|
თბილისის ზოოპარკი სოციალურ ქსელში "სტატუსს" აქვეყნებს, რომელსაც უცვლელად გთავაზობთ: "და აი, დადგა მომენტი, რომელსაც ყველანი მოუთმენლად ველოდით! - კლეოპატრა და ბოკვერები გარე ვოლიერში გამოვუშვით! ახლა უკვე შეგიძლიათ მობრძანდეთ და ჩვენი თეთრი ლომების ულამაზესი პრაიდი მოინახულოთ - კლეოპატრა, სემუელი, სამი უფროსი და და სამი პატარა ბოკვერი.
ლომების ოჯახის გაერთიანება ხანგრძლივი და ძალიან საინტერესო პროცესი იყო. 3 თვე დედა და შვილები შემოსაზღვრულ, იზოლირებულ ტერიტორიაზე ცხოვრობდნენ და სხვა ლომებთან მხოლოდ ვიზუალური კონტაქტი ჰქონდათ. ასე ეჩვეოდნენ ნელ-ნელა ერთმანეთს. რამდენიმე დღის წინ მათი გამოშვების დროც დადგა.
ბოკვერებს ჯერ მამა გავაცანით. გასუსულები ვადევნებდით თვალყურს მათ პირველ შეხვედრას. მთავარი იყო, სემუელს აგრესია არ გამოეჩინა შვილების მიმართ. თავიდან იუცხოვა და დაფრთხა. გაურბოდა, ეს რწყილები ვინ არიანო. პატარები კი თავს არ ანებებდნენ, დასდევდნენ, ახტებოდნენ და თუ წამოწვებოდა, მიეპარებოდნენ და კუდს უღეჭავდნენ. შიგადაშიგ ბრაზდებოდა დიდი ხელმწიფე. უღრენდა, მოსასინჯად კბილებს ავლდებდა ქეჩოში (ამ დროს სუნთქვა გვეკვროდა), რამდენჯერმე ტახტრევანიდანაც კი გადმოყარა. მამისა და შვილების ურთიერთობის დარეგულირებაში უმნიშვნელოვანესი როლი დედამ ითამაშა. ოდნავ დაიძაბებოდა თუ არა სიტუაცია, კლეოპატრა იმ წამსვე საყვარელ მეუღლესთან გაჩნდებოდა და ეფოლორცებოდა, ფაფარში თავს უცაცუნებდა და თან ღრუცუნებდა, ჩვენი ბავშვები არიან, არაფერი ატკინოო. ქალური ხიბლით განიარაღებული სემუელი უმალ მშვიდდებოდა.
მამას მიჩვეულები უფროს დებსაც შევახვედრეთ. საფრთხილო იყო, ზრდასრულ ლომებს სათამაშოები არ ჰგონებოდათ და არ დაეზიანებინათ რომელიმე. აქაც კლეოპატრამ იყოჩაღა. აბა, გოგოებო, ჭკვიანად იყავით და მიიღეთ თქვენი უმცროსი და-ძმებიო. პირველმა დაძაბულობამ რომ გადაიარა და უდარდელი კოტრიალი დაიწყეს, ჩვენც მშვიდად ამოვისუნთქეთ. ჰუჰ...
შემოგვისეირნეთ. ერთ რამედ ღირს ამ სამეფო ოჯახის ნახვა."
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები