მოემზადე ახალი სასწავლო წლისთვის თიბისისთან ერთად...
თიბისიმ, ახალი სასწავლო წლის დაწყებასთან ერთად, თავის მომხმარებელებს, განსაკუთრებული შეთავაზებები მოუმზადა. თიბისის Back 2 School-ის კვირეულის ფარგლებში, 2-დან 9 სექტემბრის ჩათვლ...
|
საქართველოში სასტუმროების ბიზნესი ერთ-ერთი ყველაზე დინამიკური, სწრაფად განვითარებადი სფეროა. ოფიციალური სტატისტიკის მიხედვით, ქვეყანაში, წლის განმავლობაში, სასტუმროებით 5 მილიონამდე უცხოელი და ადგილობრივი სარგებლობს, თავად სასტუმროების თუ სასტუმროს ტიპის დაწესებულებების რაოდენობა კი 3000-მდეა. სასტუმროებთან დაკავშირებული ბიზნესებიც, მთელი სექტორის კვალდაკვალ, სწრაფად ვითარდება. სასტუმროების ხარისხიანი, გამართული მომსახურება სამრეცხაოთი და ქიმწმენდით ერთ-ერთი უმნიშვნელოვანესი ფაქტორია, რაც მთლიანი სფეროს შეუფერხებელ ფუნქციონირებას განსაზღვრავს.
რამდენიმე თვის წინ დაარსებული კომპანია „ვინ ვეი“ სწორედ ამ, თეთრეულისა და ტექსტილის დასუფთავების, მომსახურებას უწევს სასტუმროებს. კომპანია ახალია, თუმცა ერთ-ერთ დამფუძნებლისთვის, ეკატერინე დევდარიანისთვის და მისი პარტნიორისთვის ნანა კაცაძისთვის, ეს პირველი ბიზნესი არაა.
„პროფესიით იურისტი ვარ, ამ სფეროში ვმუშაობ და, პარალელურად, რამდენიმე ბიზნესსაც ვმართავ – გადაზიდვებითა და უძრავი ქონების შეძენა-გაქირავებით ვარ დაკავებული. ნანა ეკონომისტია, თუმცა ამ ეტაპზე რამდენიმე ბიზნესს მართავს. სასტუმროების სფეროთი მე და ჩემი პარტნიორი მას მერე დავინტერესდით, რაც მეგობარმა, რომელიც კახეთში მდებარე სასტუმრო Holiday Inn-ის მფლობელია, შემოგვთავაზა, დაგვეარსებინა ასეთი კომპანია, რადგან კახეთის რეგიონში მსგავსი მომსახურება არ არსებობდა. იდეა მოგვეწონა და მაშინვე შევუდექით ბაზრის შესწავლას და ბიზნესის დეტალებში გარკვევას“.
კომპანიამ მალევე შეიძინა თურქული წარმოების სამრეწველო დანადგარები – სარეცხი, საშრობი, ქიმწმენდის აპარატები, უთოები და შესაბამისი დამხმარე აღჭურვილობა.
„სწორედ ამ დანადგარების შესაძენად დაგვჭირდა ბანკის სესხი. აქამდე ბიზნეს სესხებთან არ მქონია შეხება. სიმართლე ითქვას, თიბისი ბანკის მიმართ თავიდან სკეპტიკურად ვიყავი განწყობილი, მაგრამ შევიტყვე ბიზნეს-სესხების შესახებ და მაინც გადავწყვიტე, მეცადა. აქედან დაიწყო ჩემი თანამშრომლობა თიბისისთან და ბანკისადმი დამოკიდებულების შეცვლა – მივხვდი, რომ შესანიშნავ გუნდთან აღმოვჩნდი და ექსპერტიც ძალიან კარგი შემხვდა“.
ამ დანადგარებით კომპანიის წარმადობა თვეში 30 ტონა იქნება. ბიზნესი საშუალო და დიდ სასტუმროებთან თანამშრომლობაზეა გათვლილი. სასტუმროებთან თანამშრომლობა, რომლებსაც 40 ნომერზე ნაკლები აქვთ, დანადგარების მასშტაბიდან გამომდინარე, წამგებიანია.
თავდაპირველად „ვინ ვეი“ მხოლოდ კახეთის რეგიონის მომსახურებას გეგმავდა, მაგრამ საბოლოოდ, ბაზრის დეტალურად შესწავლის შედეგად, გადაწყდა ბიზნესის თბილისში გადმოტანა, ქალაქის ისეთ ნაწილში, საიდანაც, საჭიროებიდან გამომდინარე, კახეთის რეგიონის მომსახურებაც იოლი იქნება.
როგორც ყველა ბიზნესის შემთხვევაში, „ვინ ვეის“ დაფუძნებას და საქმიანობის წამოწყებას არაერთი სირთულე ახლდა.
„ბიზნესმა დამატებითი კაპიტალიზაცია მოითხოვა, დამატებითი ტექნიკური საკითხების გადაჭრა გახდა საჭირო, რამაც სრულფასოვნად ამუშავება მცირე ხნით გადაავადა. მაგალითად, ბიზნესის ფუნქციონირებისთვის, რამდენიმე სახის ტრანსპორტია საჭირო. შედარებით პატარა ტევადობის ტრანსპორტი და დიდი ტევადობის სატვირთო მანქანა, რომელიც დიდ სასტუმროებს მოემსახურება. გარდა ამისა, კიდევ ბევრი დამხმარე საშუალებაა შესაძენი. ახლა სწორედ ამ ეტაპზე ვართ“.
ბაზარზე არსებულ, ამ სფეროში მომუშავე დიდ კომპანიებს ბრუნვაც დიდი აქვთ, რაც ხშირად ხარისხზე აისახება. „ვინ ვეი“ სწორედ აქ ხედავს თავის ძლიერ მხარეს – ხარისხი კომპანიის პრიორიტეტია, სტარტაპის მასშტაბი კი – ხარისხის შენარჩუნების საშუალება და, შესაბამისად, უპირატესობა.
თიბისიმ, ახალი სასწავლო წლის დაწყებასთან ერთად, თავის მომხმარებელებს, განსაკუთრებული შეთავაზებები მოუმზადა. თიბისის Back 2 School-ის კვირეულის ფარგლებში, 2-დან 9 სექტემბრის ჩათვლ...
თიბისი უკვე წლებია, ჩართულია თითქმის ყველა სახელმწიფო პროექტში, რაც ბანკის ექსპერტებს მეტი მოქნილობის საშუალებას აძლევს, ყველა თიბისის მსესხებელს კრედიტის საუკეთესო ვარიანტი და ოპტიმალური პირობები შე...
ბავშვების უსაფრთხო მგზავრობის ხელშეწყობისა და სამგზავრო სავარძლების მნიშვნელობის შესახებ ცნობიერების ამაღლების მიზნით, 2020 წელს საზოგადოებრივი ორგანიზაცია Your Car Seat შეიქმნა. ორგანიზაციის ამოცანა...
გავლენიანმა საერთაშორისო ბიზნეს გამოცემა Global Business and Finance Magazine-მა ყოველწლიური შედეგები გამოაქვეყნა. 2024 წელს თიბისიმ, როგორც ქვეყნის, ისე რეგიონის მასშტაბით, განსაკუთრებულ აღიარებას 3...
საერთაშორისო დისტრუბუტორული კომპანიიის, Bakotech, მეშვეობით თიბისი კონცეპტის მულტიფუნქციურ სივრცეში ჩატარდა ტექ მიმართულებით შეხვედრა. თიბისიმ აზერბაიჯანიდან ჩამოსულ კომპანიებს, ABB, Kapital Bank, Un...
თიბისის მხარდაჭერით, 12-14 სექტემბერს ბათუმში შემოქმედებითი ინდუსტრიის საერთაშორისო ფესტივალი AD BLACK SEA 2024 გაიმართება. ფესტივალის ფარგლებში მარკეტინგითა და შემოქმედებითი ინდუსტრიით დაინტერესებულ...
22 სექტემბერს, თიბისის მხარდაჭერით, ლოპოტა სპა რეზორტი - შატო ბუერას რთველის ფესტივალს უმასპინძლებს. რთველის ფესტივალი მრავალფეროვან გასართობ-შემეცნებით აქტივობებს მოიცავს, დღის დასასრულს ფესტივალს მ...
კომენტარები