თიბისი ბიზნესების მხარდასაჭერად...
ბიზნესების მხარდასაჭერად, თიბისიმ, Glovo-სთან და Mymarket-თან ერთად, სპეციალური ინიციატივა წამოიწყო, რომელიც ერთი მხრივ, ქვეყანაში შექმნილი ვითარების შედეგად დაზარალებული და Happyeuyear-ის პლატფორმაზ...
„ტოიოტა ცენტრი თეგეტას“ ინიციატივით თბილისში გამწვანების აქცია გაიმართა
თბილისის ერთ-ერთისაბავშვო სივრცის გამწვანებაზე იზრუნა. ნუცუბიძის მესამე პლატოზე მდებარე ცენტრალური პარკის ტერიტორიას, კომპანიის თანამშრომლების ჩართულობით ხეები, ყვავილები და დეკორატიული ნარგავები შეემატა. გამწვანების აქცია „ტოიოტას“გლობალურ სტრატეგიას ეხმიანება.
თეა მანჯავიძე, „ტოიოტა ცენტრი თეგეტას“ მარკეტინგის ხელმძღვანელი: „ტოიოტასთვის გარემოზე ზრუნვა ერთ-ერთი მნიშვნელოვანი მიმართულებაა. ამ გლობალურ სტრატეგიას მიყვება „ტოიოტა ცენტრი თეგეტაც.“ ვცდილობთ, მაქსიმალურად ჩავერთოთ გარემოსდაცვით ღონისძიებებში და წვლილი შევიტანოთ პლანეტაზე ზრუნვის პროცესში. ვფიქრობ, რომ რთული ეკოლოგიური მდგომარეობის პარალელურად, პასუხისმგებლობიანი კომპანიების სიმრავლედა მსგავსი აქტივობები სასიცოცხლოდ მნიშვნელოვანია.“
გლობალურად, „ტოიოტა“ განსაკუთრებულ ყურადღებას უთმობს თავისი საქმიანობის ფარგლებში გარემოზე ზემოქმედების შემცირებას და ბუნებრივი რესურსების რაციონალურად გამოყენებას. იაპონური ბრენდი ეკოლოგიური პოლიტიკის დახვეწაზე მუდმივად ზრუნავს. მათ 2015 წელს გლობალური პროექტი „ეკოგამოწვევა 2050“ წამოიწყეს, რომელიც ჰიბრიდულ, ელექტრო და წყალბადის ძრავით აღჭურვილ ავტომობილებზე ფოკუსის გადატანას, საწარმოო ნარჩენების გონივრულ მართვასა და მთლიანობაში ეკოსისტემასთან მაქსიმალურად ჰარმონიულ თანაარსებობაზე ზრუნვას გულისხმობს.
„ტოიოტა ცენტრი თეგეტა“ დაარსების დღიდან იზიარებს გლობალურ ეკოლოგიურ პოლიტიკას და ამ მიმართულებით სხვადასხვა აქტივობას ახორციელებს. გარემოსა და ეკოლოგიაზე ზრუნვის ფარგლებში იაპონური ბრენდის ქართულმა წარმომადგენლობამ მემორანდუმი გააფორმა კომპანია „ტენესთან“. თანამშრომლობის ფარგლებში „ტოიოტა ცენტრი თეგეტას“ ოფისსა და სერვისცენტრში მწვანე ურნები განთავსდა, სადაც გამოყენებული პლასტმასა გროვდება. შედეგად ნარჩენი გარემოში აღარ ხვდება და მის შემდგომ გადამუშავებაზე „ტენე“ ზრუნავს.
აქტივობებს შორისაა აჯამეთის დაცულ ტერიტორიებზე 1000 ძირი მუხის ნერგის დარგვა.„წითელ ნუსხაში“ შეტანილი და გადაშენების პირასმყოფი იმერული მუხა იმ მომხმარებლების სახელით დაირგა, რომლებმაც „ტოიოტა თეგეტაში“ ჰიბრიდულ ძრავაზე მომუშავე ავტომობილები შეიძინეს.
ასევე, კომპანიის თანამშრომლები წელიწადში რამდენჯერმე გეგმავენ და მონაწილეობენდასუფთავებისა თუ გამწვანების აქციებში.
„ტოიოტა ცენტრი თეგეტა“ კორპორაციული სოციალური პასუხისმგებლობის ფარგლებში,ეკოლოგიური პროექტებისა და აქტივობების განხორციელებას მომავალშიც აქტიურად გეგმავს.
--
„ტოიოტა ცენტრი თეგეტა“ „თეგეტა ჰოლდინგის“შვილობილი კომპანიაა და საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად ტოიოტას ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.
კომენტარები