|
„ლიბერთი“-ს მცირე და საშუალო ბიზნესის მიმართულების დირექტორი ვაჟა მენაბდე გადაცემა „საქმის“ ეთერში ახალი საპენსიო ტენდერის პირობებსა და „ლიბერთის“ კონკურსში გამარჯვების შესახებ.
როგორც ვაჟა მენაბდე აცხადებს, „ლიბერთის“ თითქმის 20 წლიანი გამოცდილება, უნიკალური ინფრასტრუქტურული რესურსი და ინსტიტუციონალური ცოდნა არის ის უპირატესობა, რის გამოც ბანკი პენსიების დარიგების კუთხით დღესაც უკონკურენტოა.
„ინსტიტუციონალური გამოცდილება, პირველ რიგში, რაც ჩვენ გაგვაჩნია და სხვას არავის არ აქვს, რადგან აქამდე ეს საქმე არავის უკეთებია, უმნიშვნელოვანესი ფაქტორია.
შესაძლოა, ეს ყველაფერი ზედაპირზე არ ჩანს, მაგრამ 1 200 000 ადამიანს, დაგვიანების გარეშე, საქართველოს ყველა წერტილში, მათ შორის თანხის ბინაზე მიტანით, მოემსახურო, არ არის მარტივი საქმე.
როგორც გახსოვთ, ტენდერის ჩატარება ჩვენ მოვითხოვეთ, რომელიც ჩატარდა გამჭვირვალედ და მხოლოდ „ლიბერთიმ“ გადაწყვიტა განაცხადის შეტანა. რა თქმა უნდა, კონკურენციაზე ინფრასტრუქტურამაც იქონია გავლენა, რადგან კოლოსალური ინვესტიციაა საჭირო. ჩვენი გათვლებით, მინიმუმ 100 ახალი ფილიალი უნდა გაეხსნა ნებისმიერ ბანკს, ვინც ამ ტენდერის მომსახურებაზე გამოხატავდა სურვილს. არსებული რესურსით არც ერთი სხვა საბანკო დაწესებულება ამისთვის მზად არ არის“ - განაცხადა ვაჟა მენაბდემ.
რაც შეეხება ახალ სატენდერო პირობებს, „ლიბერთის“ წარმომადგენელი განმარტავს, რომ ახალი სატენდერო პირობები ძალაში 2023 წლის 1-ლი იანვრიდან შევა, შესაბამისად, ე.წ. ‘საპენსიო სესხთან’ დაკავშირებული ცვლილებებიც ამ პერიოდის შემდეგ აღებულ სესხებზე გავრცელდება.
„ახალ კონტრაქტში რამდენიმე ისეთი ცვლილებაა შესული, რასაც ჩვენ ისედაც, ჩვენი სურვილით ვაკეთებდით. მაგალითად, უფასოდ, საკომისიოს გარეშე, კომუნალურების გადახდა. დენი, გაზი, წყალი, დასუფთავება ამ გაფასახადების გადახდა საკომისიოს გარეშეა ლიბერთიში შესაძლებელი უფროსი თაობის მომხმარებლებისთვის. ასევე, ბანკში თანხის შეტანა-გატანა, განაღდება, ბარათი და ანგარიშის წარმოებას უფასოდ ვთავაზობთ. ეს ამ დრომდეც ასე იყო და ახლა უკვე კონტრაქტშიც ჩაიწერა.“
„ლიბერთი“-ს წარმომადგენელის თქმით, ე.წ. საპენსიო სესხების პროცენტთან დაკავშირებით წინა პერიოდში არაერთი ბრალდება გაჟღერდა, რომლის თანახმადაც საპროცენტო განაკვეთი ე.წ საპენსიო სესხებზე მაღალი იყო, თუმცა, წინა სატენდერო კომუნიკაციისას დამტკიცდა, რომ ბანკის მიერ შეთავაზებული სესხის პროცენტი საბაზრო და რიგ შემთხვევაში საბაზროზე დაბალიც კი იყო. შესაბამისად, გაჯანსაღდა ტენდერის პირობებიც და შედეგად, შესაძლებელი გახდა საბაზროზე დაბალ ფასად სესხებზე შეთავაზების გაკეთება. კერძოდ, დაწესდა რეფინანსირების განაკვეთს + 15%, რომელიც 2023 წლის 1-ლი იანვრიდან შევა ძალაში.
11:54
საქართველოს მორაგბეთა ეროვნულმა ნაკრებმა რაგბი ევროპის ჩემპიონატის ნახევარფინალში რუმინეთი 43:5 დაამარცხა და ფინალში გავიდა, სადაც ესპანეთთან დაპირისპირება ელის. ამასთან, ბორჯღალოსნებმა ანთიმოზ ივერი...
13:15
თიბისი, საგანმანათლებლო ინიციატივების ფარგლებში, აგრძელებს სხვადასხვა პროგრამის განვითარებას და უფროსკლასელებისთვის თიბისის ტექსკოლის ახალი ნაკადის მიღებას იწყებს. თიბისი ყოველთვის ითვალისწინებს ახა...
13:04
თიბისი ბიზნესის პანელური დისკუსიების სერია - “ხუთშაბათის შეხვედრები” ბრუნდება. 2025 წლის პირველი ღონისძიება ბათუმში, 13 მარტს ჩატარდება და ის ორგანიზაციული ზრდის გამოწვევების თემატიკას და...
12:57
„ტოიოტა ცენტრი თეგეტა“ კაიზენის 2024 წლის გლობალური ჯილდოს მფლობელია. კაიზენის ჯილდო ტოიოტას სადილეროებს ყოველწლიურად, სხვადასხვა კრიტერიუმით შეფასების შემდეგ, გადაეცემათ. იაპონური ბრენდი...
19:26
„ვოლვო ქარ კავკასია” Excellence Club-ის ჯილდოს არ თმობს. Volvo Cars EMEA-ს ყოველწლიურ ბიზნესკონფერენციაზე კომპანიამ მორიგი საერთაშორისო აღიარება მოიპოვა. Excellence Club-ის ჯილდოსთვის შედ...
14:41
თიბისი კონცეპტის სამოგზაურო უპირატესობები ახლა უკვე ერთ სივრცეში -მობაილბანკშია ხელმისაწვდომი. კონცეპტ მომხმარებლებს თიბისის მობაილბანკის შეთავაზებების გვერდზე აეროპორტის სერვისები დაგხვდებათ, სადაც ...
13:09
12 მარტიდან 12 აპრილამდე, ყველა მომხმარებელს ექნება საშუალება, თიბისის მობაილბანკიდან უმარტივესად გადაიხადოს ამანათის ტრანსპორტირების თანხა. ამანათის გამოწერისას, მისი ტრანსპორტირების თანხას გადამზი...
|
კომენტარები