კობახიძის განცხადების გამო მოლდოვის საგარეო საქმეთ...
მოლდოვაში ჩატარებულ არჩევნებთან დაკავშირებით, ირაკლი კობახიძის განცხადებების შემდეგ მოლდოვის საგარეო საქმეთა სამინისტროში საქართველოს საქმეთა დროებითი რწუნებული დავით ბოჭორიშვილი საგარეო საქ...
დარწმუნებული ვარ, პრეზიდენტმა რომ შეიწყალოს სააკაშვილი, მას არ გაათავისუფლებენ - ეკა ბესელია
მე დარწმუნებული ვარ, პრეზიდენტმა რომ შეიწყალოს სააკაშვილი, მას არ გაათავისუფლებენ, - ამის შესახებ პარტია „სამართლიანობისთვის" ლიდერმა, ეკა ბესელიამ „პალიტრანიუსის" გადაცემა „360 გრადუსში" განაცხადა.
ეკა ბესელიას თქმით, სალომე ზურაბიშვილის განცხადება, რომ თუ მიხეილ სააკაშვილის ჯანმრთელობის გართულებაზე დასკვნა დაიდება, სასამართლომ უნდა მიიღოს ღირსეული გადაწყვეტილება, სწორი აქცენტი იყო, რადგან სასჯელის გადავადებაც და სამკურნალოდ გადაყვანაც სასამართლოს კომპეტენციაა.
„სწორი აქცენტი იყო იმიტომ, რომ კანონით სასამართლო იხილავს სასჯელის გადავადებას, სამკურნალოდ გადაყვანას. ყველა საკითხი სასამართლოს კომპეტენციაა. რაც შეეხება შეწყალებას, არ არის ასე მარტივად საქმე.
მე არ მიჭირს ჩემი პოზიციის გამოხატვა, არაერთხელ ვთქვი, რომ არავითარი შურისძიების სურვილი არ მაქვს მე სააკაშვილის მიმართ და გავთავისუფლდი ასეთი ტიპის ემოციებისგან, ადამიანის სიცოცხლე და ჯანმრთელობა არის ბევრად უფრო მნიშვნელოვანი, ვიდრე რომელიმე ჩვენგანის შინაგანი განცდა, გაბრაზება თუ წყენა, წყენა კი არა, ჯოჯოხეთი გავიარე ორი წელი, მაგრამ მე ნამდვილად ვუერთდები იმ ადამიანების რიცხვს, ვინც მიიჩნევს, რომ არ შეიძლება ასეთი სადამსჯელო ღონისძიებები, მაგრამ შეწყალება არ იქნება საკმარისი. მე დარწმუნებული ვარ, პრეზიდენტმა რომ შეიწყალოს სააკაშვილი, მას არ გაათავისუფლებენ, სხვა საქმეზე აღკვეთის ღონისძიების სახით პატიმრობა თუ არ აქვს, შეუფარდებენ. მე ვფიქრობ, რომ პრეზიდენტის აქცენტები ამიტომ იყო გადატანილი სასამართლოს მიმართ. სასამართლოს აქვს ახლა ყველზე მეტი პასუხისმგებლობა, რომ ამ საქმეზე აჩვენოს, ის არ არის გავლენების ქვეშ", - განაცხადა ეკა ბესელიამ.
კომენტარები