|
საჩხერე-ჭიათურა-ხარაგაულის ოლქში ქართულმა ოცნებამ მაჟორიტარი დეპუტატობის ისეთი კანდიდატი დაასახელა, რომელიც 8 წელია უკვე დეპუტატია, თუმცა, არასოდეს ამოუღია ხმა ამომრჩევლის ინტერესების დასაცავად.
პაატა კვიჟინაძე, ივანიშვილის მსგავსად, დიდი ხნის განმავლობაში რუსეთში ცხოვრობდა. ის დეკლარირებული მილიონერია და მისი ქონების დიდი ნაწილი რუსეთში „ინახება“.
პაატა კვიჟინაძე ზვიად გამსახურდიას დროს საჩხერის პრეფექტი იყო, თუმცა, საჩხერელებს დღემდე ახსოვთ რომ მან, ყველაზე მნიშვნელოვან დროს უღალატა გამსახურდიას და მოგვიანებით რუსეთს შეაფარა თავი, სადაც ქონების მნიშვნელოვანი ნაწილი დააგროვა.
კერძოდ: მის დეკლარაციაში ვკითხულობთ რომ კვიჟინაძეს, მოსკოვში, ტუხაჩევსკის 35 ნომერში აქვს ბინა, რომელიც 40,000 დოლარად არის შეფასებული.
კვიჟინაძე მოსკოვში ფლობს მეორე ბინასაც, ტოლბუხინის 11 ნომერში, რომელიც დეკლარაციის მიხედვით, 100,000 დოლარი ღირს.
კვიჟინაძის საკუთრებაა რუსეთში, სოფელ სოლოსლოვოში მდებარე მიწის ნაკვეთიც, რომელიც 200,000 დოლარად არის შეფასებული.
ამავე დროს, კვიჟინაძეს მნიშვნელოვანი ქონება აქვს საქართველოშიც, რომლის დიდი ნაწილი სწორედ რუსეთში ნაშოვნი ფულით შეიძინა.
„როგორც კი კანდიდატად დაასახელეს პაატა კვიჟინაძე, მაშინვე ფულის დარიგება დაიწყეს ქართული ოცნების საჩხერის შტაბში.
კოორდინატორებს 300 ლარი მისცეს. ერთ უბანზე 10 კოორდინატორი ჰყავთ. საჩხერეში 57 საარჩევნო უბანია, რაც იმას ნიშნავს რომ 570 ადამიანს მისცეს 300 ლარი - არალეგალურად.
ეს კი, ჯამში, 171,000 ლარია. საჩხერელ კოორდინატორებს მომდევნო 2 თვეც ჰპირდებიან თანხების დარიგებას. თუმცა, ნერვიულობენ რომ ჭიათურასა და ხარაგაულში კვიჟინაძე ძალიან სუსტი კანდიდატია.
ქართული ოცნების საჩხერის შტაბში, ჭიათურელებს პირდაპირ შეურაცხყოფას აყენებს და ცუდი სიტყვებით მოიხსენიებს საჩხერის საკრებულოს თავმჯდომარე, ლევან ივანაშვილი.
ლევან ივანაშვილი ფიქრობს რომ ჭიათურელთა დიდი ნაწილი ბიძინა ივანიშვილს მხარს აღარ უჭერს, რის გამოც საჩხერეში, ქართული ოცნების შტაბში, სადაც ღიად დადის, ჭიათურელებს ხშირად აყენებს შეურაცხყოფას“, - ეს არის ექსკლუზიური ინფორმაცია, რომელიც „აიტივის“ ქართული ოცნების საჩხერის შტაბიდან მიაწოდეს.
თუმცა, ოფიციალურად, ამ ინფორმაციას არ ადასტურებენ და აცხადებენ რომ „მას არავისთვის მიუყენებია სიტყვიერი შეურაცხყოფა“.
ინფორმაციისათვის: ლევან ივანაშვილი, რომელიც საჩხერეში, ქართული ოცნების წინაშე არჩევნების შედეგებზეა პასუხისმგებელი, ბიძინა ივანიშვილის ნათესავია.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები