თიბისის ორგანიზებით Data ღონისძიება ჩატარდა...
თიბისის ორგანიზებით გაიმართა Data ღონისძიება „ქალი პროფესიონალები მონაცემთა მეცნიერებაში“. თიბისი უკვე მეორე წელია სტენფორდის უნივერსიტეტის ინიციატივით შექმნილ საერთაშორისო საზოგადოებას &...
|
„ვოლვო ქარ საქართველომ“, არტისტ ნიკა მაჩაიძესთან ერთად, ახალი საკომუნიკაციო კამპანია დაიწყო. მთავარი მიზანი დამუხტვადი ორძრავიანი ჰიბრიდული ავტომობილების საზოგადოებისთვის წარდგენა და ბრენდის გლობალური ტრენდის გაგრძელება - ანუ ადგილობრივ მომხმარებელთან მდგრადი განვითარებისა და ეკოლოგიის შესახებ საუბარია.
საქართველოში „ვოლვოს“ კამპანია თიზერ ვიდეოთი დაიწყო, რომელსაც სოციალურ მედიაში საკმაოდ აქტიური გამოხმაურება მოჰყვა. სპეციალურად ამ კამპანიისთვის, არტისტმა ნიკა მაჩაიძემ ანიმაცია შექმნა.
კამპანიის ფარგლებში, დაგეგმილია კიდევ რამდენიმე აქტივობა, რომ რაც შეიძლება მეტი ადამიანის ყურადღება მიიქციონ და არა მხოლოდ მაყურებლის როლში. მნიშვნელოვანი იქნება მათი ჩართულობა და ინტერაქცია.
„ვოლვოს“ საკომუნიკაციო კამპანიის კულმინაცია ნიკა მაჩაიძის ანიმაციაზე შექმნილი ვიდეორგოლია, რომელიც თანამედროვე ხელოვნების საგამოფენო გამოცდილებას ქმნის.
თუმცა, მივყვეთ თანმიმდევრობით.
„ვოლვო ქარ კავკასიის“ დირექტორი გაგა კოხრეიძე ამბობს, რომ ამ კამპანიის მიზანი მომხმარებლებისთვის პრემიუმ კლასის დამუხტვადი ჰიბრიდების წარდგენა და ბრენდის გლობალური საკომუნიკაციო ტენდენციების საქართველოში გადმოტანაა - სურთ, სამიზნე სეგმენტამდე მიიტანონ მთავარი სათქმელი - რამდენად მნიშვნელოვანია მდგრადი გარემო და ეკოლოგიაზე ზრუნვა, რაშიც „ვოლვოს“ ამ მოდელების შეძენით, თითოეულ მათგანს დიდი წვლილის შეტანა შეუძლია.
გაგა კოხრეიძე: „ვოლვო ქარ საქართველო“ მომხმარებელს, საქართველოს ბაზრისთვის, ახალ დამუხტვად ჰიბრიდებს სთავაზობს, რომლებიდანაც სრულ ელექტრომობილამდე, ერთი საფეხურია. მართალია, დაახლოებით, ორი წელია, ეს ავტომობილები შემოგვყავს, თუმცა, ოფიციალური წარდგენა არ გვქონია. ამიტომ, გადავწყვიტეთ ისინი საზოგადოებისთვის გაგვეცნო.
კალკულაციაც კი გავაკეთეთ, რა მოცულობის CO-ს დაზოგავს, თუ მომხმარებელი, აირჩევს „ვოლვოს“ ფლაგ ინ ჰიბრიდს და არა შიდა წვის ძრავიან მოდელს. გლობალურ ბაზარზე, „ვოლვოს“ აქვს ამბიცია - 2025 წელს, ყველა გაყიდული ავტომობილიდან, 50% იყოს ელექტრო და მეორე 50% - დამუხტვადი ჰიბრიდი. 2030 წლისთვის კი სურს, რომ მის სრულ სამოდელო რიგს ელექტრომობილები შეადგენდნენ.
ბრენდის გლობალური საკომუნიკაციო კამპანია სრულად მდგრად განვითარებასა და ეკოლოგიაზეა გადართული.
ჩვენც გადავწყვიტეთ, ეს ტენდენცია გავაგრძელოთ და ფლაგ ინ ჰიბრიდული ავტომობილების გაყიდვებს შევუწყოთ ხელი. სწორედ ამ მიზანს და „ვოლვოს“ გლობალური კომუნიკაციის ადგილობრივ ბაზარზე გაგრძელებას ემსახურება ჩვენი ახალი კამპანია“.
კამპანიის იდეა და თემა მიმზიდველი აღმოჩნდა თავად ნიკა მაჩაიძისთვის. ამბობს, რომ მისთვის, როგორც ხელოვანისთვის, ეს კოლაბორაცია ახალი და საინტერესო იყო. ანიმაციაც და ზოგადად, ვიდეოც, რომელიმე ბრენდის კამპანიაზე მეტად, არტისტის შექმნილ დამოუკიდებელ ნამუშევარს უფრო მოგაგონებთ. „ვოლვოს“ სპეციფიკაც ეს არის - მისი კომუნიკაცია ყოველთვის ბუნებრივია და პირველ ადგილზე ხელოვანი და მისი შემოქმედებაა.
„მნიშვნელოვანია, რომ აქ საუბარია დამუხტვად ჰიბრიდულ ავტომობილებზე. ეს რომ მხოლოდ საწვავზე მომუშავე მანქანა ყოფილიყო, არ ჩავერთვებოდი კამპანიაში. გარდა ამისა, ჩემთვის, როგორც არტისტისთვის, ძალიან საინტერესო აღმოჩნდა მუშაობა, როცა მუსიკა და გამოსახულება სხვა ჩარჩოში იყო მოცემული.
კომფორტული იყო უშუალოდ პროცესიც, - შეზღუდული არაფერში ვიყავი. მშვიდად ვმუშაობდი ჯერ მარტო, როდესაც ანიმაციას ვქმნიდი და შემდეგ უკვე იმ გუნდთან ერთად, ვინც ვიდეო გადაიღო, - ვფიქრობ კოლაბორაცია შედგა.“, - ამბობს ნიკა მაჩაიძე.
მთავარი პერსონაჟი და მთავარი არტისტი, რა თქმა უნდა, შემთხვევით არ შეურჩევიათ. ნიკა მაჩაიძე, როგორც ელექტრონული მუსიკის ერთ-ერთი პიონერი საქართველოში, კამპანიის იდეასა და მთავარ სათქმელთან ასოცირდება. თიზერის გამოჩენისთანავე სოციალურ ქსელში აქტიურად წერდნენ, რომ ვიდეო ელექტრომობილებთან უნდა ყოფილიყო დაკავშირებული. როგორც „ვოლვო ქარ საქართველოს“ მარკეტინგის დეპარტამენტის ხელმძღვანელი რუსუდან გრძელიძე ამბობს, ეს ნიშნავს, რომ ბრენდი სწორ გზას მიჰყვება.
სპეციალურად ამ კამპანიისთვის, ნიკა მაჩაიძემ ორი ახალი კომპოზიციაც შექმნა, რომელიც მალე Spotify-ზე განთავსება და ვინც „ვოლვოს“ ახალ დამუხტვად ჰიბრიდს შეიძენს, პლატფორმის წევრობასაც მიიღებს საჩუქრად, რომ ამ მუსიკასაც ყველაზე ხშირად უსმინოს.
რუსუდან გრძელიძე „ვოლვოს“ კამპანიის დეტალებზე გვიყვება:
„ „ვოლვომ“ უკვე იცის, როგორი უნდა იყოს მისი წარმოება 2025 წელს, ნიკა მაჩაიძეს ვთხოვეთ, შეექმნა ანიმაცია, თუ როგორი წარმოუდგენია თბილისი 4 წლის შემდეგ. შედეგად მივიღეთ ძალიან ფერადი ვიზუალები, სადაც „ვოლვოს“ ჰიბრიდი სხვადასხვა ღირსშესანიშნაობის ფონზე დედაქალაქის ქუჩებში მოძრაობს.
კამპანია უფრო მასშტაბური გახდება, - მაგალითად, გასაფერადებლებს, ეკო-მეგობრულ ფანქრებთან ერთად, საზოგადოებისათვის ცნობილ სახეებს გავუგზავნით და შევთავაზებთ, თავიანთი წარმოდგენით გააფერადონ, როგორი იქნება თბილისი 2025 წელს. იგივე ვიზუალი გავრცელდება სოციალურ მედიაში, რომ მეტმა ადამიანმა მიიღოს გზავნილი, რამდენად მნიშვნელოვანია მდგრადი განვითარება და ეკოლოგიაზე ზრუნვა, რასაც მნიშვნელოვნად უწყობს ხელს დამუხტვადი ჰიბრიდული ავტომობილებით გადაადგილება.“
რა მოლოდინები გაქვთ ამ კამპანიასთან დაკავშირებით?
რუსუდან გრძელიძე: „ეს კამპანია არის კონკრეტული სეგმენტისთვის: მათთვის, ვინც ირჩევს „ვოლვოს“, ვისთვისაც მნიშვნელოვანია გარემოს დაცვა და ეკოლოგია, ჩვენს პლანეტაზე ზრუნვა.
კამპანიის ვიდეოზე „სტოქტონმა“ იმუშავა. კოკა გოგოხია - „სტოქტონის“ დამფუძნებელი:
„ვოლვოსთან თანამშრომლობა ყოველთვის ძალიან საინტერესოა, როგორც შინაარსობრივად, ასევე მათი სამუშაო მიდგომების გამო, რაც გულისხმობს მაქსიმალურ ნდობას და შემოქმედებით თავისუფლებას. სწორედ ამ გარემოებების წყალობით, გაჩნდა იდეა, სტანდარტული კოლაბორაციული ვიდეოს მაგივრად, ეს თანამშრომლობა გვექცია თანამედროვე ხელოვნების საგამოფენო გამოცდილებად. იდეის ავტორი კლიპის რეჟისორი გიორგი ზათიაშვილია და მასვე ეკუთვნის ამ საგამოფენო სივრცის ვიზუალური კონცეფციაც. მსგავსი კამპანია ჩვენთვისაც პირველი იყო, რაც არ არის გასაკვირი, იმიტომ რომ ეს ვიდეო სრულიად განსხვავდება არა მხოლოდ ავტო-ინდუსტრიაში, არამედ მთლიანად სარეკლამო ბაზარზე არსებული სტანდარტისგან. ამ ყველაფრის გათვალისწინებით კი, ეს პროექტი ცალსახად ყველაზე გამორჩეულია მთელი ჩვენი გუნდისთვის.“
„ვოლვო ქარ საქართველოს“ კამპანია სტრიტ არტით დასრულდება, რომელიც თბილისის ერთ-ერთ ცენტრალურ ქუჩაზე განთავსდება. კედელზე იგივე ანიმაცია და თბილისის ღირსშესანიშნაობები გადავა, რაც ნიკა მაჩაიძემ შექმნა.
თიბისის ორგანიზებით გაიმართა Data ღონისძიება „ქალი პროფესიონალები მონაცემთა მეცნიერებაში“. თიბისი უკვე მეორე წელია სტენფორდის უნივერსიტეტის ინიციატივით შექმნილ საერთაშორისო საზოგადოებას &...
საერთაშორისო ფინანსურმა ჟურნალმა - Euromoney, თიბისი საქართველოში საუკეთესო სავალუტო სერვისების მომწოდებელ ბანკად დაასახელა. ჯილდო თიბისიმ შემდეგი კრიტერიუმების მიხედვით მოიპოვა: განხორციელებული ტრან...
თიბისი ქალი მეწარმეების ბიზნესის მხარდაჭერისათვის სპეციალურ შეთავაზებას აკეთებს. პროექტის ბენეფიციარიც შეიძლება გახდეს ნებისმიერი კომპანია, რომლის დამფუძნებელთა სიაში არის ქალი ან დირექტორი ქალია. &...
26 სექტემბერს, თიბისი კონცეპტის სივრცეში ტარდება ღონისძიება - “შენი წარმატების გზა”, სადაც საშუალება გექნება გაიგო მეტი პროფესიების შესახებ, გაიცნო თიბისის წამყვანი პროფესიონალები, ...
ზაფხული უკვე მიიწურა და შვებულებისა და მოგზაურობის ეტაპიდან აქტიური სამუშაო და სასწავლო პერიოდი იწყება - ყოველდღიური საქმეები, ქალაქში ხშირი გადაადგილება... გადატვირთული მობილობის დროს, სწრაფი და უსა...
თიბისის მხარდაჭერით, 12-14 სექტემბერს, ბათუმში საერთაშორისო შემოქმედებითი ფესტივალი AD BLACK SEA 2024 ტარდება. ფესტივალზე თიბისი, როგორც ახალი თაობის მხარდამჭერი, წარადგენს ნომინაციას Young Creative ...
9 სექტემბერი ტესტერთა საერთაშორისო დღეა, რომლის აღნიშვნაც თბილისში უკვე ტრადიციად იქცა. მე-5 საიუბილეო 2-დღიან კონფერენციაზე, რომელიც შერატონ მეტეხი პალასში 8-9 სექტემბერს გაიმართება, ტექნოლოგიების ე...
ოქტომბერი 2024 | ||||||||||||||||||||||||||||||||||||||||||||
| ||||||||||||||||||||||||||||||||||||||||||||
|
კომენტარები