პრაქტიკაზე საუბრობენ, რომლებსაც ქუჩაში, ფეხით ან მანქანით მოძრაობისას აწყდებიან. მძღოლებისა და ქვეითებისთვის ამ სიტუაციიდან გამოსავალს კი პერსონალურ წერილში წერენ. მათ პირად მიმართვებს თბილისის ქუჩებში „თეგეტა“ იმმძღოლებს უტოვებს, რომლებიც საგზაო მოძრაობის კულტურაზე არ ზრუნავენ.
ნესტან კვინიკაძისთვის ერთ-ერთი ყველაზე მიუღებელი საზოგადოებაში დამკვიდრებული სტერეოტიპია, რომ ქალი გაცილებით ცუდად მართავს ავტომობილს, ვიდრე მამაკაცი. მისი აზრით, სამწუხაროდ, ამ სტიგმას ხშირად თავად ქალები უწყობენ ხელს, როდესაც საქარე მინაზე ან საბარგულთან აკრავენ სტიკერს - „ქალი საჭესთან“.
ნესტან ნენე კვინიკაძე, მწერალი: „ამის საწინააღმდეგო იმდენი არგუმენტი არსებობს, ჩვენს ისტორიაში იმდენი ძლიერი ქალი არსებობდა და არსებობს - მაგალითად, ჩვენ გვყავდა ქალი მეფე, გვყავდა და გვყავს ქალი პოეტები, მხატვრები, ჩემპიონები, უფროსები თუ თინეიჯერები, რომლებმაც რეალურად შეცვალეს სამყარო. ამ ყველაფერთან მიმართებით სექსისტური სტიკერები ყოვლად შეუსაბამოა. სანამ ჩვენს თავს გამოვუტანთ განაჩენს, ან სხვებს მივცემთ ამის მიზეზს, ყველაფერი გავიაზროთ, საკუთარ თავში დარწმუნებით და ცოდნით შეცვალოთ,მაგალითად, სტერეოტიპი - ფრთხილად, საჭესთან ქალია“.
ნესტან ნენე კვინიკაძის აზრით, ქალების გადაწყვეტილებას, მიაკრან ავტომობილს სექსისტური სტიკერი ორი მიზეზი აქვს. ან საკუთარ თავში არ არიან დარწმუნებულები, ან სხვების გასაფრთხილებლად აკეთებენ ამას. ფიქრობს, რომ შეუძლებელია ასეთმა „გაფრთხილებებმა“ ცუდი მძღოლი გონს მოიყვანოს, ამიტომ უმჯობესია, სხვა მიმართულებით იმუშაონ ქალებმა, აკეთონ ის, რაც ასეთ სიტუაციებში უკეთ აზღვევთ.
მისი თქმით, ასეთი დამოკიდებულებების პრევენცია ადრეულ განათლებას შეუძლია, ამიტომ ბავშვობის ასაკიდან, მაგალითად, სკოლაში უნდა ისწავლებოდეს საგზაო მოძრაობის კულტურა და მასთან დაკავშირებული თემები.
ნათიკა ბერძული, „თეგეტა ჰოლდინგის“სტრატეგიული კომუნიკაციების ხელმძღვანელი: „ნენე კვინიკაძის ეს წერილი ქალებს კიდევ ერთხელ ახსენებს საკუთარ შესაძლებლობებს. ძლიერი ქალების ისტორიებით მოუწოდებს მათ, სჯეროდეთ საკუთარი თავის. „თეგეტას“ კამპანიით ვცდილობთ, სხვადასხვა აქტივობით თანამოქალაქეებს კიდევ ერთხელ შევახსენოთ, რას ნიშნავს საგზაო მოძრაობის კულტურა. დავუკავშირდით ჩვენს თანამოაზრეებს, მოქალაქეობრივი პასუხისმგებლობით გამორჩეულ ადამიანებს, რომლებმაც თავიანთი წუხილის შესახებ მძღოლებისთვის პერსონალური მიმართვები დაწერეს. შემდეგ ეს მეგობრული „საჯარიმო“ წერილები ადრესატებს დაუტოვეს. ვფიქრობთ, პერსონალურ კომუნიკაციას კარგი შედეგი მოაქვს. როცა ადამიანს მეგობრულად უხსნი, რა გაწუხებს, რა პრობლემებს გიქმნის ყოველდღიურობაში მისი, ერთი შეხედვით, უწყინარი ქცევა, ისიც შემოდის შენს მდგომარეობაში და იაზრებს, რომ ამით ზიანს გაყენებს. შესაბამისად, ქცევის შეცვლის ალბათობა იზრდება. გვჯერა, რომ ძირეული ცვლილებები ერთეული ადამიანების საერთო ძალისხმევით მიიღწევა“.
„თეგეტა ჰოლდინგის“ ახალი კამპანია — იზრუნე საგზაო მოძრაობის კულტურაზე ივლისში დაიწყო და მისი მიზანი საზოგადოების ცნობიერების ამაღლება და საგზაო მოძრაობის კულტურის გაუმჯობესებაა.
26 სექტემბერს, თიბისი კონცეპტის სივრცეში ტარდება ღონისძიება - “შენი წარმატების გზა”, სადაც საშუალება გექნება გაიგო მეტი პროფესიების შესახებ, გაიცნო თიბისის წამყვანი პროფესიონალები, ...
ზაფხული უკვე მიიწურა და შვებულებისა და მოგზაურობის ეტაპიდან აქტიური სამუშაო და სასწავლო პერიოდი იწყება - ყოველდღიური საქმეები, ქალაქში ხშირი გადაადგილება... გადატვირთული მობილობის დროს, სწრაფი და უსა...
თიბისის მხარდაჭერით, 12-14 სექტემბერს, ბათუმში საერთაშორისო შემოქმედებითი ფესტივალი AD BLACK SEA 2024 ტარდება. ფესტივალზე თიბისი, როგორც ახალი თაობის მხარდამჭერი, წარადგენს ნომინაციას Young Creative ...
9 სექტემბერი ტესტერთა საერთაშორისო დღეა, რომლის აღნიშვნაც თბილისში უკვე ტრადიციად იქცა. მე-5 საიუბილეო 2-დღიან კონფერენციაზე, რომელიც შერატონ მეტეხი პალასში 8-9 სექტემბერს გაიმართება, ტექნოლოგიების ე...
თიბისიმ, ახალი სასწავლო წლის დაწყებასთან ერთად, თავის მომხმარებელებს, განსაკუთრებული შეთავაზებები მოუმზადა. თიბისის Back 2 School-ის კვირეულის ფარგლებში, 2-დან 9 სექტემბრის ჩათვლ...
თიბისი უკვე წლებია, ჩართულია თითქმის ყველა სახელმწიფო პროექტში, რაც ბანკის ექსპერტებს მეტი მოქნილობის საშუალებას აძლევს, ყველა თიბისის მსესხებელს კრედიტის საუკეთესო ვარიანტი და ოპტიმალური პირობები შე...
ბავშვების უსაფრთხო მგზავრობის ხელშეწყობისა და სამგზავრო სავარძლების მნიშვნელობის შესახებ ცნობიერების ამაღლების მიზნით, 2020 წელს საზოგადოებრივი ორგანიზაცია Your Car Seat შეიქმნა. ორგანიზაციის ა...
ოქტომბერი 2024 | ||||||||||||||||||||||||||||||||||||||||||||
| ||||||||||||||||||||||||||||||||||||||||||||
|
კომენტარები