სალომე ზურაბიშვილმა ორბელიანების სასახლე დატოვა...
“მინდა, პირველ რიგში, ყველას დიდი მადლობა გითხრათ აქ მოსვლისთვის დღეს იმიტომ, რომ დღეს ჩვენ აქ ვდგავართ, იქითკენ არის სიცარიელე, აქ არის საზოგადოება, იქითკენ არიან ჩაკეტილები, ჩვენ ვართ გარეთ იმ...
როდესაც ერთ დღეში ქვეყნიდან გაქცევის სურვილი თითქმის 40 ათას ადამიანს უჩნდება, ეს იმას ნიშნავს, რომ ქვეყანა უპატრონოდაა დარჩენილი - ანა დოლიძე
როდესაც ერთ დღეში ქვეყნიდან გაქცევის სურვილი თითქმის 40 ათას ადამიანს უჩნდება, ეს იმას ნიშნავს, რომ ქვეყანა უპატრონოდაა დარჩენილი, მას მთავრობა არ ჰყავს - ეს არის ხელისუფლების განაჩენი, - ამის შესახებ მოძრაობა „ხალხისთვის" ლიდერმა ანა დოლიძემ განაცხადა, რითაც შეაფასა ის ფაქტი, რომ გერმანიაში ლეგალურად დასაქმების მიზნით ერთ დღეში თითქმის 40 ათასი საქართველოს მოქალაქე დარეგისტრირდა.
მისივე თქმით, ხელისუფლებას არც კოვიდპანდემიამდე ჰქონდა ეკონომიკური პოლიტიკა და არც ახლა არ აქვს.
„პირველივე დღეს გერმანიაში სამუშაოდ წასასვლელად 40 ათასამდე ადამიანი დარეგისტრირდა. ეს არის ამ ხელისუფლების განაჩენი. იმის ნაცვლად, რომ „ქართული ოცნების" მთავრობა დაკავებული იყოს საკუთარი მოსახლეობის სოციალურ-ეკონომიკური პირობების გაუმჯობესებით, კოვიდპანდემიის პირობებში ყოველდღიურად ვხედავთ უგუნური და დაუსაბუთებელი გადაწყვეტილებებით, როგორ ესხმის თავს ჩვენი ხელისუფლება მშრომელ ხალხს. ჩაკეტილი ქვეყანა, ათი ათასობით უმუშევრად დარჩენილი ადამიანი, დახურული ბიზნესები, ათასობით სტატუსშეჩერებული სტუდენტი, ბანკების პროცენტებით გაგუდული პენსიონერები - ეს ის ადამიანები არიან, ვისაც გაქცევა უნდათ სამშობლოდან, რომ ლუკმა-პური იშოვონ. ხელისუფლება კი ამ ფაქტს არც იმჩნევს. რისთვის ვქირაობთ ამ ხალხს და რისთვის ვუხდით ჩვენი ბიუჯეტიდან ფულს, იმისთვის რომ ისევ მხოლოდ თვითონ და მათთან დაახლოებული პირები გამდიდრდნენ. თუკი სხვა ქვეყნები ახერხებენ შეინარჩუნონ სამუშაო ადგილები არა მარტო თავისი მოსახლეობისთვის, არამედ დაიქირაონ მუშახელი საქართველოდან, რას გვიკეთებს მთავრობა - ფაქტობრივად, არაფერს, არც კოვიდპანდემიამდე ჰქონიათ ეკონომიკური პოლიტიკა, არც დღეს აქვთ და, ფაქტია, არც მომავლისთვის ფიქრობენ ამ მიმართულებით. ეს იმას ნიშნავს, რომ ქვეყნა უპატრონოდაა დარჩენილი და მას ხელისუფლება არ ჰყავს," - აცხადებს ანა დოლიძე.
კომენტარები