ახალი Toyota Land Cruiser Prado „ტოიოტა ცენტრი ბათ...
ახალი თაობა და მეტი შესაძლებლობები - Toyota Land Cruiser Prado სერიით J250 ქართველი მომხმარებლისათვის უკვე ხელმისაწვდომია. 2024 წლის სრულად განახლებული მოდელი „თეგეტა ჰოლდინგის“ შვი...
|
თიბისი კაპიტალის სტუდენტური პროგრამის - „კემპის“ მე-5 ნაკადის გამარჯვებულები ცნობილია.
პირველი ადგილი კავკასიის უნივერსიტეტის სტუდენტმა - გვანცა ხახიაშვილმა და თავისუფალი უნივერსიტეტის სტუდენტმა - ლუკა სოფრომაძემ, მეორე საპრიზო ადგილი კი, თსუ ეკონომიკის საერთაშორისო სკოლის (ISET) სტუდენტმა - ელენე ბეჟანიძემ და თავისუფალი უნივერსიტეტის სტუდენტმა - გიგი მიშელაძემ დაიკავეს. ჟიურის რჩეულ ორივე გუნდს, სპეციალური ჯილდო - S&P 500-ის ფონდი გადაეცათ.
პროექტმა წელს, მთელი საქართველოს მასშტაბით, 22 უნივერსიტეტი და III-IV კურსის 215 სტუდენტი გააერთიანა. სტუდენტებმა, პროექტის განმავლობაში, სხვადასხვა დავალებაზე იმუშავეს. ფინალური ეტაპზე კი, ფინალისტებმა, თიბისი კაპიტალის გუნდის წევრებისგან დაკომპლექტებული ჟიურის წინაშე, ჯგუფური პროექტები წარადგინეს.
„პროექტის ფინალში, სულ რაღაც 4 საათში უნდა მოგვეხერხებინა მე და ჩემს მეწყვილეს ერთმანეთის გაცნობა, ერთმანეთის უნარებისა და ძლიერი მხარეების გაგება, დავალებების სწორად განაწილება და შესრულება. გამარჯვებისგან შორს არ ვიყავით, თუმცა, მაინც მოულოდნელი აღმოჩნდა შედეგი“, - გვანცა ხახიაშვილი, პროექტის გამარჯვებული.
“უნივერსიტეტში ჩაბარებიდან, მალევე გავიგე თიბისი კემპის შესახებ. მახსოვს, როგორ ელოდებოდნენ უფროსკურსელები მის დაწყებას. პროექტმა შესაძლებლობა მომცა, ჩემი თავისთვის დამემტკიცებინა, რომ მზად ვიყავი საინვესტიციო სფეროს მიმართულებით ნაბიჯი გადამედგა. ყველაზე საინტერესო და ყველაზე დიდი გამოწვევაც ფინალური ეტაპი იყო. 4 საათში ჩვენ არამარტო პრეზენტირებისა და ანალიტიკის, არამედ გუნდურობის, დროის განაწილების და სხვა უამრავი უნარიც უნდა გამოგვეჩინა”, - ლუკა სოფრომაძე, პროექტის გამარჯვებული.
“რაც ეკონომიკის ფაკულტეტზე ჩავაბარე, სულ მინდოდა, ჩემი ძალები საინვესტიციო სფეროში მომესინჯა. თუმცა, იმის გამო, რომ ეს სფერო საქართველოში ჯერ კიდევ ახლა ვითარდება, არ მეგონა, რომ ამ მიმართულებით სტუდენტურ პროგრამას ვიპოვიდი. კემპში ყველაზე საინტერესო რეალურ და აქტუალურ ქეისებზე დაფუძნებული დავალებები იყო. მუშაობის პროცესში უამრავი ინფორმაციის მოძიება, დამუშავება და გაანალიზება გვიწევდა, რამაც საშუალება მოგვცა თეორიული ცოდნა პრაქტიკაში გამოგვეყენებინა და ჩვენი უნარები გამოგვეცადა”, - ელენე ბეჟანიძე, პროექტის გამარჯვებული.
„სფეროს დინამიკურობიდან გამომდინარე, საინვესტიციო საბანკო საქმიანობით და ფინანსებით, დიდი ხანია დაინტერესებული ვარ. თიბისი კემპმა საკუთარი შესაძლებლობების მოსინჯვის საშუალება მომცა. ყველაზე საინტერესოდ ფინალური ეტაპი მახსენდება, სადაც მთავარი ამოცანა 4 საათში უცხო ადამიანთან სინერგიის პოვნა და ისეთი გუნდის შექმნა იყო, რომელიც დამაჯერებლად წარადგენდა პრეზენტაციას”, - გიგი მიშელაძე, პროექტის გამარჯვებული.
„კემპი თიბისისთვის ისეთ პრიორიტეტულ მიმართულებებს აერთიანებს, როგორებიცაა ახალი თაობა და განათლება. პროექტის მიზანია ახალგაზრდებმა რეალურ სამუშაო გარემოში მიიღონ საინვესტიციო, საბროკერო და კვლევითი მიმართულებით ცოდნა და გამოცდილება. გამარჯვებულები ფინანსისტების ახალი თაობაა, რომლებიც, დარწმუნებული ვარ, მომავალში კონკურენტუნარიანი კადრები იქნებიან. მოხარული ვართ, რომ მათი პირველი ნაბიჯებისა და წარმატების თანამონაწილეები და მხარდამჭერები სწორედ ჩვენ ვართ. აღსანიშნავია, რომ პროგრამის წინა სეზონების გამორჩეული მონაწილეები დღეს თიბისი კაპიტალის გუნდის წევრები არიან და საერთაშორისო ფინანსური ბაზრების, ფასიანი ქაღალდებისა და პუბლიკაციების მიმართულებით, წარმატებით მუშაობენ“, - მერი ჩაჩანიძე, თიბისი კაპიტალის მმართველი დირექტორი.
ახალი თაობა და მეტი შესაძლებლობები - Toyota Land Cruiser Prado სერიით J250 ქართველი მომხმარებლისათვის უკვე ხელმისაწვდომია. 2024 წლის სრულად განახლებული მოდელი „თეგეტა ჰოლდინგის“ შვი...
14 ივნისს, გურჯაანში, ნატო ვაჩნაძის სახლ-მუზეუმში, თიბისის მხარდაჭერითა და ნატო ვაჩნაძის ფონდის ორგანიზებით, პრემია „ელისოს“ პირველი დაჯილდოება გაიმართა. ქართველი და საერთაშორისო ...
თიბისი, ბრიტანული BCR publishing-ის მიერ ორგანიზებულ RFIx-ის დაჯილდოებაზე, ადგილობრივი ფაქტორინგის საუკეთესო მომწოდებლად დასახელდა. ნომინაციაში, თიბისისთან ერთად, წარდგენილნი იყვნენ ისეთი მსხ...
ტექნოლოგიური ეკოსისტემის გაძლიერებისთვის, თიბისის მხარდაჭერით, 17 ივნისს, კონფერენცია „AI: კვლევა და მომავალი“ ჩატარდება. კონფერენციის მიზანია ხელოვნური ინტელექტის სფეროში ჩართულ ახალგაზრ...
თიბისის ინიციატივით, ბორჯომის მერაბ კოსტავას სახელობის ბაღში, რეჟისორების ნანა ექვთიმიშვილის და სიმონ გროსის ფილმის „გრძელი ნათელი დღეები“ ღია ჩვენება გაიმართა. ფილმის ჩვენებას ადგილობრივ...
თიბისი ლიზინგის მხარდაჭერით და მიცუბიში საქართველოს ორგანიზებით 7 ივნისს ახალი L200-ის პრეზენტაცია გაიმართა. როგორც მწარმოებელი აცხადებს, განახლებული, კიდევ უფრო მძლავრი-2.4 ტურბო დიზელის ძრავით, მტკ...
თიბისი კონცეპტის მხარდაჭერით და ისთერნ ფრომოუშენსის ორგანიზებით, 26-28 ივლისს, ბათუმი რიგით მე-17 ჯაზ ფესტივალს მასპინძლობს. ორგანიზატორები, აჭარის რეგიონის სტუმრებს, როგორც ყოველთვის, განსაკუთრებულ ...
ივნისი 2024 | ||||||||||||||||||||||||||||||||||||||||||||
| ||||||||||||||||||||||||||||||||||||||||||||
|
კომენტარები