0 6 : 3 1
სარეკლამო ადგილი - 21
620 x 80
 | 

მსოფლიო

ლიტერატურული პრემია „საბას“ გამარჯვებულები ცნობილია

2021-12-24 11:45:24

საბას მე-19 დაჯილდოება, კორონავირუსის პანდემიის გამო, ონლაინ გაიმართა.

გამარჯვებული 10 ნომინაციაში გამოვლინდა:

·         საუკეთესო ლიტერატურული დებიუტი - ნანა აბულაძე „აკუმი“; ირინა ტაბაღუა „ტელეფას ცხვარი“;

·         საუკეთესო პიესა - პაატა ციკოლიას „მედეა s01e06”;

·         საუკეთესო ლიტერატურული კრიტიკა - ნინო დიანოსაშვილის „შეშლილი სიშმაგე თუ შმაგი შეშლილობა?! ლისამანია ევრიპიდეს ტრაგედიებში: „ბაკქი ქალები“, “ჰერაკლე“, „ორესტესი“; ნანა ტრაპაიძის „ლიტერატურა ლიტერატურის შესახებ“;

·         საუკეთესო თარგმანი - გიორგი ლობჟანიძის თარგმანი „ჯალალ ედ-დინ რუმის „არსთა მესნევი (წიგნი პირველი)”; ანა კოპალიანის თარმანი ტომას სტერნზ ელიოტის „მოხუცი ოპოსუმის წიგნი პრაქტიკული კატების შესახებ”;

·         საუკეთესო ესეისტიკა და დოკუმენტური პროზა - მარიამ ხუცურაულის „მარილი გემოვნებით“;

·         საუკეთესო პროზაული კრებული - გიორგი სოსიაშვილის „ოთხი მოთხრობა“;

·         საუკეთესო პოეტური კრებული - ნუგზარ ზაზანაშვილის „წავა წავა წავა წავა“;

·         საუკეთესო რომანი - თამთა მელაშვილის „შაშვი შაშვი მაყვალი“;

·         საბჭოთა და პოსტსაბჭოთა ისტორიის რეფლექსია ქართულ ლიტერატურაში - ივა ფეზუაშვილის „ბუნკერი“; ბიძინა მაყაშვილის „მხიარული მუსიკა სევდიან ეპოქაში ანუ ბლუზი მტკვრის პირას“;

·         ქართული ლიტერატურის განვითარებაში შეტანილი განსაკუთრებული წვლილისთვის - პოეტი და მთარგმნელი გივი შაჰნაზარი.

ლიტერატურულ კონკურსში „საბა“ წელს 260 კონკურსანტი მონაწილეობდა, ზაფხულში „საბას“ ჟიურიმ 43 ფინალისტი დაასახელა. გამარჯვებულებს გადაეცათ „საბას“ პრიზი და სოლიდური ფულადი პრემიები.

წელს კონკურსზე განსაკუთრებული სიახლე იყო - ლიტერატურულ კონკურსს დაემატა მე-10 ნომინაცია „საბჭოთა და პოსტსაბჭოთა ისტორიის რეფლექსია ქართულ ლიტერატურაში“, რომელიც არასამთავრობო ორგანიზაციამ „საერთაშორისო გამჭვირვალობა - საქართველომ“ დააწესა. გამარჯვებულებს ჯილდო „საერთაშორისო გამჭვირვალობა - საქართველოს“ აღმასრულებელმა დირექტორმა ეკა გიგაურმა და ევროკავშირის ელჩმა საქართველოში კარლ ჰარცელმა გადასცეს.

გამარჯვებული წიგნების ელექტრონული ვერსიები განთავსებულია „საბას“ ვებგვერდზე saba.com.ge.

წლის მთავარი ლიტერატურული მოვლენა - პრემია „საბა“ თიბისიმ და რატი ამაღლობელმა 2002 წელს დააფუძნეს. დაარსების დღიდან „საბამ“ ბიძგი მისცა ლიტერატურულ პროცესებს საქართველოში და არაერთი მწერლის ნაწარმოები და ღვაწლი შეაფასა. 2018 წელს „საბა“ გასცდა საქართველოს ფარგლებს, ის ფრანკფურტის წიგნის ბაზრობის ფარგლებში გერმანიაში ჩატარდა. დაჯილდოების ცერემონიის გამართვამ ფრანკფურტში კონკურსს საერთაშორისო მნიშვნელობა შესძინა. 

 

კომენტარები

მსგავსი სიახლეები

გამოკითხვა

კმაყოფილი ხართ თუ არა მთავრობის მუშაობით?
ხმის მიცემა   რეზულტატი
სარეკლამო ადგილი - 110
300 x 300

არქივი

ნოემბერი 2024
ორშ.სამშ.ოთხშ.ხუთშ.პარას. შაბათიკვირა
28293031123
45678910
11121314151617
18192021222324
2526272829301

მოგვძებნეთ

პირველი ქართული
ინტერნეტ ტელევიზია

ITV

ჩვენი საიტები

შოუბიზნესი

ჩვენ ვმუშაობთ თქვენთვის