კობახიძის განცხადების გამო მოლდოვის საგარეო საქმეთ...
მოლდოვაში ჩატარებულ არჩევნებთან დაკავშირებით, ირაკლი კობახიძის განცხადებების შემდეგ მოლდოვის საგარეო საქმეთა სამინისტროში საქართველოს საქმეთა დროებითი რწუნებული დავით ბოჭორიშვილი საგარეო საქ...
ამობრძანდით ხალადეცის ფორმიდან? ჩაგცხეს თავში? – წულუკიანი მეტრეველს
“აჰ, თქვენ ამობრძანდით ხალადეცის ფორმიდან?”,– ასე მიმართა საქართველოს კულტურის მინისტრმა, თეა წულუკიანმა „პალიტრანიუსის“ ტელეწამყვან მერაბ მეტრეველს, რომელიც საკუთარ გადაცემაში გამოთქმული მოსაზრებების გამო საქართველოს ნეიტრალიტეტის საკითხზე მწვავედ გააკრიტიკეს.
გადაცემის შემდეგ მეტრეველმა Facebook-ზე დაწერა, რომ ამ ქვეყანაში განსხვავებული აზრის გამო ადამიანებს იარლიყს აკრავენ.
„ღმერთო ჩემო! ნუთუ ამ ქვეყანაში არ შეიძლება განსხვავებული აზრი გქონდეს ადამიანს (თუნდაც მცდარი) რაღაც თემაზე ისე, რომ იარლიყი არ მოგაკერონ, ეგრევე ვიღაცის მონად და აგენტად არ გამოგაცხადონ. ხალხის მტრად არ მოგნათლონ. მერე როგორც ხალხის მტერი კედელთან არ მიგაყენონ დასახვრეტად, “- დაწერა მერაბ მეტრეველმა, რაზეც თეა წულუკიანმა კომენტარით უპასუხა:
„აჰ, თქვენ ამობრძანდით ხალადეცის ფორმიდან? და, როგორ თუ გაბედე ჩვენ მიერ ჩამოსხმული ყალიბიდან „ბაშკის“ ამოყოფაო, ჩაგცხეს თავში?! ნწ, ნწ. რა საოცარია, რომ გიკვირთ, ვინაიდან აზრის დაშტამპვას თავადვე ხომ ემსახურეთ ბოლო ათი წელიწადი?!…
აქვე დავძენ, რომ ახლა, აზრის ყალიბში დიდხანს ნამყოფს, ცოტა ვარჯიში დაგჭირდებათ, რადგან უსუფაშვილს დააჯაბნინეთ თავი ამ ბევრად უფრო უნარიანმა მოსაუბრემ. არა უშავს, თუ ისევ ყალიბში არ ჩაგაბრუნეს, ისევ ძველი მეტრეველი გახდებით! გილოცავთ”, – წერს თეა წულუკიანი.
მეტრეველმა მინისტრს საპასუხო კითხვით მიმართა, ჰგონია თუ არა მას, რომ ვინც აკრიტიკებს, “ყველა დაშტამპულია?”
“ამის იქეთ ვერ მიდიხართ? ამას მეუბნებით თქვენ, რომელიც ლამის ცენზორად ჩამოყალიბდით მაგ თანმდებობაზე?
ვინც მაგინებს და ჩემს შორის, ასევე თქვენსა და ჩემს შორის ის განსხვავებაა, რომ ყოველთვის თავისუფალი ვიყავი და არც არაპოპულარული აზრების გამოთქმას მოვრიდებივარ ოდესმე“,– უპასუხა ჟურნალისტმა.
ცნობისთვის, გუშინ მერაბ მეტრეველმა “ლელოს“ ერთ-ერთ ლიდერს, დავით უსუფაშვილს ნეიტრალიტეტის თემაზე იკამათა.
კომენტარები