1 9 : 3 5
სარეკლამო ადგილი - 21
620 x 80
 | 

ბიზნესი

რისკები, რომლებიც ზაფხულში ზამთრის საბურავებით გადაადგილებას ახლავს

ზაფხულის დადგომა ნანატრ შვებულებასთან, მზესთან, დასვენებასა და განტვირთვასთან ასოცირდება. ამ სეზონზე გზებზე მოძრაობა იზრდება. საყვარელი ან ახალი ადგილების სანახავად, ძირითადად, ქალაქიდან შორს მივემგზავრებით და ჩვეულებრივთან შედარებით, ავტომობილით ბევრად დიდი მანძილის დაფარვა გვიწევს. შორ გზაზე მოგზაურობისას კი ავტომობილის გამართვა და უსაფრთხოებაზე ზრუნვა კიდევ უფრო მნიშვნელოვანი ხდება.

გამართული ავტომობილისთვის კი ერთ-ერთი მთავარი დეტალი სეზონისთვის შესაბამისი საბურავია. ზამთრისა და ზაფხულის საბურავები ერთმანეთისგან პროტექტორის ფორმით, ზომით, განლაგებით, შემადგენლობითა და ბევრი სხვა დეტალით განსხვავდება.  

მიუხედავად ამისა, ხშირად მძღოლები მანქანის სეზონური გამართვის აუცილებლობას ვერ აცნობიერებენ. სხვადასხვა მიზეზის - დროის, ფინანსებისა თუ ძალისხმევის დაზოგვის მიზნით, ცდილობენ, ამ საჭიროებას თავი აარიდონ. ამ ყველაფერს კი ხელს უწყობს ავტომობილის მოვლის შესახებ საზოგადოებაში გავრცელებული სტერეოტიპული მოსაზრებები. ალბათ ბევრი მძღოლისგან გსმენიათ, რომ ზაფხულში ზამთრის საბურავებით გადაადგილება პრობლემა სულაც არ არის და სეზონის შესაბამისი საბურავების შეძენა ზედმეტი ხარჯი თუ დროის კარგვაა.

ალბათ, მძღოლებისგან პირადი ისტორიებიც მოგისმენიათ, რომ ზაფხულში ზამთრის საბურავებით ყველანაირი ექსცესების გარეშე გადაადგილდებიან. 

თუმცა, რეალობა სრულიად განსხვავებულია. შესაძლოა, კონკრეტულ შემთხვევაში ერთ მძღოლს გაუმართლა, თუმცა ეს ერთეული ისტორია სულაც არ ნიშნავს, რომ ზაფხულში ზამთრის საბურავებით მოძრავ სხვა ავტომობილსაც არ შეექმნება პრობლემა. შესაბამისად, მნიშვნელოვანია, გააცნობიეროთ, რომ ყოველ ჯერზე, როდესაც სეზონისთვის შეუფერებელი საბურავებით გადაადგილდებით, უსაფრთხოებას რისკის ქვეშ აყენებთ.

არსებობს რამდენიმე კონკრეტული მიზეზი, რის გამოც ზაფხულში სეზონისთვის განკუთვნილი საბურავების გამოყენება აუცილებელია:  

სამუხრუჭე მანძილის გაზრდა

ზაფხულის საბურავები დამზადების ტექნოლოგიითა და ქიმიური შემადგენლობით გამოირჩევა. მაღალი ტემპერატურის პირობებში აქტიურდება მისი შემადგენელი ნივთიერებები და გზის ზედაპირთან მოჭიდების ხარისხი იზრდება. ხოლო ზამთრის საბურავები მაღალ ტემპერატურაზე ელასტიკური ხდება და ეფექტურობას კარგავს. უამრავი ექსპერიმენტით დასტურდება, რომ  ზაფხულის საბურავი დამუხრუჭებისას ბევრად ეფექტურია ზამთრის საბურავთან შედარებით. შესაბამისად, თუ  გინდათ ავტომობილით გადაადგილებისას მშვიდად იგრძნოთ თავი, აუცილებლად სეზონის შესაბამისად უნდა შეცვალოთ საბურავები.

მოცურების მაღალი ალბათობა

როდესაც  ზაფხულის ცხელ დღეებში საბურავების ეფექტურობაზე ვსაუბრობთ, მხოლოდ მათი ქიმიური შემადგენლობა არ იგულისხმება. დიდი დატვირთვა აქვს პროტექტორებს. მათი განლაგება, ფორმა და ზომა განაპირობებს გზის ზედაპირთან მოჭიდების ხარისხს. ზამთრის საბურავის პროტექტორები არის მაღალი, მათ შორის საკმაოდ  დიდი სივრცეა და ამის გამო საბურავის ზედაპირის მხოლოდ ნაწილი ეხება გზას. მაღალი ტემპერატურის პირობებში კი პროტექტორები ელასტიკური ხდება. მკვეთრი მანევრის შესრულებისას ან დამუხრუჭებისას  იზრდება იმის ალბათობა, რომ ავტომობილი მოცურდეს. 

წვიმის დროს გზის სველ ზედაპირზე მართვის გართულება

როგორც უკვე აღვნიშნე, ზაფხულისა და ზამთრის საბურავები ერთმანეთისგან პროტექტორების განლაგებითაც განსხვავდება. ზაფხულის საბურავების პროტექტორები იმგვარადაა განლაგებული, რომ, თუ წვიმიან ამინდში მოგიწევთ გადაადგილება, საბურავები წყალს მაქსიმალურად განდევნის გზის ზედაპირიდან, რაც მოცურების ალბათობას შეამცირებს, შესაბამისად, მსგავს პირობებში ავტომობილის მართვა ძალიან მარტივია. ზამთრის საბურავებს კი, პროტექტორების განლაგების გამო, მსგავსი შესაძლებლობა არ აქვს.   

ცვეთის დონის ზრდა

მძღოლების გარკვეულ ნაწილში გავრცელებულია მითი, რომ ზამთრის საბურავები ზაფხულის საბურავებთან შედარებით უფრო ხარისხიანია. სინამდვილეში კი რეალობა სხვაგვარია. ზამთრის საბურავები მაღალი ტემპერატურის პირობებში ძალიან ელასტიკური ხდება და, შესაბამისად, მისი ცვეთის ხარისხი ბევრად მაღალია, ვიდრე ზამთარში. ასე რომ, საბურავებზე გაკეთებული ეკონომია გრძელვადიან პერიოდში საერთოდაც არ არის მოგებიანი. პირიქით, უფრო მეტ ხარჯთან და რისკებთან არის დაკავშირებული.

ხმაური გადაადგილებისას

უსაფრთხო გადაადგილებასთან ერთად, ზაფხულის საბურავებით მოძრაობა კომფორტის წინაპირობაცაა. ის ზამთრის საბურავებთან შედარებით მსუბუქია, აგებულებითა და შემადგენლობით კი - განსხვავებული. შესაბამისად, როდესაც ზაფხულის დადგომისას ავტომობილზე ზამთრის საბურავებს მოხსნით და ზაფხულისთვის განკუთვნილ საბურავებს დააყენებთ, ავტომობილის დაძვრისას იგრძნობთ, რომ მსუბუქად და უხმაუროდ გადაადგილდებით.    

ეს მიზეზებიც კმარა, რომ უკვე ზაფხულის საბურავების მოძიებაზე დაიწყოთ ზრუნვა. ყველაზე დიდი არჩევანი კი „თეგეტა მოტორსის“ფილიალებში დაგხვდებათ და  სპეციალური შეთავაზებებითაც ისარგებლებთ. მეტი კომფორტისთვის კი შესაძლებელია, დისტანციური სერვისებით, პერსონალური მენეჯერის მომსახურებით ან ონლაინ ჯავშნით ისარგებლოთ.

კომენტარები

მსგავსი სიახლეები

  • 11:41

    ქართული რაგბის არქიტექტორი...

    მსოფლიო რაგბი ლეგენდარულ კლოდ სორელს ემშვიდობება - ფრანგ მორაგბესა და მწვრთნელს, რომელიც 76 წლის ასაკში გარდაიცვალა. სორელი საფრანგეთის ქალაქ ბეზიეში, 1948 წლის 17 აპრილს დაიბადა და როგორც ფრანგულ, ი...

  • 11:32

    თიბისის მხარდაჭერით თბილისის წიგნის ბაზრობა გაიმარ...

    თიბისის მხარდაჭერით და საქართველოს წიგნის ასოციაციის ორგანიზებით, 10-13 აპრილს ექსპო ჯორჯია თბილისის წიგნის ბაზრობას უმასპინძლებს. თბილისი წიგნის ბაზრობა - ეს არის ადგილი, სადაც ყველა თაობის ადამიან...

  • 14:58

    თიბისი x ქართული რაგბი - 18-წლამდე მორაგბეთა ნაკრე...

    საქართველოს 18-წლამდე მორაგბეთა ნაკრები საფრანგეთში, ქალაქ ვიშში გაემგზავრა, სადაც 6 ერის ფესტივალში მიიღებს მონაწილეობას. ფესტივალზე, საქართველოსა და 6 ერის ქვეყნების (საფრანგეთი, უელსი, ინგლისი, ი...

  • 11:58

    თიბისიმ, საუკეთესო პერსონალური საბანკო მომსახურ...

    მსოფლიოში ავტორიტეტულმა ფინანსურმა ჟურნალმა - Euromoney, თიბისი საქართველოში საუკეთესო პერსონალური საბანკო მომსახურებისთვის დააჯილდოვა.   ჯილდო ბანკმა თიბისი კონცეპტისა და თიბისი WM-ის მაღალშემ...

  • 11:09

    ZEG Storytelling Festival 13-15 ივნისი ...

    როგორ შეიძლება დაგანახოს ომი  სატირიკოსმა მწერალმა და მონაცემთა მეცნიერმა? რა შეიძლება გასწავლოს ფილოსოფოსმა ამბის თხრობაზე? რას გვიყვებიან განსაკუთრებულს ჩვენი პლანეტის შესახებ არქიტექტორე...

  • 18:46

    მალე საირმის ტყეს კეთილშობილი კავკასიური ირემი დაუ...

    ·         საირმეში ისტორიული პროექტი მიმდინარეობს, რომლის ერთ-ერთი ნაწილი ე.წ. ფერმის მოწყობაა, სადაც წითელ ნუსხაში შეტანილ ცხოველებს გაამრავლებენ და ბუ...

  • 17:15

    თიბისის გუნდმა Young Lions Georgia 2025-ზე ოქროს მ...

    კანის ახალგაზრდული ლომების ფესტივალი შემოქმედებითი ინდუსტრიის ყველაზე პრესტიჟული კონკურსია, სადაც მონაწილეობას ქვეყნის საუკეთესო ტალანტები იღებენ. წელს კონკურსს უპრეცედენტოდ ბევრი მონაწილე ჰყავდა. სხ...