|
საქართველოს პარლამენტმა შესაძლოა, 6 თვით გაახანგრძლივოს "საზოგადოებრივი ჯანდაცვის შესახებ" კანონის მოქმედება, რომელიც მთავრობას საგანგებო მდგომარეობის გამოცხადების გარეშე შეზღუდვების დაწესების უფლებას აძლევს.
შესაბამისი ინიციატივა პარლამენტში გამართულ ბრიფინგზე ჯანდაცვის კომიტეტის თავმჯდომარე დიმიტრი ხუნდაძემ წარადგინა.
მან აღნიშნა, რომ კანონის ვადის გახანგრძლივება "ქვეყნისა და საზოგადოებისათვის სასიცოცხლოდ მნიშვნელოვანია".
"ბოლო პერიოდის ეპიდტენდენცია ადასტურებს, რომ სახელმწიფოს ჩარევა და გარკვეული შეზღუდვების დაწესება დროული და რელევანტური იყო. ამ ქმედითი ნაბიჯების გადადგმის საშუალება ხელისუფლებას საზოგადოებრივი ჯანდაცვის შესახებ კანონმა მისცა, რომლის მოქმედების ვადა, როგორც გახსოვთ, იანვრამდე განისაზღვრა. ეს ვადა რამოდენიმე დღეში იწურება, რის შემდეგაც პროცესის მართვა მის გარეშე გაძნელდება. ამ ყველაფრის გათვალისწინებით, ჩვენ ვაინიცირებთ კანონპროექტს, რომლის მიხედვითაც საზოგადოებრივი ჯანდაცვის შესახებ კანონის მოქმედების დრო 6 თვით გახანგრძლივდება", - განაცხადა ხუნდაძემ.
მანვე იმედი გამოთქვა, რომ კანონის მოქმედების ვადის უფრო მეტად გახანგრძლივება საჭირო აღარ გახდება, რადგან "6 თვე არის გონივრული დრო, რომლის ფარგლებშიც საქართველოში კორონავირუსისსაწინააღმდეგო ვაქცინა ხელმისაწვდომი უნდა გახდეს".
ამასთან, ხუნდაძის განმარტებით, კანონის მოქმედების ვადის გახანგრძლივება არ ნიშნავს, რომ დაწესებული შეზღუდვები მომდევნო 6 თვის განმავლობაში ძალაში დარჩება ან უფრო მეტად გამკაცრდება.
"კანონის ვადის გაგრძელება არ ნიშნავს პირდაპირ რომ შეზღუდვები გაგრძელდება და აუცილებლად გამკაცრდება. ეს იძლევა საშუალებას მთავრობას რომ კრიზისი მართოს ეფექტურად და შესაძლო რისკები ააცილოს ქვეყანას", - თქვა დიმიტრი ხუნდაძემ.
ცნობისთვის, მთავრობის გადაწყვეტილებით, 28 ნოემბრიდან ქვეყანაში ახალი საკარანტინო შეზღუდვები ამოქმედდა. მათ შორის, მოქმედებს გადაადგილებაზე შეზღუდვა 21:00 საათიდან 05:00 საათამდე.
24 დეკემბრამდე დიდ ქალაქებში: თბილისში, ბათუმში, ქუთაისში, რუსთავში, გორში, ფოთში, ზუგდიდში, თელავში, ასევე სათხილამურო კურორტებზე: ბაკურიანში, გუდაურში, გოდერძსა და მესტიაში სურსათის მაღაზიების, სილამაზისა და სპა სალონების გარდა, დაკეტილია ყველა სხვა სავაჭრო ობიექტი.
მთავრობის ადმინისტრაციის განმარტებით, ყველა დაწესებული შეზღუდვა 24 დეკემბრიდან 2 იანვრამდე შემსუბუქდება, კონკრეტულად:
მათივე ცნობით, 3 იანვრიდან ზემოთ ხსენებული ყველა შეზღუდვა აღდგება.
წყარო: ფორმულა
20:30
საპროტესტო აქციის მონაწილეებმა მელიქიშვილის გამზირიდან კვლავ ჭავჭავაძის გამზირზე, თსუ-ს ტერიტორიაზე გადაინაცვლეს. “გამოვთქვათ რეაქცია პოლიციის უღირსობაზე! თბილისელების რეაქციამ მოიტანა კონკრეტულ...
"ევროკავშირის საგარეო საქმეთა მინისტრებმა განიხილეს საქართველოს საკითხი. ქვეყანაში გაემგზავრება EEAS/ევროკავშირის კომისიის ოფიციალური პირების "ტექნიკური მისია". ევროკავშირის სპეციალურ წარმ...
18:51
მოლდოვაში ჩატარებულ არჩევნებთან დაკავშირებით, ირაკლი კობახიძის განცხადებების შემდეგ მოლდოვის საგარეო საქმეთა სამინისტროში საქართველოს საქმეთა დროებითი რწუნებული დავით ბოჭორიშვილი საგარეო საქ...
17:22
„მათ მმართველობას საკუთარ ქვეყნებში მოსახლეობამ უარი უთხრა - როთი არის შოლცის პარტიიდან და კოალიცია საერთოდ დაეშალათ. ეტყობა ისეთი უავტორიტეტოა, რომ იქ ქუჩაში საერთოდ არ გაესვლება. ეს როთები იქა...
15:42
„ამ ადამიანების განცხადებებს არანაირი ფასი არ აქვს. ეს არიან უსაქმური ადამიანები, რომლებიც ხან ერთ ქვეყანაში ჩადიან, ხან მეორეში. ჩვენ გვახსოვს, როცა ისინი ოპოზიციის აქციების დროს ჩამოვიდნენ, მა...
17:37
სააპელაციო სასამართლოსთან შეკრებილი აქციის მონაწილეები, მსვლელობით წერეთლის გამზირზე, სადგურის მოედნის მიმართულებით გადაადგილდებიან. ისინი არჩევნების გაყალბებას აპროტესტებენ. აქციის მონაწილეებს წინ პო...
17:37
სააპელაციო სასამართლოსთან შეკრებილი აქციის მონაწილეები, მსვლელობით წერეთლის გამზირზე, სადგურის მოედნის მიმართულებით გადაადგილდებიან. ისინი არჩევნების გაყალბებას აპროტესტებენ. აქციის მონაწილეებს წინ პო...
|
კომენტარები