|
თიბისის ტრენინგ ცენტრში, ახალგაზრდებისთვის, გარდა თეორიული ლექციებისა, მოეწყო რეალური სამუშაო გარემო. მონაწილეები, სამი თვის განმავლობაში, ეუფლებოდნენ მოლაპარაკების ხელოვნებას, მიზნების და სურვილების მკაფიოდ და დამაჯერებლად გადმოცემას, აუდიტორიის წინაშე საჯაროდ გამოსვლის ტექნიკებს; ისწავლეს საერთო მიზნის მისაღწევად სხვებთან თანამშრომლობა – მსჯელობა, გადაწყვეტილების მიღება, საერთო საქმის მართვა, გუნდურად მუშაობა და სხვა.
კურსის ფარგლებში, მონაწილეები, გუნდებად მუშაობდნენ და ბოლოს, საკუთარი პროექტები წარადგინეს, რომელთა შორისაც იყო მენტალური ჯანმრთელობის ჩატბოტი. მის შექმნაზე, ის მოსწავლეები მუშაობდნენ, რომლებმაც მანამდე, თიბისის ტექსკოლაში, ჩატბოტების შექმნის კურსი გაიარეს.
„კომუნიკაციების სახელოსნოში დეტალურად და საინტერესოდ შევისწავლეთ, თუ რას ნიშნავს რეალურად კომუნიკაცია. ადრე თუ ვთვლიდი, რომ კომუნიკაცია ჩემი ძლიერი მხარე იყო, კურსის ფარგლებში ნელ-ნელა ვიაზრებდი მის სიღრმისეულ ნაწილს. კურსის დახმარებით, დღეს გამართულად შემიძლია საჯარო პრეზენტირება, ისევე როგორც პატარა აუდიტორიის წინაშე, საკუთარ თავთან და ერთ ადამიანთან კომუნიკაცია. ამ ყველაფერს მიღმა, აღსანიშნავია, რომ პროექტის განსაკუთრებულობა სწორედ იმაში მდგომარეობს, რომ კომუნიკაციებთან ერთად, შეისწავლი საკუთარ თავს, ხვდები თუ როგორ შეგიძლია ამ ყველაფრის გადაანალიზება, ჯგუფურ მუშაობასთან ერთად, იაზრებ საკუთარ პასუხისმგებლობას და საბოლოოდ, ქმნი პროექტს, რომელშიც ერთიანდება შენი უკვე არსებული და შეძენილი ცოდნა და გამოგაქვს იმ სახით, რომ აღნიშნული პროექტით დაეხმარო შენს შერჩეულ აუდიტორიას,“ - ელენე ფურცელაძე, თიბისის ტექსკოლისა და კომუნიკაციების სახელოსნოს კურსდამთავრებული
„თიბისისთვის ახალი თაობის მხარდაჭერა და ხარისხიან განათლებაზე ხელმისაწვდომობა კორპორაციული სოციალური პასუხისმგებლობის მთავარი მიმართულებაა. სწორედ ამიტომ, ახალი თაობის წარმომადგენლებს, მუდმივად ვთავაზობთ სხვადასხვა საგანმანათლებლო პროექტებსა თუ პროგრამებს. კომუნიკაციების სახელოსნოში, თიბისის ტექსკოლის კურსდამთავრებულებს საშუალება მიეცათ, რომ კომუნიკაციების უნარები მეტად განევითარებინათ. მოხარული ვარ, რომ მონაწილეებმა ორივე პროექტში მიღებული ცოდნა შეაჯამეს და დამოუკიდებლად შეძლეს, ძალიან ღირებული პროდუქტების შექმნა,“ - მარიამ თევზაძე, თიბისის სტრატეგიული პროექტების მენეჯერი.
კომუნიკაციების სახელოსნოში, გამოცდილ მენტორებთან ერთად, უფროსკლასელები ყველა იმ უნარის დახვეწასა და გაუმჯობესებაზე მუშაობდნენ, რომელიც დღეს, საქმიანობის ნებისმიერ სფეროში, წარმატების მისაღწევად კრიტიკულად მნიშვნელოვანია, ეს კი უზრუნველი მომავლის საწინდარია.
13:03
თუ ხარ 9-12 კლასის მოსწავლე და შენთვის ახლის შემეცნება, განვითარება და ტექნოლოგიური სამყაროს მწვერვალების მიღწევა პრიორიტეტია, მაშინ 24 მარტის ჩათვლით დარეგისტრირდი თიბისი ტექსკოლის უფასო კურსებზე. თ...
12:53
მოცემულ პუბლიკაციაში თიბისი კაპიტალი წლის დასაწყისში ეკონომიკურ ზრდასა და ლარის გაცვლით კურსზე მოქმედი ფაქტორების მიმოხილვას აჯამებს, რაზეც, ბოლო პუბლიკაციებშიც იყო ყურადღება გამახვილებული. ია...
15:09
22 და 23 მარტს, თუ ზუგდიდი მოლს ეწვევით, შეძლებთ ისარგებლოთ თიბისის ქეშბექ შეთავაზებით და ახალი თიბისი ბარათით, ახალი თიბისი კონცეპტ ბარათებითა და ერთგული საკრედიტო ბარათით გადახდის შემთხვევაში, დაიბ...
15:02
საქართველოს მორაგბეთა ეროვნულმა ნაკრებმა, რაგბი ევროპის ჩემპიონატის 2025 წლის გათამაშება დომინანტური უპირატესობით მოიგო. ზედიზედ 8 წელია, ბორჯღალოსნები კვარცხლბეკის უმაღლესი საფეხურიდან არ ჩამოსულან ...
10:55
თიბისი, როგორც მოწინავე კომპანია ტექნოლოგიებსა და მონაცემთა ანალიზის მიმართულებით, საგანმანათლებლო ინიციატივების ფარგლებში, აგრძელებს სხვადასხვა პროგრამის განვითარებას და ამჯერად თიბისი IT აკადემია, ...
10:50
PSP-ს ინოვაციური პროექტი - პირველი ლოქერი ფარმაციაში მომხმარებელს შოპინგის ახალ, კომფორტულ მომსახურებას სთავაზობს: ონლაინ შეკვეთის მისაღებად კონკრეტული მისამართის მითითება და ლოდინი საჭირო აღარ არის;...
14:38
შემეცნებითი პოდკასტების სერია - მწარე პოდკასტი / Bitter Podcast, რომელსაც ისტორიკოსი ნიკა ხოფერია უძღვება, 4 წელზე მეტია ისტორიის მოყვარულებს შორის დიდი პოპულარობით სარგებლობს და მრავალრიცხოვანი აუდი...
|
კომენტარები