EU საქართველოში "ტექნიკურ მისიას" აგზავნის...
"ევროკავშირის საგარეო საქმეთა მინისტრებმა განიხილეს საქართველოს საკითხი. ქვეყანაში გაემგზავრება EEAS/ევროკავშირის კომისიის ოფიციალური პირების "ტექნიკური მისია". ევროკავშირის სპეციალურ წარმ...
"მზად ვარ, დაუყოვნებლივ გადავიდე "ვივამედში" შემდეგი პირობებით" - რა პირობებს ასახელებს სააკაშვილი
ექსპრეზიდენტი მიხეილ სააკაშვილი სამკურნალოდ კლინიკა “ვივამედში” გადაყვანასთან დაკავშირებით რამდენიმე პირობას აქვეყნებს.
სააკაშვილი ამის შესახებ სოციალურ ქსელში წერს და იუსტიციის მინისტრსა და პენიტენციური სამსახურის დირექტორს მიმართავს:
“საქართველოს იუსტიციის მინისტრს და პენიტენციური სამსახურის დირექტორს,
ვინაიდან ჩემი ჯანმრთელობის მდგომარეობა უკიდურესად დასუსტებულია და ვფიქრობ, შეუთავსებელია სასიცოცხლო მაჩვენებლებთან, თანახმა ვარ კლინიკა “ვივამედში” გადასვლაზე გამოკვლევებისთვის, გადაუდებელი სამედიცინო მომსახურებისა და მკურნალობისთვის შემდეგი პირობებით:
1. მუდმივი დაშვება ჰქონდეთ ჩემი ოჯახის წევრებს, ჩემს პირად ექიმს ნიკა ყიფშიძეს და ალტერნატიული კომისიის წევრებს ცენტრ “ემპათიადან”, რაც კანონით განსაზღვრულია და რაზეც აქამდე უკანონოდ მეძლეოდა უარი;
2. სამუშაო საათებში დაშვება ჰქონდეთ კანონით განსაზღვრულ პირებს, ადვოკატებსა და პარლამენტის წევრებს;
3. ყოველ გამოკვლევაში, დიაგნოსტიკაში, დანიშნულების დადგენასა და ასევე მკურნალობის შემდგომი ეტაპების თუ გამოჯანმრთელების ფაქტის განსაზღვრა მოხდეს პარიტეტულ საფუძველზე შექმნილი შემადგენლობით, ცენტრი “ემპათიის” ჩართულობით და მათი თანხმობის შემთხვევაში, სახალხო დამცველის კონსილიუმის წევრების მონაწილეობით;
4. როგორც კი აღნიშნულ საკითხებზე მივიღებ პასუხს, მზად ვარ, დაუყოვნებლივ გადავიდე “ვივამედში”;
5. გთხოვთ, აღნიშნულ საკითხებზე გადაწყვეტილება მიიღოთ ჩემი ოჯახის წევრებისა და ადვოკატების ჩართულობით”, – წერს სააკაშვილი სოციალურ ქსელში.
კომენტარები