კობახიძის განცხადების გამო მოლდოვის საგარეო საქმეთ...
მოლდოვაში ჩატარებულ არჩევნებთან დაკავშირებით, ირაკლი კობახიძის განცხადებების შემდეგ მოლდოვის საგარეო საქმეთა სამინისტროში საქართველოს საქმეთა დროებითი რწუნებული დავით ბოჭორიშვილი საგარეო საქ...
ღარიბაშვილის დაგეგმილი ვიზიტი აშშ–ში ჩაიშალა, კონგრესმენებმა მასთან შეხვედრაზე უარი თქვეს– ქართველი ჟურნალისტი ვაშინგტონიდან
ვაშინგტონში მცხოვრები ქართველი ჟურნალისტი, დემნა დევდარიანი ფეისბუქზე წერს, რომ საქართველოს პრემიერ მინისტრის, ირაკლი ღარიბაშვილის აშშ–ში ვიზიტი ჩაიშალა.
“ირაკლი ღარიბაშვილი ამ კვირაში აქ, ვაშინგტონში უნდა ყოფილიყო სახელმწიფო ვიზიტით და შეხვედროდა კონგრესმენებს, სახ. დეპის დიპლომატებს და ჩვეულებისამებრ, უნდა შეევლო ჰიუგო ბოსის ლოკალურ მაღაზიაშიც.
დაგეგმილი ვიზიტი ვაშინგტონში ჩაიშალა, რისი ერთ-ერთი მიზეზიც, კონგრესმენების მხრიდან, შეხვედრებისადმი გამოხატული ნულის ტოლი ინტერესი გახდა.
კონგრესმენი კინზინგერი ერთ-ერთი იყო, ვინც უარი თქვა ღარიბაშვილთან შეხვედრაზე.“– წერს დემნა დევდარიანი.
აშშ–ში საქართველოს საელჩოს თანამშრომელი ამ სტატუსის კომენტარში წერს, რომ პრემიერის ვიზიტი აშშ–ში დაგეგმილი არც ყოფილა, რაზეც დემნა დევდარიანი პასუხობს:
“საელჩომდე არ მიუღწევია დაგეგმვის ტექნიკურ ნაწილს, მართალი ხარ. იქამდე მოკვდა პროცესი.“
დემნა დევდარიანი წარსულში ტვ იმედის კორესპონდენტი იყო, თუმცა ამჟამად ამ კომპანიას აღარ წარმოადგენს. გასულ კვირას ის სახელმწიფო დეპარტამენტის იმ პრესკონფერენციას ესწრებოდა, სადაც საქართველოს მიმართ მწვავე კრიტიკა ისმოდა. მოგვიანებით ჟურნალისტმა თქვა, რომ დეპარტამენტიდან ორჯერ დაურეკეს და ბრიფინგზე მიიწვიეს, რათა საქართველოსთან დაკავშირებით კითხვა დაესვა.
კომენტარები