კესარია აბრამიძე მოკლეს...
ცნობილი გახდა, რომ თბილისში, ტრანსგედერი ქალი, კესარია აბრამიძე მოკლული იპოვეს - ამის შესახებ ინფორმაცია შინაგან საქმეთა სამინისტროში დაუდასტურეს. შსს ადასტურებს, რომ 37 წლის ქა...
გოგონას, რომელიც კოვიდინფიცირებული მშობლების გადარჩენას ითხოვდა, დედის მერე, მამაც გარდაეცვალა
გოგონას, რომელიც კოვიდინფიცირებული მშობლების გადარჩენის თხოვნით ჯანდაცვის სამინისტროს მიმართავდა, დედის შემდეგ, მამაც გარდაეცვალა.
მარიამ კაკაურიძე "ფეისბუქის" პირად გვერდზე წერდა, რომ მის დედ-მამას მკურნალობა რეანიმაციულ განყოფილებაში სჭირდებოდათ, თუმცა ადგილების არარსებობის გამო მათი იქ მოთავსება ვერ მოხერხდა.
მარიამ კაკაურიძეს დედა 5 ნოემბერს გარდაეცვალა, ხოლო მამა - დღეს დილით.
Covid-19 -ით გარდაცვლილი ცოლ-ქმარი ხონის მუნიციპალიტეტის სოფელ კონტუათში ცხოვრობდნენ.
"ჩემი მშობლები სახლში მკურნალობდნენ! გახდნენ შეუძლოდ მამას გაუკეთეს პსრ ტესტი და დააწვინეს კლინიკა ბომონდში. 3 დღის შემდეგ მოვიდა უარყოფითი პასუხი და გამოწერეს სახლში! თბილისიდან ჩასულს მამა დამხვდა ცუდად, ვრეკავ 112-ში და ველოდები მათ 2 საათი არავინ მოდის, ჩემით მიმყავს გორმედის კლინიკაში, გზაში გამიხდა უფრო ცუდად... ვიძახებ გორის სასწრაფოს და მოდიან 30 წუთში დაახლოებით, მამასთან არავინ ჯდება მედპერსონალი და მე დავუჯექი! გორმედში მისულები 1 საათი დაახლოებით დერეფანში ვიყავით, არავინ გაუკეთა დამამშვიდებელი სანამ არ ვიყვირეთ. გამოჩნდა 2 ღვთისნიერი ექიმი და იმათ მიმიხედეს და მომიყვანეს დღემდე! ახლა, მამას სჭირდენა სასწრაფო რეანიმაცია 2 დღეა და არაფერია ! 1505 112 ს მიმართეო, 112-მა ექიმები აგვარებენო, ექიმმა შენ იპოვე ექიმიო ! მამას აქვს კოვიდი და ინსულტი. დედა, დედას არ გაუკეთეს ტესტი, რადგან ფეხზე იდგა და უფრო უკეთ იყო ! "ბომონდში" თხოვნით ერთი გადასხმა გაუკეთეს და გაუშვეს სახლში! მეორე დღეს ცუდად გახდა, გამოვიძახე სასწრაფო და წაიყვანეს "უნიქალმედში"! იყო მიმღებში 2 დღე და არა პალატაში! პირველ დღეს გაუკეთეს გადასხმები, მეორე დღეს არაფერი და მესამე დღეს დამძიმდა. მადლობა მის ექიმს ვასო ფარცხალაძეს შეუძლებელს აკეთებს დედასთვის! დედასაც ესაჭიროება რეანიმაცია! ერთი მშობელი მაინც გადამირჩინეთ! თქვენი ჯანდაცვის სისტემის კოლაფსის და არასწორი ტესტის პასუხის გამო ვართ ასეთ დღეში! პირველივე სიმპტომიდან დაიწყეს მკურნალობა სახლში, თავისი ხარჯებით!" - წერდა მარიამ კაკაურიძე.
კომენტარები