|
თბილისის ზოოპარკში წყალდიდობის შემდეგ გადარჩენილი დათვები დააბრუნეს.
თბილისის ზოოპარკის ადმინისტრაცია:
დღეს წყალდიდობის შემდეგ გადარჩენილი ჩვენი 2 იღბლიანი დათვი, რომელიც დროებით მუნიციპალურ თავშესაფარში იმყოფებოდა, ზოოპარკში დავაბრუნეთ. ნუცა და შალვა დაძინებულები გადმოიყვანეს. ვოლიერში განთავსების შემდეგ მალევე გამოფხიზლდნენ და დაბნეულები დაბანცალებდნენ, ამჯერად ნეტავ სად აღმოვჩნდითო. თავგადასავლებით მეტად დატვირთული აღმოჩნდა მათი ცხოვრება. ბრაკონიერების მიერ დაობლებულებმა და ბუნებას მოწყვეტილებმა ტყვეობაში, პატარა, არაკომფორტულ გალიებში, გაუსაძლის პირობებში გაატარეს ბავშვობა. მოგვიანებით ბელები მფლობელებს ჩამოართვეს და ზოოპარკში ჩააბარეს. შემდეგ რეაბილიტაციას ჩვენთან გადიოდნენ სხვა, ჩამორთმეულ და ჩაბარებულ თანამოძმეებთან ერთად მანამ, სანამ სტიქია არ დაატყდათ თავს. მერე კი რაც მოხდა, თქვენც კარგად მოგეხსენებათ. სხვათა შორის, ნუცა სწორედ ის დათვია, რომელმაც წყალდიდობის დროს ჩვენი ადმინისტრაციული შენობის კონდიციონერზე მოახერხა აბობღება და თავის გადარჩენა.
სულ მალე თბილისის ზღვის მიმდებარედ, ზოოპარკის ახალ ტერიტორიაზე დათვების დიდი, ევროპული სტანდარტების ვოლიერის მშენებლობა დაიწყება და შემდეგ იქ გადაბარგდებიან. მანამ კი ჩვენთან დაელოდებიან ახალი ბინის მიღებას.
ცნობისათვის, პატარობიდან ტყვეობაში გაზრდილი დათვის ბუნებაში დაბრუნება შეუძლებელია, რადგან მან არ იცის დამოუკიდებლად საკვების მოპოვება, თავის გადარჩენა და ადამიანისგან განრიდება. დედა დათვების მოკვლისა და ტყიდან დაობლებული ბელების წამოყვანის პრობლემა სამწუხაროდ ჯერ კიდევ აქტუალურია. დღესდღეობით საქართველოს ტერიტორიაზე 50-მდე დათვია დატყვევებული და მათი რიცხვი ყოველწლიურად მატულობს.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები