სპორტი სოსო პავლიაშვილი: ეს ქართული ფეხბურთის რენე...
მომღერალი სოსო პავლიაშვილი ეროვნული ნაკრების წარმატებას ეხმიანება: „ეს ქართული ფეხბურთის რენესანსია! მათთვის ვლოცულობ და ვამაყობ. ქართველმა ფეხბურთელებმა ისტორია დაწერეს და ქართული ფეხ...
|
ცენტრალურ საარჩევნო კომისიაში დღეს ცესკოს პრეს-სპიკერის ნათია იოსელიანის ბრიფინგი გაიმართა, რომელიც ბოლო დროს გავრცელებულ რამდენიმე ინფორმაციას ეხებოდა, რაც საარჩევნო ადმინისტრაციისა და ზოგადად საარჩევნო გარემოს უსაფუძვლო, მცდარი შეფასებების მიზეზი გახდა.
ამომრჩეველთა ერთიანი სია ვერ გახდება ხელოვნური მანიპულაციების საკითხი
როგორც დღეს გამართულ ბრიფინგზე ნათია იოსელიანმა განაცხადა: „ამომრჩეველთა ერთიანი სიის თაობაზე გაკეთებული განცხადებებით ზოგიერთმა მხარემ არაერთხელ სცადა საზოგადოების შეცდომაში შეყვანა, მიუხედავად ცესკოს მიერ გაკეთებული შესაბამისი განმარტებებისა:
კერძოდ, პოლიტიკური გაერთიანება „ლელოს" წარმომადგენელმა 16 სექტემბერს გამართულ ბრიფინგზე განაცხადა, რომ ელექტრონული ტექნოლოგიების გამოყენება დარღვევებს გამორიცხავს, თუმცა ერთიან სიაში ამომრჩევლის გაზრდილი რაოდენობაა შეყვანილი. აპელირება იყო იმაზე, რომ 2018 წელს რეგისტრაციიდან მოხსნილი ამომრჩევლები, კვლავ ფიქსირდებიან კონკრეტულ მისამართებზე.
გვინდა განვუმარტოთ საზოგადოებას, რომ მოქალაქე, რომელსაც აქვს მოქმედი პირადობის დამადასტურებელი მოწმობა ან საქართველოს პასპორტი და მოხსნილია რეგისტრაციიდან ძველი საცხოვრებელი ადგილის მიხედვით ან რომლის რეგისტრაციაც ძალადაკარგულად გამოცხადდა, არჩევნებში მონაწილეობის მისაღებად ამომრჩეველთა ერთიან სიაში შედის ბოლო საცხოვრებელი ადგილის რეგისტრაციის ან ფაქტობრივი საცხოვრებელი ადგილის მიხედვით.
შესაბამისად, ზემოაღნიშნული მიზეზით სიების „გაბერილად" გამოცხადება ცალსახად უნდა ჩაითვალოს სამართლებრივი ნორმების არცოდნად ან ამომრჩევლების შეცდომაში შეყვანის მცდელობად.
15 სექტემბერს სახელმწიფო სერვისების განვითარების სააგენტოს მიერ გადმოცემული სიის მონაცემებით, რომლის მიხედვითაც საბოლოო სიის ფორმირება ამ ეტაპზეც მიმდინარეობს, დგინდება, რომ „ლელოს" წარმომადგენლის მიერ დასახელებული სამი პირიდან, ერთის ბოლო რეგისტრაციის მისამართი იგივეა, ორი კი უკვე ახალ მისამართზეა რეგისტრირებული.
მანიპულაციების კიდევ ერთი საგანი გახდა რამდენიმე დღის წინ გაჟღერებული ინფორმაცია, ამომრჩეველთა ერთიან სიაში გარდაცვლილი პირების თაობაზე. სიუჟეტში საუბარი იყო 14 გარდაცვლილ ადამიანზე. აქედან 4 მოქალაქე ცოცხალია, 3 მოქალაქე წლების წინ საზღვარგარეთ გადავიდა საცხოვრებლად, 2 მოქალაქის თაობაზე სახელმწიფო სერვისების განვითარების სააგენტოში არც უფლებამოსილი უწყებიდან და არც ოჯახის წევრებისგან არ იყო დაფიქსირებული შეტყობინება გარდაცვალების თაობაზე. რაც შეეხება 5 მოქალაქეს ისინი არ არიან ამომრჩეველთა ერთიან სიაში და უცნობია, რომელი სიით ხელმძღვანელობდა ჟურნალისტი სიუჟეტის მომზადებისას.
რაც შეეხება ე.წ. „სამოქალაქო საარჩევნო კომისიის" მიერ გავრცელებულ მონაცემებს:
მათი მტკიცებით ამომრჩეველთა ერთიან სიაში მყოფი 37 მოქალაქე გარდაცვლილია. ამასთან დაკავშირებით მივმართეთ სახელმწიფო სერვისების განვითარების სააგენტოს, მათგან მიღებულ მონაცემებზე დაყრდნობით ვაცხადებთ, რომ მათ მიერ დასახელებული პირებიდან 8 მოქალაქე ცოცხალია, 16 მოქალაქის გარდაცვალების ფაქტი არ დასტურდება, ვინაიდან ნაწილი წლების წინ საზღვარგარეთ წავიდა, ნაწილი კი ფიქსირდება საქართველოს ოკუპირებულ ტერიტორიაზე, 12 მოქალაქეზე ასევე არ არსებობდა ოფიციალური შეტყობინება გარდაცვალების თაობაზე (ამჟამად გარდაცვალების ოქმები უკვე შედგენილია), ხოლო 1 მოქალაქე 31 აგვისტოს გარდაიცვალა, შესაბამისად 10 აგვისტოს მდგომარეობით განახლებულ ამომრჩეველთა ერთიან სიაში ის, რა თქმა უნდა, იქნებოდა.
კიდევ ერთხელ მოვუწოდებთ ყველას ნუ გაავრცელებენ ცრუ ინფორმაციას, მათ შორის, ისეთ არაეთიკურს, როგორიცაა ცოცხალი ადამიანების გარდაცვლილებად გამოცხადება, ნუ გახდებიან საზოგადოების მიზანმიმართულად შეცდომაში შეყვანის ინიციატორები."
ცესკო ეხმიანება საკონსულტაციო ჯგუფის მიმართ მიზანმიმართულ დისკრედიტაციას
გვინდა თქვენი ყურადღება გავამახვილოთ საკონსულტაციო ჯგუფის საქმიანობაზეც. ჯგუფი საარჩევნო რეფორმის ფარგლებში დაკომპლექტდა არასამთავრობო სექტორის მიერ, ხოლო ცესკომ კანონმდებლობით გათვალისწინებული უფლებამოსილებების ფარგლებში მას აღმოუჩინა ყოველგვარი მხარდაჭერა. საარჩევნო პროცესების დაზიანების მიზნით შექმნის დღიდან, სხვადასხვა დაინტერესებული მხარეები დაკავებული არიან ხსენებული ჯგუფის წევრების მიზანმიმართული დისკრედიტაციით, რაც სავარაუდოდ გახდა რამდენიმე წევრის მიერ ჯგუფის დატოვების მიზეზი.
ბელარუსის საარჩევნო ადმინისტრაცია დამკვირვებლად, საარჩევნო კანონმდებლობის ყველა ნორმის დაცვით დარეგისტრირდა
მანიპულაციის საგანი გახდა აგრეთვე, დამკვირვებელ ორგანიზაციად ბელარუსის საარჩევნო ადმინისტრაციის რეგისტრაციის საკითხიც, იმაზე აპელირებით, პოლიტიკურად რამდენად მიზანშეწონილია აღნიშნული რეგისტრაცია. ცესკო მოქმედებს კანონმდებლობის დაცვით - ბელორუსის ცესკო ერთ-ერთ სხდომაზე დარეგისტრირდა კომისიის ჩვიდმეტივე წევრის მხარდაჭერით, პოლიტიკური მიზანშეწონილობის მიხედვით მსჯელობა ცესკოს პრეროგატივას არ წარმოადგენს.
ბელორუსის საარჩევნო ადმინისტრაცია არის არაერთი შესაბამისი საერთაშორისო ორგანიზაციის წევრი. საქართველოში არჩევნებს სადამკვირვებლო მისიის სტატუსით აკვირდება 2010 წლიდან.
ამ დროისთვის ცესკოში 14 ქვეყნის საარჩევნო ადმინისტრაცია არის დარეგისტრირებული და ყველა მათგანის რეგისტრაციას ცესკომ სრული შემადგენლობით დაუჭირა მხარი.
ცესკოს კვლავაც, ყველა საჯარო განცხადებაზე, რომელიც შესაძლოა იყოს უზუსტო ან მიზანმიმართული სიცრუე, ექნება სათანადო რეაგირება და საზოგადოებას რეგულარულად მიეწოდება ზუსტი და გადამოწმებული ინფორმაცია.
მომღერალი სოსო პავლიაშვილი ეროვნული ნაკრების წარმატებას ეხმიანება: „ეს ქართული ფეხბურთის რენესანსია! მათთვის ვლოცულობ და ვამაყობ. ქართველმა ფეხბურთელებმა ისტორია დაწერეს და ქართული ფეხ...
14 წლის გოგოს, აითაჯ შახმაროვას მკვლელობის საქმეზე ბრალდებულ “ქმარს” თელავის რაიონულმა სასამართლომ უვადო პატიმრობა შეუფარდა. აითაჯ შახმაროვა კახეთში, საგარეჯოს მუნიციპალიტეტის სოფელ ...
ბოლნისის მუნიციპალიტეტის სოფელ დისველთან, ვერტმფრენი ჩამოვარდა. "ინფო რუსთავის" ინფორაციი არის მსხვერპლი. როგორც ირკვევა დაიღუპა მფრინავი. მათივე ინფორმაციით, ჩამოვარდნილია სამხედრო ვერტმფრენი. ...
ბოლნისის მუნიციპალიტეტის სოფელ დისველთან, ვერტმფრენი ჩამოვარდა. "ინფო რუსთავის" ინფორაციი არის მსხვერპლი. როგორც ირკვევა დაიღუპა მფრინავი. მათივე ინფორმაციით, ჩამოვარდნილია სამხედრო ვერტმფრენი. ...
1 ივლისის დღის ბოლოდან 2 ივლისის დღის ბოლომდე საქართველოში მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა და ქარის გაძლიერება. “მოსალოდნელმა ნალექებმა საქართველოს მდ...
აქ და ამ გუნდის ნაწილი რომ ვიყავი, უკვე ძალიან ბედნიერი ვიყავი. თუნდაც სასტუმროში ბიჭებთან ერთად ყოფნა ჩემთვის უკვე დღესასწაული იყო. გადაწყვეტილებებს მწვრთნელი იღებს. რა თქმა უნდა, ყველა ფეხბურთელს სუ...
"შევისწავლეთ რამდენიმე ქვეყნის საუკეთესო პრაქტიკა და ვნახეთ, რომ მოტოციკლებს და მოპედებს, შესაბამისი რეგულაციების გათვალისწინებით, აქვთ უფლება იმოძრაონ საავტობუსო ზოლებში. ასეთი პრაქტიკაა დიდ ბრიტანეთ...
ივლისი 2024 | ||||||||||||||||||||||||||||||||||||||||||||
| ||||||||||||||||||||||||||||||||||||||||||||
|
კომენტარები